29.08.26
“Qarabağ” “Bayer” kimi əjdaha ilə heç-heçəyə, düzəliş edim, qələbə kimi heç-heçəyə oyundan bir gün əvvəl nail olmuşdu.
O zaman ki, Qurban Qurbanov mətbuat konfransına çıxıb ürəklə, cəsarətlə danışmış, almanlardan - 34 oyundur heç bir turnirdə uduzmayan o məğlubedilmızdən, div “Bavariya”nın 11 illik ardıcıl çempionluq hegemonluğuna son qoymaq üzrə olan “Bayer”dən çəkinmədiyini inamla söyləmişdi.
İdman adamları yaxşı bilirlər, qarşındakı kim olursa olsun, rəqibinin üzərinə ürəklə, qorxmadan, amma həm də ağılla gedirsənsə, sən artıq qalib ola bilərsən! Sonda lap uduzsan belə o mübarizliyinə, qələbə əzminə, qələbə ehtirasına görə səni qalib sayırlar!
Nə olsun ki, rəqibinin pulu çoxdur…
Nə olsun ki, onun hətta 100 milyonluq bir oyunçusunun qiyməti sənin bütün klubunun 6 illik büdcəsinə bərabərdir!
Axı, pul heç də hər zaman futbol oynamır.
Və biz dünən meydanda nə gördük?
Qurban Qurbanovdakı qalibiyyət iradəsinin futbolçusunun beyninə, ürəyinə, qanına, hətta iliyinə qədər hopmasını…
Meydanda, xüsusən birinci hissədə onun zəkasının - uğurlu əsəri olan taktikasının yaratdığı parlaq tablonu… O tablodakı “rəsm”də rəqibin hücum, orta xətti, təhlükəli cinahlarına sanki “Qarabağ” tərəfindən qıfıl vurulmasını.
“Bayer”in futbol dünyasının simpatiyasını qazanmış baş məşqçisi Xabi Alonso oyundan sonra deyir: “Birinci hissə bizim üçün yaxşı keçmədi. Bu, mənim səhvim idi, amma deməyəcəm nə səhvi…”
Qrimaldo birinci hissədə elə bil mövcud deyildi.
Conatan Ta kimi müdafiəçi hücumçumuz Juninyonun əlindən əsir-yesir olmuşdu. Özü sonra dedi: “Juninyoya qarşı oynamaq çətindir”.
Juninyo… Dayanmadan inkişafda olan braziliyalı balası.
“Qarabağ”ın skautlarına belə bir oyunçunu Portuqaliyadan tapıb ucuz qiymətə (yanılmıramsa, 400 min dollara) Azərbaycana gətirməsinə görə sadəcə alqış düşür. “Bayer”lə son matçdan sonra onun bazar qiymətinin azı 4-5 milyona yüksəldiyini söyləmək olar. Amma müştərisi çıxsa belə, yaxın bir-iki il üçün satılmamalıdır… Ciddi itki olar.
Amma kaş ki, bir az soyuqqanlı davranıb, təkbətək epizodda özünün 2-ci, komandasının 3-cü qolunu vura biləydi…
İndi dünya mediası “Bayer”i bu mövsüm ilk məğlubiyyəti yaşadan “Qarabağ”dan daha çox danışardı…
“Qoca” Veşoviç… 33 yaşında belə 20-21 yaşlı gəncə xas enerji sahibi. Sanki yorulmaq bilməyən bu monteneqrolu həmyerlisi Yankoviçlə “Qarabağ” üçün böyük işlər görür. Kaş ki, ötən yay “Rakov”la oyundan əvvəl zədə almaya idi. Bəlkə də onda “Qarabağ” Çempionlar Liqasının qrupunda da oynardı…
Və kaş ki…
Zubir yersiz səhvə yol verib topu “Bayer”li Virtzə "hədiyyə" etməzdi… Bəhlul həmin vaxt mövqe səhvinə yol verməzdi.
Kaş ki, 90+2-ci dəqiqədə Bədavi Hüseynov diqqətsizlik edib Patrik Şikin qol vurmasına səbəb olan epizoda istəmədən şərait yaratmazdı.
