23.04.26
Molde Norveçin cəmi 30 min əhalisi olan kiçik şəhərlərindən biridir. Deyilənə görə, bura qızıl gülləri, caz festivalı, bir də şəhərin adını daşıyan futbol klubu ilə məşhurdur.
Futbol klubu - “Molde”.
Tanış rəqib.
Yaddan çıxmayıb, cəmi 2 ay əvvəl bizim “Qarabağ” Bakıda onları Leando Andradenin qolu ilə 1:0 hesabı ilə məğlub etmişdi. Bu gün hər iki komandanın təkrar oyunu var. Gözləntimiz “Qarabağ”ın ən azı uduzmamasıdır. Qurban Qurbanov və komandasının da minimum hədəfi elə budur: ən azı 1 xal.
Onda hər şeyi Bakıda qrup autsayderi “Hekken”lə (İsveç) son matça saxlamaq olar. Bugünkü mümkün qələbə isə son turun nəticəsindən asılı olmayaraq artıq “Qarabağ”ı və bütövlükdə Azərbaycan futbolunu tarixində ilk dəfə Avropa Liqasının 1/16 final mərhələsinə çıxaracaq! Çalışmışam ki, oyun necə bitəcək, kim qalib gələcək kimi qəti fikir yürütməyi özümdən həmişə uzaq edim. Odur ki, təxmini bir kənara qoyub reallığa qayıdıram.
…Reallığa. Moldenin hava limanına…
Baxırsan bapbalaca bir aeroportdur. Amma o bapbalaca aeroportda insan zəkasının yaratdığı fenomenal əsərə şahid olursan. Hava limanı dənizin düz kənarında tikilib. Təyyarənin eniş zolağı həm də həmin dənizin sahilidir.
Və bu hava limanına güman ki, ilk dəfədir Azərbaycandan təyyarə enir. Onların arasında bir qrup jurnalistimiz də var. Yeri gəlmişkən, dəvətə görə “Qarabağ” klubunu, media nümayəndələrinin bütün təşkilati xərclərini öz üzərinə götürən ETOPAZ şirkətini və şəxsən Altay Əliyevi minnətdarlıqla qeyd edirəm. Və qayıdıram yenə həmin bizim o təyyarəyə ki, onun qapıları açılır və trapdan ayağımızı yerə basan kimi özümüzü həqiqətən dünyanın ən soyuq ərazilərindən olan Skandinaviya torpağında hiss edirik. Bakının 10 dərəcə istisindən Moldenin 5-6 dərəcəlik şaxtasına enmişik axı. O soyuq, o sazaq da hamımızın canına hopub təbii ki. Yəqin elə bunun, bu soyuğun insan bədənində yaratdığı titrəmənin təsirindəndir ki, ətrafdan klassik azərbaycanlılara xas tanış səslər gəlir:
- Xəngəl havasıdır, xəngəl havası…
***
Bayaqdan, hardasa 15-20 dəqiqədir Qurban Qurbanov başını aşağı salaraq gözləmə salonunda o yana, bu yana var-gəl edir. Əlbəttə, nəyi düşündüyünü özü daha dəqiq bilir. Amma o düşüncülər arasında “Qarabağ”ın bugünkü oyununun qayğılarının olduğunu söyləmək də mümkündür.
O gözləmə salonundan çöldə isə Moldedir, Norveçin və Avropanın onlarla kiçik şəhərindən biri. Və bu şəhərə ayaq basanda mənim diqqətimi ilk o məqam cəlb edir ki, bura gecə, qaranlıq lap erkəndən gəlir. Dəqiqləşdirim: yerli vaxtla saat 16:00-16:30 arasında. İndi bu sətirləri yazarkən isə səhər saat səkkizə on dəqiqə işləyib və hələ də ətraf qaranlıqdır…
Otel otağımın pəncərəsindən baxanda - 150-200 metr o tərəfdə dənizin olduğunu yalnız hərəkətdə olan gəmi sayəsində bilmək olur. Amma əlbəttə, bir azdan hava da açılacaq, ətrafa gün də saçacaq, sonra gecə yenə düşəcək. Və bəlkə məhz elə bu gecə “Qarabağ”ın qazanacağı növbəti uğur qaranlıq futbolumuz üçün bir işığı da uzaq Moldedə yandıracaq?..
Düzdür, bunlar hələlik romantika, arzudur... Amma həm də deyil. Məgər, “Qarabağ”ın Avropada açılan böyük yolu elə həmin Norveçdən - “Rusenborq”la ilk oyundan başlamamışdımı? Amma indi, bu dəqiqə, nə desən, nə yazsan yenə təxmindir. Ona görə də, bəli, yenə qayıdaq reallığa.
* * *
Üzümüzə baxan kimi, ingilis dilində mehribanlıqla soruşur:
- Azərbaycandan gəlmisiniz?
