18.09.25
Hələ koronavirus bəlasının bütün dünyada yayılmadığı, hazırkı qaramat günlərdən baxanda xoşbəxt adlandıracağımız dövrdür.
2017-nin dekabrı.
Roma aeroportu.
Üzündən nur yağan ortayaşlı dolu polis xanım diqqətlə nəzərlərini mənə dikib. Əvvəl pasportuma baxır, sonra gözlərimə. Və bu həyəcanlı proses on saniyədən bir qədər artıq çəkir. Ardınca doğma dilində sual verir. Bir çətinliklə də olsa başa düşürəm ki, səfərimin məqsədini, bura “Qarabağ” komandası ilə gəlib-gəlmədiyimi soruşur. Ona əfsanəvi “Sprut” filmindən yaddaşımın bir küncündə ilişib qalan italyanca sözlərlə təsdiqləyici cavab verirəm:
- Si, senyora!
Cavabımdan məmnun qalaraq gülümsəyir. Üzündəki təbəssüm daha da çoxalır. Mənə bir anlıq elə gəlir ki, ona öz ana dilində ikicə söz deməyim bu gözəl qadının ürəyinə yağ kimi yayılır. Aramızı sərhəd kimi kəsən şüşənin o biri tərəfindəki kiçik kabinədə oturan zabit nəhayət, möhürü əlinə götürür. Bunu görüncə isə ölkəyə buraxılmağım üçün bir əngəl olmadığıma əmin oluram.
- Taaaaqqq....
Bu, həmin möhürün səsi, İtaliyanın öz qapılarını mənim üzümə açmasının rəsmi icazəsidir. Patrisiya pasportumu qatlayıb mənə uzadır (adını uniformasında, sinəsi üzərindəki yazıdan öyrənə bilirəm). Və bu qısa hüquqi prosedura nəzakətlə nöqtə qoyur:
- Romaya xoş gəldiniz, senyor!
Ertəsi səhər çox tez oyanıram. Saat altıdır, ya neçədirsə. Otelin eyvanından Romanı seyr edirəm. Uzaqdan nə Kolizey görünür, nə hansısa başqa nəhəng tarixi abidə, nə də böyük Sezarın bu şəhərin ruhuna hopmuş əbədi qüdrəti. Görünən yalnız şəfəqdir. Ən sevdiyim təbiət hadisəsi. Tanrı hər gün məhz onun vasitəsi ilə İşığın gəldiyinin müjdəsini verir. Şəfəqi hər gördükcə isə əmin oluram ki, nə mənim, nə də sizin dünyanız heç vaxt qaranlığa qərq olmayacaq. İşıqlı dünya, insanlar və cəmiyyətin qarşısında bütün viruslar əzik-əzik, cilik-cilik, tikə-tikə olub gedəcək. Necə deyərlər, hər qaranlıq gecənin aydın bir sabahı da var...
... O səhər həmin səmanı seyr etdikcə bir gün əvvəl olanları təbəssümlə xatırlayıram. Romada olanları. Düzdür, bunadək “Qarabağ”la gəldiyimiz təyyarədə maraqlı nəsə baş vermir. Komanda “Roma” ilə ÇL-in vacib matçına yollanır deyə futbolçular daha çox filmə baxmaqla istirahət edirlər. Yalnız ara-sıra Rəşad Sadıqov jurnalistlərin yanına gələrək bu quru, darıxdırıcı auranı pozur, zəngin futbol xatirələrindən danışır. Və bu proses səmimi ab-havadan istifadə edib kiminsə yersiz və dəxilsiz sual ünvanlamasına qədər davam edir.
Bəs Romada nə olmuşdu?
6-7 saatlıq uzun yolçuluqdan sonra restoranda pizza yeyib, üstündən də italyan şərabı içəndə həmkarlara deyirəm ki, bunlar bizim insanlara çox bənzəyirlər. Avtomobili bizimkilər kimi nizamsız sürürlər, təzə maşın sürməyi öyrənən xanımlar və hələ də düzgün parkovka qaydasını öyrənməyən kişilər kimi, necə və harda gəldi, saxlayırlar. Telefonda isə qışqıra-qışqıra necə danışırlarsa, dəstəyin o biri başındakının sağlam qulağının pərdəsi deşilir.
Sonra Fabio yadıma düşür. Fabio İtaliyada bizə xidmət edən, yaşı 50-ə yaxınlaşan ofisiantdır. Gülərək bizə yaxınlaşır və sanki ona səsgüclədirici qoşubmuşlar kimi ucadan qışqırır:
- Nə sifariş edəcəksiniz?
