05.10.26
Azərbaycan çempionu "Qarabağ"la yanaşı neçə vaxtdır UEFA Çempionlar Liqasında bir komanda da uğurlu çıxışı ilə hamını təəccübləndirməkdədir: "Kayrat" Qazaxıstan.
Köhnədən tanışdır bizə. Ən son isə 2021-ci ildə Kurban Berdıyevin baş məşqçiliyi dövründə bu Almatı klubu "Qarabağ"la iki dəfə Konfrans Liqasının qrupunda qarşılaşmışdı. Hər iki matçda da uduzmuşdu. İkisində də 1:2 hesabı ilə.
Amma artıq dövran dəyişib. Hamı inkişafdadır. "Kayrat" da, "Qarabağ" da. Qabağa getmək əvəzinə hər il geriləyən isə təkcə bizim bu bədbəxt milli komandadır, bir də pul sarıdan xoşbəxt klublarımız. İndi gözümüzü açıb görürük ki, qonşularımızdan "Kayrat" qabağına çıxanı uda-uda gəlib çıxıb Çempionlar Liqasında pley-off mərhələsinə.
ÇL-in əvvəlki 3 mərhələsində Sloveniyanın "Olimpiya", Finlandiyanın "KuPS", Slovakiyanın "Slovan" komandalarından üstün olub. Baş məşqçilərini də bir ətək pul xərcləyərək xaricdən gətirməyiblər. Yerli mütəxəssisdir. 46 yaşlı Rafael Urazbaxtin. Əvvəl elə "Kayrat"ın özündə baş məşqçinin köməkçisi olub, 2024-ün sentyabrında isə baş məşqçi təyin edilib.
İndi onun rəhbərliyi altında Almatı təmsilçisi bizim "Kəhər atlar" kimi artıq Avropanın birnömrəli klub yarışının pley-off mərhələsindədir. Dünən Şotlandiyada Brendan Rodjersin baş məşqçisi olduğu "Seltik"lə heç-heçə etməklə (0:0) növbəti sensasiyaya imza atıblar.
Halal olsun! Bu o deməkdir ki, cavab matçındakı istənilən hesablı qələbə qazaxları ÇL-in Liqa mərhələsinə aparacaq.
Sonuncu dəfə "Seltik"lə görüşdə "Kayrat"ın əsas heyətinin 4 futbolçusu yerli oyunçu olub. Onların arasında bir ad isə xüsusən diqqət çəkir: 17 yaşlı mərkəz hücumçusu Dastan Satpayev. Bəs, kimdir bu Satpayev? Elə "Kayrat"ın özünün yetirməsi. 7 oyuna artıq 3 qol vurmaqla doğma komandasının ÇL-dəki bombardiridir!
Futbolun bəlkə də gələcək ulduzlarından olacaq. İstedad və potensialı sayəsində bu yaşda ölkəsinin əsas millisində (!) artıq 2 rəsmi oyunda meydana çıxıb. Bu ilin qışında isə İngiltərə nəhəngi "Çelsi" klubu onunla müqavilə bağlayıb. Amma yeni komandasına yalnız 2026-cı ildə qoşulacaq.
Dastan 17 yaşında futbolda dastan yazmağa başlayıb. 17 yaşda ÇL-də 3 qol vurub. Milli komandaya cəlb edilib. "Çelsi" kimi böyük bir futbol məktəbinin gələcək üzvü olub.
Bunu düşənəndə istər-istəməz gözünün qabağına bizimkilər gəlir. Amma onda da artıq danışmaq, yazmaq istəmirsən. Çünki yorulmuşuq. Bu haqda oxumaqdan, eşitməkdən, dinləməkdən yorulmuşuq. Hamı bilir, hamı qəbul edir ki, hücumçu yetişdirmək, futbolçu yetişdirmək futbola, klublara cavabdeh olanların, ordan cibini dolduranların işidir. Onların yetişməməsi onillərdir sırf səriştəsizlikdən, biganəlikdən qurulmayan doğru sisteminin problemidir.
Amma futbol idarəçilərinin illərdir beyninə girmir bu fikir. Ona görə ən yaxşı legionerimiz ən yaxşı halda Almaniyada 2-ci liqada oynayır... (Mahirin haqqına girmədən).
Ən yaxın qonşularımızın gənclərinin sorağı isə PSJ-dən, "Mançester Siti"dən, "Çelsi"dən gəlir...
100 milyon təklif olundu, qəbul etmədi
Məşqləri izlətmişdi, cəzası bəlli oldu
Klub qənaət üçün futbolçuların maaşını azalda bilər
Messi üçün şou hazırladılar, azarkeşlər etiraz etdi
Arteta İngiltərənin ən çox qazanan məşqçisi oldu
“Liverpul”un futbolçusu sıradan çıxdı
“Barselona”da qapıçı problemi var
Zelimdən gümüş, Ömərdən bürünc medal - Dünya çempionatı
“Şahdağ Qusar” 6 qollu qələbə qazandı
Azərbaycan kubokunda yeni mövsümə start verildi
Azərbaycan millisi Türkiyə klubu ilə qarşılaşacaq
Səmədov Severinanı mükafatlandırdı
Tanınmış futbolçu karyerasını başa vurdu
Argentina Prezidenti Messiyə təşəkkür etdi
AFFA-dan 3 komandaya texniki məğlubiyyət
“Arsenal” Arteta ilə müqaviləsini uzatdı - Rəsmi
Azərbaycan millisi FİFA reytinqində gerilədi
Jesus Ronaldonun açıqlamasına belə cavab verdi
Keyn İngiltərə millisinin rekordunu təkrarladı
Artetadan maraqlı qərar: Pilotlardan məsləhət alacaq
1-ci liqada 19 günlük fasilə başa çatır
Skaloni Messinin vidasından danışdı
"Baş verənlər biabırçılıqdır” - Modriç
Montellanın Türkiyə millisindəki taleyi bəlli oldu
Avropa çempionatı: Daha 5 boksçumuz 1/4 finala yüksəldi
Tuhel İngiltərə millisində rekorda imza atdı
"Kəpəz"in legioneri Slovakiyaya qarşı oynadı
İspaniya Xorvatiyaya belə qalib gəldi - Video
Bu da son. Əlvida, Messi!.. - Şəkillər
İngiltərə və İspaniyadan qələbə
“Milan” “Barselona”nın futbolçusuna göz dikdi
“Futbolu daha çox sevməyimə səbəb oldun”
“Beşiktaş”ın zədəli futbolçusundan xəbər var
UEFA araşdırmalara başladı
Prezidenti seçildi, sonra vəzifəsindən uzaqlaşdırıldı
“Tariximizin ən yaxşı nəticəsini əldə etdik” - Rəşad Eyyubov
Milli komandanın rekordunu yenilədi
Stas Pokatilovun yığması heç-heçə etdi
Azərbaycan millisindən böyükhesablı qələbə
Qanunsuz oynadı, FİFA tədbir görmədi
AFFA klub rəsmisini cəzalandırdı
Rəşid Məmmədəliyev bürünc medal qazandı - Dünya çempionatı
Azərbaycanın U-20 millisi Yaponiyaya qalib gəldi
Arda Gülerdən daha bir ilk