Restoranın barında əyləşən orta yaşlı bir norveçlinin qəfil sualı bizi təəccübləndirməyə bilmir. Amma gülərək də qəbul edirik ki, bu məkanda sarışın olmayan bir bizik. Və sonradan öyrənirik ki, bu şəhərə yad ellərdən təyyarə elə əsasən “Molde”nin oyunları zamanı, onun rəqibini gətirərkən enir. Bundan da şəhərdə xəbər tutanlar da olur.
Bir də onu öyrənirik ki, həmin bu norveçli elə bu restoranın sahibidir, özünün dediyinə görə, Bakıda keçirilən “Eurovision” yarışmasını (2012) Azərbaycana gələrək canlı da izləyib. Sonra bununla bağlı şəkli də göstərir. “Eurovision” iştirakçılarından olmuş müğənnimiz Safura Əlizadənin çıxışını bəyəndiyini söyləyir. “Drip-drop” əla mahnı idi” deyir. Və bu norveçli centlmen azərbaycanlılara münasibətinin isti olduğunu nümayiş etdirmək üçün bizim masaya restoran adından bir içki də göndərir.
İndi belə yerdə necə demək olar ki, avropalılar soyuqdur, qonaqpərvərlikləri yoxdur?
* * *
Bu gün bu şəhərin miqyasına görə ən böyük qonağı “Qarabağ”lı oğlanlardır. Axşamkı oyunu Moldedə maraq və həyəcanla gözləyirlər. Çünki 2 top fərqi ilə qalib gələcəyi halda “Molde” artıq bu gün Avroliqanın pley-off mərhələsini təmin edəcək…
“Qarabağ”a 4:1 hesabı ilə qalib gələcəyik”. Həmin restoran sahibi deyir bu sözləri. Əlbəttə, vətənpərvər norveçli olaraq onun özü üçün belə gözəl xəyal qurması başadüşüləndir. Amma necə deyərlər, futbolu hisslər yox, peşəkarlar oynayır.
Peşəkarlar… Peşəkar oyunçular.
Oyunçu(muz) aparsın!
Aydın Bağırov,
Molde, Norveç
Baş məşqçi futbolçudan üzr istədi
40 yaşlı qolkiper yenidən mundial yolunda
"Beşiktaş" onu hədəfə aldı
Millinin üzvləri hələ də ABŞ vizası ala bilməyiblər
"Mançester Yunayted"ə keçə bilər
Ançelottinin müqaviləsi uzadıldı
Avropa çempionatı: Xədicə Qurbanzadədən gümüş medal
"Səudiyyəyə getmək onu zəiflətmədi"
Alonso "Çelsi"dən zəmanət tələb edib
Finala vəsiqə qazanan klub casusluqda ittiham olunur
Baş məşqçinin 15 illik köməkçisi klubdan gedir
Yüksək Liqanın bürünc mükafatçısı bəlli oldu
“Liverpul”da qalacağıma əsaslarım var” - Arne Slot
“Sabah” - “Neftçi” matçının hakimləri açıqlandı
DÇ-2026-nın rəsmi tərəfdaşı oldu
"Napoli" Antonio Konte ilə bağlı qərar verib
"Mançester Yunayted"in yeni formaları - Şəkillər
"Qəbələ"nin kapitanının cəzası açıqlandı
Premyer Liqanın ən yaxşı oyunçusu kim olacaq? - 8 namizəd
Xankəndi stadionu nə vaxt hazır olacaq? - Nazir açıqladı
Salah qayıdır, Bekker yox
"Bakı–Xankəndi" velosiped yarışına yekun vurulub
"Real"da erkən prezident seçkiləri keçiriləcək
Dambrauskas futbol tariximizə belə düşdü
Yeni Zelandiyanın DÇ-2026 üçün heyəti
"Sabah" onu birdəfəlik transfer etdi
AFFA "Neftçi"nin şikayətini təmin etmədi
Yenidən qurulan Xankəndi stadionunda son durum - Video
"Mançester Yunayted"in Kerrik qərarı
Azərbaycan kubokunda finalın vaxtı açıqlandı
Millimizin üzvü üçün növbəti 90 dəqiqə
Final matçının fasiləsində möhtəşəm şou
Messi 909-cu qolunu vurdu
Levandovski "Barselona"dan gedir
“Sabah” məni transfer edəcək, razılığa gəlmişik”
PSJ çempion olub Fransa tarixinə düşdü
Nəriman oynadı, komandası uduzdu
Qadın komandası üçün 13 milyonluq möhtəşəm baza - Video
"İnter" İtaliya kubokunu da qazandı
"Əl-Hilal" Levandovskiyə sərvət təklif etdi
"Oyunçularımla fəxr edirəm" - Valdas Dambrauskas
Azərbaycandan UEFA-nın avrokuboklarına kimlər gedəcək?
“Sabah”dan “qızıl dubl”
Avrokuboklardan kənarda qala bilərlər
DÇ-2026 finalında fasilə daha uzun olacaq
41 yaşlı Silva dünya çempionatına yollanır
