01.04.26
"Neftçi” və “Sabah” dünənki uğurları ilə “Qarabağ”la bağlı azarkeşlərimizdə yaranmış məyusluğu az da olsa unutdura bildilər.
Nəticələr müsbət olanda küskün azarkeşlər öz istəyi ilə stadiona qayıdırlar. Xeyli müddətdir boş qalan “Neftçi”nin stadionunda tribunalar tam dolmuşdu. Eləcə də “Sabah”ın. Niyə? Ona görə ki, ilk oyunda “Neftçi” Bosniya və Hersoqovinada, “Sabah” Latviyada uğurlu və ümidverici nəticə qazanmışdı. Təkrar oyunda hər ikisi layiqli qələbə qazanıb həm mərhələ adladı, həm də Azərbaycanın UEFA reytinqinə əlavə xal yazdırdı.
Avrokuboklardakı debütantımız “Sabah” baş məşqçi Murad Musayevin iti futbol zəkası, müasir futbolun damarını yaxşı tutması səbəbindən inkişafa doğru gedir. “Sabah”da bu günə qədər həm klub rəhhərliyi, həm də məşqçi səviyyəsində görülən işləri yalnız müsbət dəyərləndirmək olar.
Amma gələcəkdə bu uğurlu gedişata mane ola biləcək neqativ addımdan qaçılmalıdır. Yəni baş məşqçi ilə klub arasında birlik, qarşılıqlı dəstək davam etməlidir. Düzdür, hələlik bunun əksinə dair xəbərlərə rast gəlinməyib. Ümid edək, heç gəlinməz də. Amma onu da unutmayaq ki, bəli, düz düşündünüz, biz Azərbaycanda yaşayırıq…
Bu yazıda “Neftçi”nin üzərində xüsusən dayanmaq istərdim. Çünki bu klubumuz illərdir sağdan-soldan, SOCAR-dan, AFFA-dan, Elxan Məmmədovgilin çetesindən elə zərbələr alıb ki, onun özünə gəlməsi, toparlanması müəyyən vaxt (bəlkə də uzun vaxt) alacaq. Əvvəlki rəhbərin nöqsanlı idarəçiliyi, bəzən də klub prezidentinin adına yaraşmayan ucuz davranışı ən çox elə “Neftçi”nin imicini ləkələyirdi.
Bizdə el arasında yaxşı deyiblər ki, insanın gərək gözü tox olsun. Gözütoxluq isə tutduğun vəzifə ilə ölçülmür. Yeri gəlmişkən, indi heç vəzifə də qalmayıb...
Bu gün “Neftçi”də təzə rəhbərlik, yeni baş məşqçi, futbolçular var. Bir sözlə, klub təzədən qurulur. “Jelezniçar”la matçlarda komandanın oyun baxımından axsaması başadüşülən idi. Vacib olan nəticə idi ki, qazanıldı. İndi nədənsə hamıda “Neftçi” əvvəlki “Neftçi ola bilər kimi ümidlər yaranıb.
Tamamilə təbiidir. Çünki klub “yabanı otlar”dan təmizlənir.
Amma yuxarıda qeyd etdiyim kimi, bunlar hələlik yalnız ümiddir, faktın, həqiqətin özü deyil. Bir qələbə eyforiya yaratmamalıdır. Qarşıdakı “Beşiktaş” kimi güclü rəqib, daha da önəmlisi daxili liqada ən azı “Qarabağ” və “Sabah”la çətin rəqabət var.
Və indiki həssas keçid dönəmi “Neftçi”nin yeni rəhbərliyindən ayıq-sayıq və təmiz idarəçilik gözləyir. Əlbəttə, baş məşqçi Adrian Mutunun işinə mümkün müdaxilədən də qaçılmalıdır. Yox, əgər bu olsa, yeni rəhbər Fərrux Mahmudovun əvvəlki rəhbər Kamran Quliyevdən bir fərqi (iş mənasında) də olmayacaq.
Bəli, “Neftçi”də yeni dövr başlayıb. Amma bu dəyişiklik kosmetik olmamalıdır. Klub və komanda daxildən tamamilə yenilənməlidir. Bu halda biz yaxın gələcəkdə yenidən çempion olan “Neftçi”ni görə bilərik. Çempion olan və Avropada qrupa düşən “Neftçi”ni…
“Neftçi”nin yaxşı mənada yenilənməsi isə onun güclənməsi deməkdir. Və tək onun deyil, bütün Azərbaycan futbolunun.
Aydın Bağırov
Dünyanın ən yaxşı "tək klublu" futbolçuları kimlərdir?
“Barselona” bir matça görə 10 milyon qazana bilər
Klub futbolçusuna görə yığmanı FİFA-ya şikayət etdi
Çempionşip klubunun apellyasiya şikayəti rədd edildi
"Yuventus" "Liverpul"un qapıçısına göz dikdi
“Cəbrayıl”ın 3 qollu qələbəsindən - Video
AVRO-2032 Türkiyədə keçirilə bilər
Millinin baş məşqçisi istefa verdi
Noyer pley-off tarixinə düşdü
"Arsenal" bu göstəricidə Avropada liderdir
“Ayaks” Avstriya klubu ilə əməkdaşlıq edəcək
Daha az maaşla klubunda qaldı
"Millini çalışdırmaq istəsə, onu dəstəkləyərdim"
“Bakı Sportinq” və “Cəbrayıl” tura qələbə ilə başladı
14 illik həsrət bitdi
Azərbaycan millisinin İspaniyadakı ilk məşqindən - Şəkillər
Matçın ən yaxşısı seçilən 40 yaşlı Noyerdən açıqlama
Daha 4 il üçün federasiya prezidenti seçildi
Növbəti mövsüm ÇL-də İngiltərənin 5 klubu iştirak edəcək
"Barselona" bu hücumçunu satacaq
"Marsel"in baş məşqçisinin evi qarət olundu
"Qarabağ"da iclas keçirildi - Şəkillər
Çempionlar Liqasında rekord qırdı
Avrokubokların oyunlarını yayımlayacaq kanallar
Son 4 mövsümün ən böyük hesabı
Azərbaycan çempionatlarının 21-ci əsrdəki rekordu yeniləndi
Azərbaycandakı amerikalıların 10-cu het-triki
Bəxtiyar Həsənalızadə: “Qələbədən başqa yolumuz yoxdur”
Arbeloa: "Münhendə "Real" qalib gələcək"
65 il sonra qayıtdılar
"Bavariya"nın Madrid zəfəri - Video
"Quba" "Şəki Siti" ilə üz-üzə
"Bavariya" "Real"a, "Arsenal" "Sportinq"ə qalib gəldi
6 qol və "Sabah"ın qələbəsi - Video
“Liverpul” "təmizləmə" işləri aparacaq
Mirça Luçesku vəfat etdi
Bu dəfə planşeti Ayxan Abbasov qırdı - Video
"Əgər qərar verirsənsə, VAR-a baxmalısan"
Azərbaycan millisindən ardıcıl ikinci qələbə
Misli Premyer Liqasında 26-cı tur yekunlaşdı
“Beşiktaş”ın futbolçusu sıradan çıxdı
Luçesku əməliyyat oluna bilməyəcək
Qırmızı vərəqə, "Zirə"nin qaçırdığı penalti - Video
"4-5 top fərqi ilə udacağımız oyunda heç-heçə etdik"
"Turan Tovuz"un xal itkisi - Video
