05.10.26
Elxan Məmmədov FİFA-nın Avropa Milli Assosiasiyalar üzrə direktoru vəzifəsinə təyin olundu. 42 yaşlı Məmmədov mayın 1-dən yeni işinin icrasına başlayır. O, Bakının “mini Parisi” olan Ağ şəhərdən, daha dəqiqi, Ağ şəhərə bitişik AFFA-nın ofisindən xəyallar şəhəri Parisin özünə daşınır. Məmmədovun futbol karyerasında yeni mərhələ - dəyişiklik başlayır. Amma təkcə onunmu?
FİFA-nın bu təyinat açıqlaması ilə eyni anda AFFA da rəsmi şəkildə elan etdi ki, Elxan Məmmədov yeni işi ilə əlaqədar bundan sonra İcraiyyə Komitəsinin üzvü və ictimai əsaslarla vitse-prezident kimi fəaliyyətini davam etdirəcək. Bu o deməkdir ki, Məmmədov icraçı vitse-prezident vəzifəsindən istefa verir. Amma təbii ki, rəsmi məlumatda “istefa” sözü işlədilmir. Fikir E.Məmmədovun FİFA-dakı uğurlu təyinatı ilə yanaşı həm də bir müddət müzakirə yaradacaq bir tezisin üzərinə yönəldilir: o, həm AFFA-dan gedir, həm də AFFA-da qalır. Yəni Məmmədovun bütün səlahiyyətləri de-yure olaraq onun ötən ay AFFA-nın baş katibi vəzifəsinə gətirdiyi köməkçisi Sərxan Hacıyevə keçir, de-fakto isə idarəçilik (Parisdən olsa belə) yenə Elxan bəyin özündə qalır. Bu versiya ilk baxışdan mümkün görünə və Elxan Məmmədovun bununla AFFA-da gözlənilən dəyişiklikliyə təsiretmə imkanını öz əlində saxladığına əsas yarada bilər.
Amma...
Bu məqamda bəzi detallar başqa fikirlər üçün cığır açır. Əvvəla pandemiyaya görə ötən yay keçirilən Tokio-2020 Yay Olimpiya Oyunlarından sonra Azərbaycanda demək olar ki, bütün önəmli idman federasiyalarının rəhbərliyində dəyişiklik gedir. Bunun səbəbi də hamıya aydındır: zəif nəticələr, idarəetmədəki ciddi qüsurlar, özbaşınalıq, yeyintilər və sair. Bu mənada, hər yerdə dəyişiklik edib, amma idmanda ən çox kütləvi narazılıq yaradan sahədə - futbol sistemində bunu etməmək heç bir məntiqə sığmaz. Ona görə də güman etmək olar ki, AFFA-dakı dəyişikliklə bağlı prosesin düyməsi də indi deyil, bir neçə ay əvvəl, daha dəqiqi Fərid Qayıbovun Gənclər və idman naziri kimi fəaliyyətə başlamasından sonra basılıb. Qayıbov bir neçə müsahibəsində futbolun indiki durumu ilə bağlı açıq olmasa da, dolayısı ilə narazılığını bildirib. Əsasən bütün azarkeşlərin istəyini o da bir nazir kimi ifadə edərək bölgələrdə futbolun olmasının vacibliyini vurğulayıb.
Hazırda Gənclər və İdman Nazirliyi ilə AFFA arasında münasibətlərin soyuduğu da bəlli faktdır. Və bütün bunların nəticəsi kimi AFFA rəhbərliyindən heç kimin Prezidentin “Qarabağ” klubu ilə bugünə qədər keçirdiyi üç görüşdən sonuncusunda (13 dekabr, 2021-ci il) ilk dəfə yer almaması suallar yaratmaya bilməz.
Nə hikmətdirsə, həmin görüşdən sonra və məhz idman federasiyalarında dəyişikliyin sürətləndiyi vaxtlarda Elxan Məmmədov qəflətən İsveçrədə FİFA prezidenti Canni İnfantino ilə görüşür. Bu il fevralın 23-də keçirilən görüşlə bağlı rəsmi açıqlamada qeyd edilir ki, söhbət zamanı FİFA-AFFA əməkdaşlığı müzakirə edilib. Maraqlıdır ki, həmin görüşün heç iki ayı tamam olmamış Elxan Məmmədov FİFA-da yüksək vəzifəyə təyinat alır. Görəsən, bu görüşdən əvvəl Elxan Məmmədova AFFA-dan getmək vaxtıdır mesajı verilibmişmi?
