05.10.26
“Qarabağ” bu yay transfer bazarında fəallığı ilə fərqlənir. Transfer pəncərəsi açılar-açılmaz Ağdam təmsilçisi heyətinə artıq 5 legioner cəlb edib. Amma baş məşqçi Qurban Qurbanov yerli gənclərimizi diqqətdən kənarda qoymayıb. Bu haqda yazının sonunda ayrıca qeydim olacaq. Hələlik alınan oyunçular və onlar üçün ödənilən real məbləğ haqda:
1. Zakaria Savo, 26 yaşlı qambiyalı mərkəz hücumçusu.
2. Jali Muaddib, 25 yaşlı fransalı sağ vinger.
3. Samuel Lobato, 24 yaşlı portuqaliyalı mərkəz yarımmüdafiəçisi. Həm 6, həm də 8 nömrə mövqeyində oynaya bilir.
4. Bruno Lanqa, Mozambik millisinin 28 yaşlı sol cinah müdafiəçisi.
5. Martin Zlomişliç, Bosniya və Herseqovina millisinin 27 yaşlı qapıçısı.
Klub bu beş futbolçudan dördünə - Savo, Lobato, Lanqa və Zlomişliçə görə Azərbaycan transfer bazarı üçün samballı hesab olunan pullar ödəyib. Daha dəqiqi, onların hər birinin əvvəlki klublarına verilən təzminat+bonusların məbləği ayrı-ayrılıqda azı 1 milyon manatı keçib. Ümumən isə bu yay transferlərə xərclənən məbləğ artıq 5 milyon manata çatıb (futbolçuların maaşı bu məbləğə daxil deyil).
Yalnız Jali Muaddib əvvəlki klubu ilə müqaviləsindəki sərbəstqalma bəndindən istifadə edərək “Qarabağ”a azad agent kimi gəlib.
Amma bunlar son deyil. “Qarabağ”ın tezliklə daha 3-4 futbolçu alacağı gözlənilir. Əsasən hücum və müdafiə xəttinə. Hazırda Ağdam klubunun seleksiyaçıları və klub səviyyəsində aktiv danışıqlar gedir.
Başqa bir mühüm məqam. “Qarabağ” rəhbərliyi transferlərə indiyə kimi Azərbaycan futbolunda görünməmiş həcmdə vəsaitin ayrılmasına razılıq verib. Söhbət adətən bizim görüb-eşitməyə adət etdiyimiz, bir kluba ucuz başa gələn azad agentlərdən deyil, öz klubları ilə müqavilələri olan legioner futbolçulardan gedir. Gedişat göstərir ki, bu yay “Qarabağ”ın alacağı oyunçuların ümumi sayı 8-9 nəfərə çatacaq.
Yəni, azarkeşlər toxtaya bilərlər: “Qarabağ”da “qan dəyişikliyi” başlayıb, heyət güclənəcək. Amma dəyişməyən, dəyişilməsi mümkün olmayan ən vacib şeylər qalacaq: komandanın mübariz, döyüşkən ruhu və Qurbanovun əfsanəvi sistemi.
Daha bir önəmli fakt isə bu 5 futbolçunun heyətə avrokubokların startına bir xeyli qalmış cəlb edilməsidir. Bu da onu deməyə əsas verir ki, həmin oyunçular və klubları ilə danışıqlar mövcud qaydalara əsasən 6 ay əvvəldən başlayıb, ötən mövsüm başa çatar-çatmaz isə uğurla yekunlaşıb. Bunun əsas müsbət tərəfi isə odur ki, gələn bu yeni oyunçuların avrokubokların ən geci 2-ci mərhələsinə qədər komandaya uyğunlaşma üçün zamanı olacaq...
Düzdür, alınanlarla yanaşı komandadan gedənlər də olub. Xüsusən Kevin Medina, Toral Bayramov kimi vacib oyunçular. Amma onların yerinin doldurulması istiqamətində iş gedir.
Şübhə yoxdur ki, ötən mövsüm UEFA Çempionlar Liqasında uğurlu mövsümə baxmayaraq, Misli Premyer Liqasında çempionluğun əldən verilməsi “Qarabağ”ı klub/komanda olaraq əməlli-başlı silkələyib. Ona görə də transferlərə indi daha çox pul ayrılıb, “qan dəyişikliyinə” gedilib. İndi əsas hədəf Avropa Liqasında, ən pis halda Konfrans Liqasında daha da irəli getməkdir. Bir də təbii ki, daha güclü rəqabətin olacağı gözlənilən növbəti Azərbaycan Premyer Liqasında qalib olmaq.
