29.06.25
… Beləliklə, Krakovdan - Polşanın ikinci böyük, həyat eşqi ilə qaynayan bu şəhərindən ölkənin başqa bir şəhərinə - Çenhstohovaya yola düşürəm.
Yol da nə yol. İpək kimi yol…
Və bu yolla sərnişinləri aparan yaşı 35-ə ancaq çatan və fikrimcə, hər bir zövqlü kişinin ürəyinə yata biləcək hündürboylu gözəl qadındır. Bəlkə də nə zamansa model olası qız imiş. İndi hansısa səbəbdən o, ictimai nəqliyyatda sürücü işləyir. İdarə etdiyi mikroavtobusu da iki maşının keçə biləcəyi dar şosse ilə rahatlıqla Formula-1 çempionu Luis Hemilton kimi elə sürətlə sürür ki, sanki sunamidən qaçır. Lap Hollivud filmlərindəki kimi. Amma indi film çəkilişlərində deyil, real həyatda olduğumdan narahat olmaya bilmirəm. Və onda telefonuma, adı mənə qəribə görünən bir ünvandan ingiliscə həyəcanlı mətn gəlir:
“Xəbərdarlıq! Bu gün və sabah (24/25 iyul) dolu, güclü küləkli tufan gözlənilir. Ehtiyatlı olun və əşyalarınızı qoruyun”.
Ehh insanın hər addımını, həyatını düşünən gözəl Avropa. Səndən nümunə götürüləcək nə qədər yaxşı şey varmış…
Cəmi 5-6 saat sonra həmin bu mesajın quru sözlərdən - işə, ruslar demiş, sadəcə qaloçka qoymaqdan ibarət olmadığına şahid oluram.
Siz də izləyin, siz də şahid olun…
Bura artıq həmin şəhərdir - adı üç gündür hələ də dilimə yatmayan Çenhstohova.
Köhnə qitədəki balaca şəhər…
Azərbaycanın çempionu “Qarabağ”ın ilk dəfə qədəmlərini qoyduğu şəhər…
Və bu şəhərdə üç gündür hər gün fasilələrlə yağış yağır. Elə indi də, mən səhər o başdan bu qeydləri edərkən də… İstilik isə günorta 28 dərəcədən o tərəfə keçməyib.
Yayda payızdır sanki. Donuram :))
***
Cəmi 220 min əhalisi olan kiçik Çenhstohovanı böyük futbolda “Rakov” adlı komanda təmsil edir. Tarixlərində ilk dəfə bu il Polşa çempionu olublar. Paytaxt təmsilçisi “Legiya”nı, əvvəlki çempion Poznan “Lex”i geridə qoyaraq. Çempionlar Liqasında debütləridir. “Flora”nı keçməklə birinci mərhələni uğurla adlayıblar və bizim “Qarabağ”a rəqib olublar. Amma bu uğurlu faktlar hələ o demək deyil ki, şəhər futbolla alışıb yanır. Ümumiyyətlə, bu 3 gündə burada qarşıma nə fan-şop, nə bugünkü “Rakov” - “Qarabağ” oyununa dair afişa, reklam çıxıb.
Bir sözlə, şəhərdə tamamilə sakitlikdir - və tək futbol mənasında da deyil. Hər halda dünən axşama qədərki ilkin təəssüratım odur ki, yalnız yerli stadion burada komandanın olduğunun nişanəsidir.
Stadionun isə cəmi 5500 tamaşaçı tutumu var. “Rakov” üçün müsbət məqam odur ki, bütün tribunalar meydana yaxındır və bu, fanatların oyuna, futbolçuya psixoloji təsir etmə imkanını artırır. “Miejski Stadion Piłkarsk” Avropada bir çox kiçik şəhərə xas olan arenalardakı kimi dəbdəbədən tamamilə uzaqdır.
Yəni skybox yoxdur, VİP və media tribunasının durumu aşağı səviyyədədir.
Amma nə olsun? Futbolu ki, dəbdəbə yox, futbolçu oynayır. Dəbdəbə oynasa idi onda gərək biz Avropa və dünya çempionatlarının final mərhələsinə yüksələ idik. Nə qədər desən gözəl stadionumuz var Bakıda… Futbolda elə Bakıda da ilişib qalmışıq.
