10.11.25
Bu qadağa nədən ibarətdir, niyə olub və niyə olmamalıdır kimi suallara gəlməzdən əvvəl kanalın 5 ilə yaxın müddətdəki fəaliyyətinə ötəri də olsa, toxunmalı olacağam.
“CBC Sport” ilk gündən bizim publikanı, fikrimcə, ən çox onunla özünə cəlb etdi ki, əməkdaşlarına efirdə azad bir mühit verdi. “İdman Azərbaycan”da isə belə bir mühit geniş anlamda yox idi. Halbuki o kanalda neçə-neçə istedadlı jurnalist vardı, indi də var. Onların potensialını açması üçün meydan (yer) vermək əvəzinə isə bəzi ağıllılar efiri mal-qara yarışları ilə doldururdular. Ölkə idmanında müsbəti və mənfisi ilə müzakirə olunası nə qədər mövzu dura-dura. Soruşan da yox idi, dananın şıllaq atması Azərbaycanda kimə lazımdır?
“CBC Sport”sa belə əhəmiyyətsiz yarışlarla (bizim üçün) efiri doldurmaq yolunu tutmadı. Tutması da gülünc olardı. “İdman”dan azı 10 dəfə az büdcə, daxma boyda bir studiya və 30-40 əməkdaşın da yığışdığı 100-150 kv.metrlik kiçik bir zal... Yəni “CBC Sport” efir məkanına belə məhdud imkanla gəlib. Amma peşəkar heyət yaratdı. Süjetə, başqa çəkilişlərə görə rüşvət almaq kimi Azərbaycan efir məkanına xas olan yazılmamış qaydanı cilik-cilik elədi. Pul “zakazı” ilə işləməyən təmiz bir kanala yaxın imic yaratdı. Azərbaycan çempionatının yüksək səviyyədə yayımını, səviyyəli verilişlər, debatlar təşkil etdi. Bu azad mühitin sayəsində məktəbə çevrildi. Son 5 ildə “CBC Sport” neçə-neçə yaxşı şərhçilər yetişdirib. Bu və deyilməyən onlarla nümunəvi başqa fakt həmişə müsbət məqam kimi qeyd olunmalıdır.
Amma...
Artıq o dediyimiz azad mühiti uzun müddətdir “CBC Sport”un efirində görmürük. Oyunların şərhlərində, verilişlərdə futbolumuzdakı problemlərin deyilməsi, göstərilməsi səviyyəsi kəskin səviyyədə aşağı düşüb. Hər nə qədər futbolu yaxından bilən, sağlam təhlil edən peşəkar insanlar olsalar da, efirdə daha çox eyni simaları, qonaqları görürük. Amma problem qətiyyən bu deyil. Odur ki, kanalda futbolla bağlı tənqid xeyli azalıb. Bu, bütövlükdə həm ölkə futbolundakı duruma, həm də klublara münasibətə aiddir.
Bütün bunlar səbəbsiz də deyil. Əlbəttə, kanal özü də fərqindədir ki, bir verilişin də, kanalın da nüfuzu ancaq tərif yağdırmaqla qalxa bilməz. Problemi demək, göstərmək qaçılmazdır. Amma bir çox halda “CBC Sport” rəhbərliyinin iradəsindən kənar olaraq, bəzi hallarda isə onların da buna etiraz etməməsi səbəbindən son bir ildə neçə-neçə müstəqil fikirli futbol adamı efirə dəvət olunmur. Daha dəqiqi, futboldakı problemləri söyləyən şəxslərə qadağa tətbiq edilib. Qərarın arxasında isə AFFA və bu qurumun kinli, “monopolist” mətbuat katibi dayanır. Sırf buna görə efir olub bomboz. Geniş auditoriyaya lazım olmayan ümumi, quru müzakirələr daha da çoxalıb. Bu, heç şübhəsiz, bir çox baxımlı verilişin də, ümumiyyətlə, kanalın özünün də reytinqinin aşağı düşməsinə gətirib çıxarıb.
