29.08.26
Uzun illərdən sonra Azərbaycan futbolunda “Qarabağ” kimi Avropada uğurlu çıxış edə biləcək ikinci bir komandamız formalaşır - “Sabah”.
Müsbət haldır ki, “Sabah”a ayrılan yüksək maliyyə görüntü xatirinə havaya sovrulmur, əsas komanda ilə yanaşı klubun infrastruktunun qurulmasına, uşaq futbolunun inkişafına da diqqət yönəldilir. Bir faktı qeyd etmək lazımdır ki, “Sabah” bu gün öz müasir bazası olan azsaylı klublarımızdandır.
Komandaya gətirilən baş məşqçilərin, legionerlərin əksəriyyətinin səviyyəsı də ümumən yaxşıdır. Klub/komanda uğurlu modelinin siqnalı verilir. Hiss olunur ki, klub rəhbərliyinin baş məşqçiyə inamı, dəstəyi sözdə deyil, əməldədir. Bu, müasir futbolda uğura aparan yolda ən incə, vacib məqamlardandır. İllərdir mütəxəssislərin, media və azarkeşlərin görmək istədiyi bir-birini tamamlayan zəncirvari sistem də məhz budur. Məsələn, “Qarabağ” məhz belə sistem sayəsində futbolumuz üçün uğurlu sayılan nəticələrə imza atır.
“Sabah” ötən mövsüm “Qarabağ”ın hegemonluğuna son qoyub Azərbaycan çempionu oldu. Amma daxili yarışdakı nəticələr hələ yekun göstərici sayıla bilməz. Məsələn, “Neftçi”, “Zirə” bu il Konfrans Liqasına vəsiqə qazandı, amma biri 8-ci kilometrdən, o biri də Zirədən o tərəfə gedə bilmədi. Niyə? Çünki klublarda hələ uğur sistemi qurula bilməyib, qurulubsa da, düz qurulmayıb.
Doğrudur, ötən mövsüm “Sabah”la bağlı bəzən ədalətli tənqidlər, çox vaxt isə əsassız ittihamlar az olmadı: Hakimlik… Hakimlik… Hakimlik.. Amma belə zəhlətökən söhbətlər bizdə də, dünyada da həmişə olub, var və olacaq da. Nə qədər danışılırsa danışılsın, daxili yarışda uğuru necə, hansı yolla qazandığının yolu əvvəl-axır özünü Avropa meydanlarında göstərəcək. Əsl vitrin də elə oradır.
Və “Sabah” bu gün o vitrində Avropadakı ləyaqətli oyunu, peşəkar məşqçi və komanda işi ilə dayanıb.
Təkcə orada deyil.
Həm də Çempionlar Liqasının pley-off mərhələsinin bir addımlığında.
Amma bizdə “şər deməsən, xeyir gəlməz” misalı da var. Komanda ən pis halda UEFA Konfrans Liqasını təmin edib. Necə deyərlər, artıq qənaətbəxş nəticə əldə olunub.
Aydın Bağırov
P.S. Dünən Danimarkada “Orhus”la məğlubiyyətlə (1:2) nəticələnən matçda göstərilən oyun, yaradılan çoxsaylı qol vəziyyətləri isə daha nikbin düşünməyə əsas verir. Lakin eyforiyaya qapılmadan unutmayaq ki, “Orhus” 2-ci mərhələdə öz meydanında 1:4 hesabı ilə uduzduğu “Lex”i Polşada səfər matçında məğlub etməyi bacarmışdı…
Rafinyadan het-trik
"Böyük klub olmaq istəyiriksə..." - Valdas Dambrauskas
"Sabah"ın 3 qollu qələbəsindən - Video
“Təsadüfi işlə uğur qazanmaq mümkün deyil” - Fərid Namazov
UEFA İrlandiyanın tələbini rədd etdi
"Sabah" "İmişli"yə, "Turan Tovuz" "Zirə"yə qalib gəldi
Vüsal oynadı, komandası qələbə qazandı
"Turan Tovuz" "Zirə"ni belə məğlub etdi - Video
Berdiyevdən Sadıqovun hakim iradına reaksiya
"Hakimlər üzərində təzyiq yaradılır" - Rəşad Sadıqov
"Traktor"un qapıçısı "Sumqayıt"da
"Sabah"ın sabiq futbolçusu vətəninə qayıtdı
Mahirin komandasından növbəti məğlubiyyət
"Sabah" - "İmişli" matçının heyətləri açıqlandı
“Arsenal” Premyer Liqa futbolçularını hədəfə aldı
"Tottenhem" uduzdu, azarkeşlər istefa tələb etdi
Ronaldo yenidən "İmişli"də
Prezidentdən İsgəndər Cavadovla bağlı sərəncam
"Turan Tovuz" - "Zirə": Heyətlər
Dünya nəhəngləri 15 yaşlı futbolçu üçün mübarizə aparır
UEFA FİFA-dan bunu tələb etdi
İtaliya millisinin Türkiyə ilə oyun üçün heyəti açıqlandı
Əfsanəvi futbolçu vəfat etdi
"Kəpəz" 2 yoxlama oyunu keçirəcək
“Onun artıq 35 yaşı, mənim isə 4 illik layihəm var” - Zidan
“Şəfa”nın legioneri: “Qarabağ” daha üstün oynadı” - Video
Xabi Alonso “Çelsi”də də məyus edir
“Qarabağ” hər oyunda 4-5 qol vurmaq istəyir…” - Video
Bundesliqa klubundan baş məşqçi qərarı
Qattuzo: "İkardinin "Latsio"ya transferi mümkün deyil"
Bakıda dünya çempionatı – 191 ölkə, 1000-ə yaxın oyun