Əlbəttə, FİFA direktorluğunda bir azərbaycanlının təmsil olunması müsbət faktdır. Amma o da qeyd edilməlidir ki, mövcud reallıqlarda AFFA-nın icraçı vitse-prezidenti vəzifəsinin üstünlükləri FİFA direktorluğundan daha çoxdur. Həm maddi, həm inzibati baxımdan. Mənzərə daha aydın olsun deyə qeyd edim ki, FİFA-dakı direktorluq heç də bu qurumun rəhbərliyində təmsil olunmaq demək deyil. FİFA prezidenti, vitse-prezidentləri, FİFA Şurasının üzvləri... Bütün qərarverici şəxslər onlardır. Məmmədovun təyinatına qətiyyən kölgə salmadan bildirək ki, o, yalnız FİFA ilə Avropa futbol qurumları arasında əlaqələndirici olacaq. FİFA-da bənzər vəzifələr isə Avropa ilə yanaşı digər 4 konfederasiya (Asiya, Okeaniya, Afrika, Şimali Amerika) üzrə də mövcuddur.
Yeni vəzifəsi bəlkə də gələcək karyerası baxımından Elxan Məmmədovun CV-sində önəmli yer tuta bilər. Amma ora getməklə o, burada böyük imkanları itirmiş oldu. İstəyərəkdənmi, istəməyərəkdənmi?
Və sonda iki məqam.
1. AFFA-nın idarəetməsində hər nə qədər böyük qüsurlar olsa da, yeri gələndə onunla şəxsi obyekt kimi davranılsa da, bu təşkilat dövlətin qurumu SOCAR-dan maliyyələşir. Ona görə də dövlət heç vaxt böyük bir büdcəsi olan təşkilatın maliyyə işlərinin kənardan, xaricdən idarə olunmasına imkan verməz.
2. Bəli, idman federasiyalarında rəhbər dəyişikliyi davam edir. Kimisi oradan layiq olduğu formada - halallaşmadan, quruca “sağ ol” deyilmədən yola salınır. Kimisi də hörmətlə. Yəni FİFA-ya göndərilməklə...
Aydın Bağırov
Yamal “Golden Boy” yarışından kənarda qaldı
Qızıl medal qazandı, sonra üzr istədi
Kipr Latviyaya qalib gəldi
İtaliya - Türkiyə matçının heyətləri açıqlandı
“Futbolçuların yanaşmasından çox razıyam” - Rəşad Eyyubov
Çalhanoğlu geri dönür
“Barselona”dan ayrıla bilər
İlham Əliyev Əhməd Yusifovla görüşdü - Şəkillər
"Messiyə qol hədiyyə etmək fikrində deyiləm"
Prezident dünya çempionatının açılışında - Yenilənib
Həm müqaviləsi uzanır, həm maaşı artır
AFFA nümayəndələri Meksika səfiri ilə görüşdü
"Sumqayıt"ın ev oyunlarını keçirəcəyi məkan dəyişdi
AFFA-nın texniki direktorundan bölgə səfəri
Ronaldo, Jesus və böyük qərar
Azərbaycan cüdoçuları üçün uğursuz gün - Dünya çempionatı
"Heç kim deməyib ki, Messiyə qol hədiyyə etməliyik"
İngiltərə millisindən ayrıldılar
Bugünkü oyunları yayımlayacaq kanallar
“Ümid edirik ki, Lixtenşteyn Azərbaycandan yenə xal alacaq”
Azərbaycanlı hakimə UEFA-dan təyinat
Ukrayna klubunun baş məşqçisi Renat Dadaşovdan danışdı
Messi Argentina millisinin düşərgəsində
Bədavi adlı "qoca qurd"...
"Lixtenşteynə də qalib gələcəyik" - Millinin debütantı
"Biz xalqımız və bayrağımız üçün oynayırıq" - Rüfət Abbasov
İrlandiya - İsrail oyununda insident - Məşqçiyə tüpürüldü
“Qələbə hardasa vicdanımızı rahatlatdı, amma…” Video
Azərbaycan millisinin qrupda ilk qələbəsi - Video
Portuqaliyadan qələbə, Almaniyadan xal itkisi
Azərbaycan millisinin heyətində dəyişiklik
“Sakitliyimizi qorusaq..." - Mahir Emreli
Maltadan qələbə, Kosovo - Avstriya matçında heç-heçə
“Kenan Yıldız komandanın liderlərindən biridir”
Amorim qalib gəlir, “Milan”da narazılıq səngimir
Mourinyo Vinisiusu ehtiyatda saxlayacaq
2-ci liqada 6-cı tura yekun vuruldu
Əhməd Yusifov dünya çempionu oldu!
Azərbaycan millisi Litvaya qalib gəldi, liderliyə yüksəldi
“Belə uzun fasiləyə öyrəşməmişik”
Ronaldo milliyə qayıdacaq?