Son illər Bakıdan çıxıb Avropada tanınan tək komandamız “Qarabağ”dır. Hərçənd mənim özümdə bugünkü oyun, ümumən cütün taleyi ilə bağlı bir az narahatlıq vardı və düzü, hələ də qalmaqdadır (heyətə görə). Dünən mətbuat konfransında Qurban Qurbanova bununla bağlı sualım da oldu. O, rəqibin gücünü, səviyyəsini qeyd etməklə yanaşı inamlı danışaraq narahatlığı başa düşdüyünü, amma buna səbəb olmadığını da söylədi…
Əlbəttə, “Rakov” “Linkoln” deyil, qarşımızda daha güclü rəqib olacaq. Amma bir detalı da unutmayaq ki, “Qarabağ” son 9 ildə qatıldığı avrokuboklarda hər mərhələdən mərhələyə oyununda artıra-artıra gedib. Bu dəfə də belə olacaq, yoxsa ənənə pozulacaq? Nə “hə” demək olur, nə də “yox”.
Hələlik dünəndən gördüyüm ümumi ab-havadan isə yalnız onu qeyd edə bilərəm ki, “Qarabağ” düşərgəsində bu gün rahatlıq, güclü özünəinam var. Taktiki məsələləri isə Qurban Qurbanov özü düşünüb… Mətbuat konfransında qeyd etdiyi kimi, rəqiblə bağlı hər şeyi açıb danışmağa ehtiyac yoxdur…
Deməli, hamımız səbr edib axşamkı oyunu gözləyək. Və yaxşı nəticəyə, Polşa ilə davam edən Çempionlar Liqası yolçuluğunun qısa deyil, daha uzun olacağına inanaq.
Aydın Bağırov,
Çenhstohova, Polşa
"Liverpul" 20 nömrəli formanı dövriyyədən çıxardı
İtaliyanın tarixi klubu peşəkar turnirlərdən kənarlaşdırıldı
"Şamaxı" "İmişli" ilə də qarşılaşacaq
"Sabah"ın Avstriyadakı yoxlama oyununda 6 qol vuruldu
Şahruddin, neynirsən sən?! - Video
"Komo" almaniyalı vingerlə razılaşdı
Keçmiş futbolçusunun ölümünə belə reaksiya verdi
"Napoli"dən La Liqaya
"Mingəçevir" iki futbolçusu ilə yollarını ayırdı
“Araz-Naxçıvan”ın "Aris"lə oyunlarının hakimləri
“Araz-Naxçıvan”ın ÇL-dəki rəqibləri müəyyənləşdi
AFFA “Qəbələ”yə ayırdığı pulu açıqladı
"Beşiktaş" Türkiyə millisinin üzvü ilə müqavilə imzaladı
Asif Məmmədov məşqçiliyə başlayıb
UEFA-dan 1 dəqiqəlik sükut qərarı
"Milan" səfər formasını təqdim etdi - Şəkillər
"Daha iddialı olmağa çalışacağıq" - "Turan Tovuz"un kapitanı
AFFA-nın baş katibinə yeni müavin təyin olunub
Azərbaycan klubu 7 futbolçu ilə yollarını ayırdı
"Qarabağ" Avstriyada ilk məşqinə çıxdı - Şəkillər
Jotanın faciəvi ölümünə səbəb olan qəzanın - Təfərrüatları
"Kəpəz"in iki rəqibi açıqlandı
"Liverpul"un məşhur futbolçusu faciəvi şəkildə həlak oldu
Falkao klubsuz qaldı
Azərbaycanın millisi Avropa ikincisi oldu
Avropa kubokunda iştirak edəcək cüdoçularımız kimlərdir?
"Mançester Siti" axtardığını tapdı
"Qalatasaray"dan ayrılan Keremin yeni klubu açıqlandı
İmmobile "Beşiktaş"ı bu kluba dəyişdi
"Qarabağ" Avstriyadadır - Şəkillər
"Çelsi" 70 milyonluq transferini açıqladı
A seriyası klubunda yeni baş məşqçi
Brantueytlə yeni müqavilə imzalandı
Lyakazett də ərəb klubuna keçdi
Van Bronxorst rəsmən “Liverpul”da
