10.11.25
Adətim üzrə hər səhər o başdan saytları izləyərkən bir xəbər diqqətimi çəkdi. Daha doğrusu, onun bu başlığı: "Qəbələ"dən 20:0 hesablı qələbə..."
Xəbərə daxil olub oxudum. Yazılmışdı ki, "Qəbələ" Ağcabədinin "Olimpiya" komandası ilə yoxlama matçı oynayıb və rəqibinin qapısından nə az, nə çox, düz 20 cavabsız qol keçirib.
Məlumatı əvvəlcə klubun özü yayıb. Özü də çox bəh-bəhlə... Amma məsələ heç xəbərin yayılmasında da deyil. Əslində klub 20:0 hesabı ilə qalib gələndə də xəbər yaymalıdır, lap elə 0:20 hesabı ilə uduzanda da. Məsələ "Qəbələ" komandasının, onun gürcüstanlı baş məşqçisi Kaxaber Sxadadzenin fağır bir komandanın qarşısında əjdahaya, insafsıza dönməsidir.
Halbuki Sxadadze həm mənəvi, həm də peşəkarlıq baxımdan bu oyunla bağlı kobud səhvlərə yol verib.
Əvvəl başlayım işin mənəvi tərəfindən ki, Ağcabədinin komandası niyə fağır komandadır? O səbəbdən ki, "Olimpiya" bir ilin komandası ola, ya olmaya. Özü də pulu-parası olmayan, 10-15 kasıb azərbaycanlı balasının çıxış etdiyi həvəskar kollektivdir. Yəni onun oyunçuları "Qəbələ"nin peşəkar futbolçuları qədər 4 rəqəmli maaş da almırlar. Ailələrini dolandırmaq üçün məcburdurlar futboldan kənar başqa işlərlə də məşğul olmağa. Bəlkə də aralarında ofisiantı, fəhləsi, dülgəri də var, deyə bilmərəm.
Amma Ağcabədi rayonuna bələdəm və bilirəm ki, burada son 1-2 ilə qədər futbol hardasa 80-ci illərin sonları, 90-cı illərin əvvələrində olmuşdu. Bir matçı canlı izlədiyim də xatırimdədir. Stadionun tribunaları tam dolmuşdu. 3 min, ya 4 min azarkeş olardı. Yəni Ağcabədi futbol ənənəsi olmayan bir rayon olsa da, orada futbola həvəs, maraq olub. Bunun nəticəsində də indi ilkin mərhələdə həvəskar səviyyədə bir komanda yaradılıb.
Belə komandanın maddi dəstəklə yanaşı, həm mənəvi dəstəyə ehtiyacı var. Məsələn, komandanın bu vəziyyətdə 20, nəinki 20, 3-5 topa da ehtiyacı var, amma 20 qola əsla.
Lakin fikir verin, Kaxaber Sxadadze və onun bir çox futbolçusu Ağcabədinin həvəskarlardan ibarət futbolçularını görəndə çönüb olublar, görməmiş. Qol görməmişi.
Özü də rəsmi əhəmiyyət daşımayan yoxlama matçında. Sxadadze üçün bu hesab heç nə ifadə etməyə bilər. Amma futbolla həvəskar səviyyədə məşğul olan "Olimpiya" komandasının gənc üzvlərində mənəvi travma qoya bilər.
Necə deyərlər, özündən qat-qat gücsüz, qarşında əlacsız qalmış rəqibə 20 yox, 5-6 qol da vurmaq olardı, bunu futbolçuya da sözlə başa salmaq mümkün idi.
Sonda qısaca işin peşəkar tərəfinə də gəlim. Əgər bir rəqib səndən 20 qol buraxırsa, deməli, yoxlama matçı üçün komanda seçimində səhvə yol vermisən. Ümumiyyətlə, "Qəbələ" kimi bir klubun - hətta o, birinci liqaya düşübsə belə - çox zəif həvəskar bir komanda ilə yoxlama oyunu keçirməsi onun imicini zədələyən, gələcək rəsmi nəticələrində birbaşa təsir edəcək faktordur. Bu fikirləri elə oyunun hesabı da təsdiq edə bilər. Yəni 20:0 hesabı ilə udduğun komanda sənin futbolçularının, qurduğun taktikanın güclü və zəif tərəflərini necə göstərə bilər?!
Kaxaber Sxadadze kimi yaxşı futbol məktəbi keçmiş bir peşəkarın rəqib seçimində belə səhv etməsi, yumşaq desəm, təəccüb doğurmaya bilməz.
Yeri gəlmişkən, görünür, iş prosesində bilinən və bilinməyən bu və digər səhvlərin ucbatındandır ki, Sxadadze gələndən sonra "Qəbələ" daha da geri getməyə başladı, axırda da Premyer Liqadan birinci liqaya düşdü.
Hazırda isə komanda 1-ci liqada 2-ci yerdədir. 7 oyuna isə 13 qol vurub.
7 oyuna 13 qol.
Fağır komanda ilə oyunda isə 1 oyuna 20 qol vurublar. Bu, qəhrəmanlıq deyil, əlbəttə.
O 20 qoldan çox yox, cəmi 1 dənəsi "Zaqatala" və "İmişli"nin qapısına vurulsa idi, "Qəbələ" indi birinci liqada 1-ci yerdə idi.
Bəli, pulu, şəraiti, peşəkar futbolçusu olmayan bir yazıq komandanın öz qapısından 20 qol buraxması, ayıb deyil. Necə deyərlər, kişinin başına iş gələr.
Amma 5 ulduzlu meydanlarda məşq edən, yaxşı futbolçuları, yaxşı büdcəsi (1-ci liqada digərləri ilə müqayisədə) olan bir komandanın hələ də 1-ci liqada lider mövqeyində olmaması, bax, bu, bir ayıbın tablosudur.
Müəllifi də Kaxaber Sxadadzedir.
Aydın Bağırov
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
"Daha çox qol vurmalı idik" - Yuri Vernidub
Xabi Alonso: "Nəticələr mövsümün sonunda məlum olacaq"
FİFA "Əl-Nəsr"ə transfer qadağası qoydu
"Zirə" - "İmişli": Heyətlər
"Yuventus"dan "Arsenal"a rədd cavabı
"Borussiya" Adeyemini cərimələdi
Luis Enrike: "Parisdəki hər kəs mənə təşəkkür edir"
“Qarabağ”a ikinci rəsmi transfer təklifi
"Karvan-Yevlax" - "Neftçi": Heyətlər
“Mançester Yunayted” Kenan Yıldız üçün sərvət təklif edir
AFFA klub nümayəndələri ilə görüş keçirdi
"Bavariya"nın keçmiş futbolçusu vəfat etdi
Fenomenə çevrilən dünyanın ən gənc futbol şərhçisi - Video
Salah üzr istəyib
Sabiq “Qarabağ”lı indi Rusiyada ən zəif qapıçıdır
Dortmund “Borussiya”sından qələbə
İtaliya Superkubokunda ikinci finalçı müəyyənləşdi
Rüfət Abdullazadənin komandası yenə uduzdu
Superliqada 17-ci tur start götürüb
"Şəfa" 3 xalı tək qolla qazandı - Video
“Liverpul”un futbolçusu “Qızıl top”u qazandı
4 penalti dəf edən qapıçının qolu sındı
Çexiya millisinin yeni baş məşqçisi açıqlandı
“Şəfa” “Cəbrayıl”a qalib gəldi
4 gün əvvəl ayrıldığı kluba qayıtdı
Anri mükafatlandırıldı
“Turan Tovuz” “Kəpəz”ə belə qalib gəldi - Video