Gizli deyil ki, bugünə qədər “Qarabağ”ın aldığı futbolçuların böyük əksəriyyəti özünü doğruldub. Bu mənada, proqnozlaşdırmaq olar ki, indikilərin də çoxu sözünü həm Avropa, həm də yerli çempionatda deyə biləcək.
Və sonda, legionerlərin alınması yerli gənc oyunçuların unudulması demək deyil. Qurban Qurbanovun qərarına əsasən, bu günlərdə Avstriyaya gedən əsas komandanın toplanışına “Qarabağ”ın aşağı yaş qruplarından yenə gənc/yeniyetmə futbolçular cəlb edilib. Məqsəd onların əsas komanda ilə təcrübə toplamaları, gələcəkdə bu oyunçuları həm Azərbaycan, həm də “Qarabağ” üçün qazandırmaqdır. Həmin futbolçulardan ikisinin - yarımmüdafiəçi Əli Bəşirov və qapıçı Bilal Hacıyevin isə cəmi 16 yaşı var…
Aydın Bağırov
Vlahoviçin milliyə qoşulmamasının səbəbi bilindi
“Çelsi” əməkdaşlara xəbərdarlıq etdi
“Everton” Qrilişə yenidən şans verməyə hazırdır
A Seriyası klubu yenə baş məşqçisini göndərdi
İlin rəmzi komandası açıqlandı - Keyn siyahıda yoxdur
“Bodo-Qlimt”in oyununda bədbəxt hadisə - Tribuna çökdü
"Araz-Naxçıvan"ın futbolçusu əməliyyat olundu
Braziliyalı qapıçı “Liverpul”dan ayrılmaq istəmir
Niderlandda azarkeşlərə görə oyun təxirə salındı
Azərbaycan millisinin heyətində dəyişiklik edildi
“Qaradağ Lökbatan” və “Hypers”dən böyükhesablı qələbə
Yığmanın toplanışını buraxacaq
“Sabah”ın özbək futbolçusu evləndi
Millimizin üzvü 90 dəqiqə oynadı
Mourinyo La Liqanın ən yaxşısıdır
Yamal İspaniya millisindən kənarda qalacaq
Baş məşqçi vəzifəsinə əsas namizəd Rauldur
Premyer Liqada tarixi rekorda imza atdı
Yağışa görə Azərbaycanda bu oyun təxirə salındı
Azərbaycan millisi Olimpiya çempionu oldu
“Qalatasaray”ın əfsanəsi vəfat etdi
"Ümid edirəm ki, çempion olarıq" - "Neftçi"nin futbolçusu
“Barselona”dan La Liqa yeni uğur
Kasilyas oğullarını “Real”ın akademiyasından çıxardı
“Mahir qol vurmasa da, qələbədə çox vacib rol oynadı”
200-cü heç-heçə
Kerrikdən istefa suallarına cavab
"Barselona"nın geridönüşü - Video
Azərbaycanlı futbolçu Kiprdə növbəti matçına çıxdı
"Fənərbaxça" 5, "Beşiktaş" 3 qolla qalib gəldi
Mahir qol ötürməsi etdi, komandası qələbə qazandı
“Mançester Yunayted” 8 qollu matçda qalib gələ bilmədi
Nəriman Axundzadə yenə ehtiyatda qaldı
Azərbaycan yığması Latviyaya məğlub oldu
“Mançester Siti”dən növbəti antirekord
"Sabah" və "Şamaxı"nın 4 qollu heç-heçəsindən - Video
"Bu nəticə bizim üçün qəbuledilməzdir” - Dambrauskas
“Çempionatın ən gənc komandasıyıq” - Azər Bağırov
"İmişli" - "Sumqayıt" matçından - Video
"Sabah" "Şamaxı" ilə, "İmişli" "Sumqayıt"la heç-heçə etdi
“Araz-Naxçıvan”da 200-cü oyun
“Heç-heçə ədalətli nəticə oldu” - Ervins Perkons
“Çempionatda ciddi güc fərqi yoxdur” - Filipe Kandido