Kaş ki, meydanda daha ucaboy Medina olaydı. Daha sürətli Elvin, dağıdıcı Julio Romao olaydı…
Qələbəni əldən verməzdik onda…
Amma Xabi Alonso da Xabi Alonso olmazdı ki, ikinci hissədə oyunu öz xeyrinə dəyişməsəydi. Biz ikinci hissədə gözlənildiyi kimi əsl “Bayer”i görə bildik. Qranit Caka, Florian Virtzin oyuna daxil olması üstünlüyü 90 faiz almanların xeyrinə dəyişdi. Virtz 12 dəqiqə sonra qol vurdu. 80-ci dəqiqədə meydana girən Patrik Şik isə bərabərlik topunu “Qarabağ”ın qapısından keçirdi…
2:2…
Ədalətli nəticədirmi? “Bayer”i udmaq da olardı, amma bu heç-heçə, daha doğrusu, belə heç-heçə elə qələbə kimidir…
Parlaq qələbə kimi.
Bizimkilərin oyununa bir cümlə ilə yekun qiyməti isə elə Xabi Alonso verdi: “Qarabağ"ın bəxti gətirmədi…”
Aydın Bağırov
Rəşad Eyyubov limitlə bağlı: “Kim yaxşıdırsa, oynamalıdır”
Türkiyə - Fransa: Heyətlər
Bekhemin DÇ-2026-dan qazancı açıqlandı
Almaniya millisinin oyunlarını buraxacaq
Yenidən Azərbaycan Premyer Liqasına qayıtdı
Azərbaycanın U-21 millisi Çexiyadan xal aldı
"Zirə" Çempionlar Liqasının 1/4 finalında
Azərbaycan Qran-Prisində sıralama turu keçirildi
Millidə zədələndi, klubuna qayıdır
Ardıcıl 2-ci dəfə İngiltərənin ən yaxşı futbolçusu seçildi
Azərbaycan klubu baş məşqçini istefaya göndərdi - Rəsmi
4 böyük liqadan FİFA-ya islahat çağırışı
Türkiyə - Fransa oyunu hansı kanallarda?
"Zirə"dən ayrılan futbolçu "Şəfa"da - Rəsmi
Van Dayk "biabırçılıqdır" dedi, Klopp cavab verdi
“Sabah”ın hücumçusu Almaniya millisindən dəvət gözləyir
Litva- Azərbaycan matçının hakimləri açıqlandı
Burak Yılmazın yeni klubu müəyyənləşdi
Maksimov “Araz-Naxçıvan”da ilk məşqinə çıxdı - Şəkil
Runi yəhudi köklərinin olduğunu açıqladı
Braziliya millisində yeni 10 nömrə
Amsterdamda son dəqiqə qolu - Video
Azərbaycan Qran-Prisində 2-ci gün
Dünyanın ən bahalı 10 milli komandası hansılardır?
Almaniya Niderlandla heç-heçə etdi - Millətlər Liqası
Klopp və Xavi 2 il sonra...
Argentina millisinin kapitanı seçildi
"Zirə"nin futbolçusu əməliyyat olundu
Malta Millətlər Liqasına qələbə ilə başladı
Azərbaycan boksçusu Avropa çempionu oldu
Qapıçıya sərt cəza - 20 illik futboldan uzaqlaşdırıldı
İrlandiya - İsrail matçı öncəsi gərginlik
Benzemanın “Nike”la əməkdaşlığı başlamadan bitdi
“Benfika” onları şikayət etdi
Özbəkistan millisi İrana qalib gəldi
Kişi klubunu çalışdıran ilk qadın məşqçi ilə yollar ayrıldı
Ürək problemi yaşayan futbolçu fərdi məşqlərə başladı
Azərbaycan Qran-Prisində sərbəst yürüşlər keçirildi
2-ci liqada 6 oyunun hakimləri bilindi
Xavi “Qızıl top” üçün əsas namizədini açıqladı
Vüsal İsgəndərli: “Bu yükün altından çıxmalıyıq”
Alabanın yeni klubu rəsmiləşdi