Düzü, bu mənzərəyə təəccüblənmirəm də. Çünki yalnız sadə italyanların mentalitetinə bələd olmayan insana elə görünə bilər ki, ofisiant səndən nə yeyib-içəcəyini soruşmur, səni davaya çağırır. Əslində isə bütün bunlar bu millətin emosionallığından irəli gəlir.
Bəli, emosional klassik italiyalı məhz belə olmalıdır: Fabio kimi, çılğın, dəliqanlı. İstiqanlı italiyalı isə zabit Patrisiya kimi olmalıdır: alicənab və kübar.
Və bir də var İtaliya mədəniyyəti. Onu hər yerdə görmək olur(du). Hətta stadionda belə. Baxın, bu videoya. “Roma” – “Qarabağ” matçından əvvəl çəkmişdim. Olimpiya Stadionu VİP və jurnalist qonaqlarını Çempionlar Liqasının himni ilə qarşılayır... Bizim xahişimizlə.
Qonaqpərvər italyanlar da belə olur: “Roma” klubu, bu nəhəngin himni məharətlə ifa edən orkestrin hər bir üzvü kimi...
***
Bu gün TV-də eşitdim ki, İtaliyada koronavirusdan ölənlərin sayı 14 minə yaxınlaşıb. Gözümün önünə hamıdan əvvəl zabit Patrisiya və ofisiant Fabio gəldi.
İnanıram ki, sağdılar və Tanrı onları qoruyacaq!
Onları və bütün İtaliyanı.
Aydın BAĞIROV
[email protected]
MOİK - "Cəbrayıl" matçında 5 qol - Video
Azərbaycan millisində isveçrəli baş məşqçi
Cordan Pikfordla yeni müqavilə imzalandı
Fatih Terim bu millini çalışdıra bilər
"Mingəçevir" 3 xalı 3 qolla qazandı - Video
İtaliya kubokunun qalibi qapıçısı ilə müqaviləni uzatd;
"Şahdağ Qusar"dan səfər qələbəsi - Video
Azərbaycan güləşçiləri dünya çempionatında iştirak edəcəklər
1-ci liqanın 3 oyununda 12 qol
2-ci Liqada 6-cı turun təyinatları açıqlandı
“Bavariya”nın müdafiəçisi Madrid nəhənginə keçir?
“Barselona”dan Messi ilə bağlı nostalji paylaşım
"Real" qapıçı axtarışında
Beyl: "Müflis olmaqdan qorxuram"
Harri Keyn “Tottenhem”ə qayıtma ehtimalını şərh etdi
Klyuvert İndoneziya millisindən getdi
Cavadov Niderland klubunun düşərgəsində
Rafinya “El-Klasiko”nu buraxa bilər
AFFA rəsmisi UEFA-dan təyinat aldı
“İnter”də zədə problemi - Darmian iki matçı buraxacaq
Ən az qol vurduğumuza görə 48-ci yerdəyik
Levandovskiyə müqavilə təklif etməyə hazırlaşırlar
Şahruddin DÇ-2026-da ən çox qurtarış edənlər arasında
“Golden Boy” mükafatının 25 finalçısı - Siyahıda kimlər var?
“Mundiala vəsiqə qazanmasaq, ölkəni tərk edəcəm”
"Sabah" Çempionlar Liqasında ikinci oyununda da uduzdu
Çexiya millisində baş məşqçi istefası
Bu dəfə onu “Real” istəyir
“Səbail” “Zaqatala”ya minimal hesabla qalib gəldi - Video
Kapitan “Bayer”lə oyunda PSJ-yə kömək edə bilməyəcək
Vinisius “Real”dan rekord məbləğdə maaş tələb edir
“Borussiya”nın müdafiəçisi “Liverpul”un transfer hədəfində
“Səbail” 3 xalı 1 qolla qazandı
AFFA Region Liqasında mövsümün püşkü atıldı
“Yuventus”un yeni hədəfi - Milan Şkrinyar
Premyer Liqada 12-ci turun oyun cədvəli açıqlandı
Maradonanı geridə qoydu
Paratiçi yenidən "Tottenhem"in idman direktoru oldu
2029-cu ilə qədər “Barselona”da
Misli Premyer Liqasında 11-ci tur "Zəfər turu" adlanacaq
Azərbaycan kubokunda oyunların vaxtı bilindi
Messi gənc futbolçular üçün turnir təşkil edir
AFFA baş məşqçini yenə cəzalandırdı - 4 oyunluq
İspaniya millisi 29 oyundur uduzmur
