01.10.26
Premyer Liqada “Qarabağ”ın səfərdə “Neftçi” üzərindəki 4:1 hesablı qələbəsindən sonra narazılığın baş qaldıracağı təbii idi. Dalbadal üç dəfə Azərbaycan çempionu adını qazanan paytaxt təmsilçisi normal olaraq məğlubiyyətləri həzm edə bilmir, amma yeri gəldi-gəlmədi az qala hər uğursuzluğa görə hakimləri günahlandırır ki, bu məsələyə də dəfələrlə tənqidi tərəfdən çox yanaşmışıq.
Amma insafla danışsaq, böyükhesablı son məğlubiyyəti səbəbindən “Neftçi”nin oyunun baş hakimi Vüsal Əliyevi ittiham etməsinə haqq qazandırmamaq mümkün deyil. Söhbət heç də “Qarabağ”ın halal qələbəsinə kölgə salmaqdan getmir. Qurban Qurbanovun komandası hakimlərin yox, məhz özünün alın təriylə qalib gəldi. Və heç kimə də sirr deyil ki, Ağdam klubu bu mövsüm bəlkə də tarixinin ən yaxşı dönəmini keçirir. Xüsusən braziliyalı legionerlərinin sayəsində “Neftçi” də daxil istənilən komandaya qalib gəlib sonda Azərbaycan çempionu adını qazanması hazırkı durumda ən çox bu klubun haqqıdır. Komandanın oyununa, xırda istisnaları bir kənara qoysaq, nizam-intizamına bu gün Premyer Liqamızda hər bir klub həsəd apara bilər.
Bunlar öz yerində. İndi gələk, “Neftçi”nin baş məşqçisi Böyükağa Hacıyev və klubun mətbuat xidmətinin rəhbəri Gündüz Abbaszadənin açıqlamalarına. Hər ikisi bildirir ki, oyunun 14-cü dəqiqəsində “Qarabağ”lı Almeydanın Nfora qarşı kobudluğu zamanı hakim ona qırmızı vərəqə göstərməliydi. Epizoda təkrar-təkrar baxandan sonra mat-məəttəl qalırsan: V.Əliyev kimi təcrübəli bir hakim bu epizodda nəinki qırmızı vərəqə vermir, heç sarı vərəqə də göstərmir. Tam absurd, məntiqsiz və gülünc bir qərar! Halbuki Almeyda rəqibin ayağına bilərəkdən, təkrar edirik, məhz bilərəkdən zərbə endirir ki, bunu da istəsən, lap göyün yeddinci qatından görmək olar. Amma Vüsal Əliyev özündən bir-iki metrlik məsafədəki bu epizodu görmür, ya da bəlkə görmək istəmir. AFFA-nın Hakimlər Komitəsinin rəhbəri Xaqani Məmmədov Antalyada keçirdiyi seminarlar zamanı təkcə jurnalistlərə futbol qaydalarından dərs keçməməlidir, öz hakimlərinə də başa salmalıdır ki, rəqibə bilərəkdən zərbə endirməyin yalnız bir cəzası var: qırmızı vərəqə!
Bilmirəm, X.Məmmədov az qala futbolçusu qədər də idman saytı olan ölkəmizdə harasa açıqlama verib, ya yox, amma buraxdığı son səhvlərə görə Vüsal Əliyevə mütləq cəza tətbiq edilməlidir. Sənin hakimlərin uşaq səhvinə yol verirsə, “Qarabağ”ın halal qələbəsinə nə üçün kölgə düşməlidir?
V.Əliyevin səhvi bununla bitmir. Elə həmin Almeydaya birinci hissədə yenə sarı vərəqə göstərmək olardı. Əli ilə bu dəfə Erik Ramosu vurmağa cəhd etdiyinə görə. Amma hakim bu dəfə də “humanistlik” nümayiş etdirdi. Yeri gəlmişkən, Almeyda nə qədər səviyyəli və “Qarabağ”ın uğurlarında bir o qədər əməyi keçən futbolçu olsa da, bu adamın elə “Neftçi”dəki həmkarı Erik Ramos kimi əsəbləri qətiyyən yerində deyil. Qurban Qurbanov yəqin bundan sonra onun barəsində ölçü götürəcək. Yoxsa, daha kritik məqamda kobudluğuna görə komandasını ağır vəziyyətə sala bilər. Düzdür, Almeyda “Neftçi”ni məğlub etdikləri oyunun ən yaxşılarından idi. Amma o, bu matça elə bil təkcə futbol oynamağa yox, sanki davaya çıxmışdı. Bilmirəm, nədirsə, Almeydanın, deyəsən, “Neftçi”nin oyunçularına patoloji nifrəti var. Yoxsa niyə bu adam futbolu həm də yumruq-təpiklə oynayırdı?