“CBC Sport” birbaşa AFFA-dan maliyyələşir. Reallıqda qurumun onlara sifariş verməsi də başadüşüləndir. Lakin futbol balaca şəxsi şirkət deyil ki, daim oradakı problemi gizlədəsən. Bu qədər kütləvilik var, bizdə hər oyunu yüzminlərlə insan izləyir. Hər şey eşidilir, hər incəlik görünür. Və o problemlərə efirdə hətta üstüortülü də olsa toxunmayanda, yaxud onu malalayanda əlbəttə kanalın nüfuzu zədələnməyə başlayır və başlayıb da. Bu isə tək “CBC Spor”un deyil, özünün indiyə qədərki uğurlu proyektlərindən birinin timsalında elə AFFA-nın da media gücünün zəifləməsi deməkdir. Bəlkə də elə AFFA-nın görmək istədiyi kanal da belədir.
Amma tamaşaçının görmək istədiyi “CBC Sport” yüz faiz bu deyil. Belə olmur. Olmamalı idi.
Çünki "CBC Sport" "İdman Azərbaycan" deyil.
Aydın BAĞIROV
[email protected]
Mbappenin durumu müəyyənləşdi
FİFA “The Best”i ləğv edir - Yeni mükafat yaradılır
Roberto Karlos ürəyindən əməliyyat olundu
“Fənərbaxça”da yeni prezident seçkisi
40 yaşlı futbolçu "uzunömürlülük" sirrini açıqladı
"Yuventus"un futblçusunun "Cenoa" arzusu baş tutmadı
Ştegen yalnız bu şərtlə "Barselona"dan ayrılmağa hazırdır
"Roma" yarımmüdafiə xəttini onunla gücləndirməyi hədəfləyir
Sabiq futbolçuya ərəblərdən təklif gəldi
Kurtua ayın ən yaxşısı seçildi
"Şamaxı"nın legioneri oynadı, komandası pley-offa yüksəldi
“Suallarımız cavabsız qalanda məyusluq oldu” - Video
Mbappe ÇL-in ən yaxşısıdır
Ronaldo 16 il sonra ilk dəfə...
"Mançester Yunayted" xal itrdi - Video
A seriyasında yeni qərar
"Arsenal"ın 4 qollu qələbəsi - Video
Seneqal Afrika Millətlər Kubokunun pley-offunda
Misli Premyer Liqasında 101 debüt
"Mançester Siti"dən "Borussiya"ya keçə bilər
"Qalatasaray" futbolçusu ilə sağollaşır
İspaniya klubu azarkeşlərlə bağlı ciddi tədbir gördü
Premyer Liqada cari mövsümdə 36 penalti, 29 qol qeydə alınıb
"Arsenal" çempionluq yolunda itki ilə üzləşdi
"Fənərbaxça" "Milan"ın təklifini rədd etdi
“Qarabağ”da 2025-ci ildəki - 11 önəmli hadisə
FİFA prezidenti: ofsayd qaydalarında dəyişiklik ola bilər
"Real"ın futbolçusu İngiltərəyə qayıda bilər
Baklov "Turan Tovuz"un qapısını inamla qorudu
Kubok oyununda azı 3 qol vurdular
"Qarabağ"ın rəqibi məşqçisi ilə yollarını ayırdı
Klişi Mbappenin klubunun baş məşqçisi oldu
Mahir Emrelidən maraqlı paylaşım - Şəkil
Pedri hazırdır
Pyaniç karyerasını başa vurdu
Rusiya klubunun məşqçisi 32 yaşında vəfat etdi
Dünyanın ən bahalı qapıçıları - Siyahı
Əşrəf Hakimi 2 aydan sonra meydana qayıtdı
Xviça ən yaxşı seçildi və Kaladzenin rekordunu təkrarladı
Avropada driblinq üzrə lider
Qələbə qazanmadan pley-offa yüksəldi
Azərbaycanda 1-ci liqa klubu dağılmaq ərəfəsində
La Liqada ilin rəmzi komandası
Ramos Avropaya qayıtmağa yaxındır
Misir Salahsız heç-heçə etdi, pley-offa vəsiqə qazandı