Nə isə “Neftçi”nin narazı qaldığı Araz Abdullayevin meydandan qovulması epizoduna toxunaq. Araz, gərək ki, Almeydaya dirsəyi ilə bilərəkdən zərbə endirməmişdi, amma hakim ona qırmızı vərəqə göstərdi. Özü də hesab 2:0 “Qarabağ”ın xeyrinə olanda. İnanıram, Xaqani Məmmədov əgər deməyibsə, artıq xarab olmuş o şablon fikirləri yenə təkrarlayacaq: “Hakim də insandır, səhv edə bilər. Səhv olsa da, qərəz yox idi”.
Bəli, hakim səhv edə bilər, amma Xaqani Məmmədov, səhv bir olar, iki olar. Və ən başlıcası, səhvin də adı olur: var, qərəzli səhv, var, biabırçı səhv.
Vüsal Əliyev qərəzli səhv etməsə də, çox biabırçı səhvlər buraxdı. Xüsusilə, Araz Abdullayevə qırmızı vərəqə göstərməklə V.Əliyev bu dəfə həm PFL-i, həm də yoldaş Xaqani Məmmədovun özünü zərbə altına qoydu. Görürsünüz, Böyükağa Hacıyev nə deyir: “Artıq “Neftçi” PFL-in arzuladığı kimidir”.
Böyükağa Hacıyevin PFL-lə bağlı fikirləri yeni deyil. Amma hər halda, Hacıyevin komandası son beş turda bir dəfə də olsun qalib gələ bilməyibsə, “qara zolağa” düşübsə, arxayınçılıqdan hətta autsayder “Sumqayıt”a da uduzubsa, daha hər şeyi hakimlərin, PFL-in üstünə atmaq ən azı ədalətli deyil (hər halda, Hacıyev hakimlərdə səhv axtardığı kimi, özünün son aylardakı işini də ciddi təhlil etməlidir). Yox, əgər doğrudan da, “Neftçi” son uğursuzluqlarının hamısını hakimlərdə görürsə, o zaman öz oyunlarına xaricdən hakim gətirilməsi məsələsini qaldıra bilər. Bəlkə o zaman bu qədər hay-küyə son qoyuldu.
Aydın BAĞIROV
Mahir Emreli üzr istədi
İspaniya yığmasının düşərgəsini tərk etdi
"Mən qələbə qazanan komandaya gəlməmişəm" - Ayxan Abbasov
Belə olmamalı idi, Ayxan müəllim!
Futbolçular klubu məhkəməyə verə bilər
Azərbaycan millisi evdə Lixtenşteynə qalib gələ bilmədi
Azərbaycan kubokunda oyunların vaxtı açıqlandı
Messi İspaniyada klub aldı
“Fənərbaxça” üçün şad xəbər
20 ildən sonra yığmadan gedir
AFFA bu klubları cəzalandırdı
“Real” “Barselona” ilə bağlı sənədləri UEFA-ya təqdim etdi
Azərbaycan - Lixtenşteyn: Heyətlər açıqlandı
İngiltərə millisində növbəti itki
A Seriyasının ən yaxşısı seçildi
Joa Feliks “Barselona”ya qayıtmaq istəyir
“Borussiya”dan Niko Kovaç qərarı
Azərbaycan millisi Kosovoya da uduzdu
"Qarabağ" "Zirə" ilə qarşılaşacaq
"Milli qələbə qazanmağa borcludur" - Əfran İsmayılov
Azərbaycan şahmatçılarının dünya reytinqi açıqlandı
“Nyukasl”ın yeni loqosu - Şəkil
"Onun potensialına çox ümidliyik" - Aftandil Hacıyev
Bugünkü oyunları yayımlayacaq kanallar
Anri “Mançester Siti”nin Premyer Liqadan qovulmağını istəyir
Litva millisi Bakıya böyükhesablı qələbə ilə gəlir - Video
Mühəndis, mexanik, satıcı... - Bizə qarşı kimlər oynayacaq?
7 futbolçu Azərbaycan millisinin heyətindən çıxarıldı
Kris Smollinqin yeni klubu bəlli oldu
Ronaldodan gedişi ilə bağlı - Açıqlama
Messinin oynamadığı matçda darmadağın
“Sabahın ulduzları”nda çempionlar bilindi
Ronaldo millidən qalmaqalla ayrıldı - Şok olay
Azərbaycan millisi üzərindəki qələbədən danışdı
Azərbaycan millisi Şotlandiyaya uduzdu
"Atletiko" ilə fikir ayrılıqlarını aradan qaldırdıq"
Ronaldo yığmanın düşərgəsini tərk edib?
Şotlandiya - Azərbaycan matçının heyətləri açıqlandı
Hakimlərlə bağlı açıqlaması başına bəla oldu
10 oyunluq cəzalansa da, baş məşqçi onu təriflədi
“Heç kim heyət seçimimə təsir edə bilməz”
Millimizin futbolçusu Lixtenşteynlə oyunu buraxacaq
“Onların itirəcəyi heç nə yoxdur” - Ayxan Abbasov
“Sabah mütləq qalib gəlməliyik” - Emin Mahmudov
O da zədələndi, millidən getdi
