05.10.26
Ötən il karyerasını bitirən Niderland futbolunun canlı əfsanəsi Robin van Persi doğma klubu “Feyenoord”da hücumçularla işləyən məşqçi təyin edilib. Klubun saytı bu barədə yazır: “Rəhbərliyimiz onun Robert Bojenik kimi gənc hücumçuların inkişafında böyük rol oynayacağını düşünür”.
Yuxarıda gördüyünüz kimi, van Persiyə etibar edilən vəzifəni xüsusi qeyd etmişəm. Səbəb isə odur ki... Bəli, biz qapıçılarla işləyən məşqçiləri bütün klublarda görə bilirik. Amma sırf hücumçu ilə işləyən məşqçi institutu müasir futbolda çox geniş yayılmasa da, hər halda az da deyil. Bəs, belə bir təcrübə Azərbaycanda varmı?
Araşdırmalarım zamanı öyrənə bildim ki, yoxdur, olmayıb da. Halbuki futbolumuzda bütün dövrlərdə problemli mövqe məhz hücum olub. Son 10 ildə sırf Azərbaycan futbolunun yetirməsi olan mərkəz hücumçularının siyahısına da nəzər saldım. Buna siyahı adlandırmaq nə dərəcədə düzgündür, bilmirəm. Orada milli komanda səviyyəsinə kimi yüksələn cəmi iki tanınan ad oldu – Rauf Əliyevlə Mahir Emreli. Yüngül təsəllimiz isə odur ki, AFFA Rusiya futbol məktəbinin üzvü Ramil Şeydayevlə Almaniyada yetişən perspektivli Renat Dadaşovu milliyə cəlb edə bildi. Yoxsa bu gün-sabah hücumda kimi oynadardıq?
Ümumiyyətlə, bizdə problemli məsələlərdən biri futbolçularla fərdi qaydada işləyən məşqçilərin olmamasıdır. Mənzərəni tam açmaq üçün kiçik izah: Azərbaycanda bütün baş məşqçilər komandalarının məşq prosesinə, oyunçulara nəzarət edir, texniki-taktiki məsələləri həll edir. Amma klublarda gənc oyunçularla ayrıca işləyən məşqçi yox səviyyəsindədir. Daha doğrusu, bir tək “Qarabağ”da belə bir iş görüldüyünü eşitmişəm (Borçe Xristov). Amma o da bir mövqe deyil, hücum, yarımmüdafiə və müdafiə da daxil olmaqla üç mövqedə oynayan gənclərlə fərdi olaraq çalışır. Bir çox halda isə gənclərlə Rəşad Sadıqov şəxsən məşğul olur.
Əlbəttə, hücumçulardan danışırıqsa, bizdə da konkret bu mövqe üzrə məşqçi vəzifəsinə ehtiyac var. Çünki geridə qalan dövr hücumçu yetişdirməkdə böyük çətinliklər yaşadığımızı göstərib. Bu məsələni yoluna qoymaq üçün yerli, lazım olarsa, xarici mütəxəssislərin təcrübəsindən istifadə etmək mümkündür. Məsələn, ən güclü hücumçularımızdan olmuş Vəli Qasımov. O, bu gün Avropa turnirlərinin ulduz səfiri kimi futbolumuza faydası olmayan simvolik vəzifə daşıyır. Faktiki futbol fəaliyyəti yoxdur. Amma Qasımovun klublarımızdan birində hücumçularla işləyən məşqçi kimi çalışmasının yalnız faydası dəyə bilərdi...
Niderland dünya futboluna Rober van Persinin də timsalında neçə-neçə böyük hücumçular bəxş edib və şübhə yoxdur ki, bundan sonra da edəcək. Bütün bunlara baxmayaraq, digər ölkələrdə olduğu kimi, onlar da hücumçu yetişdirmək üçün ayrıca məşqçi tuturlar.
Niderland futbolu ilə inkişafdan qalan Azərbaycan futbolu arasındakı böyük fərqi həm də bundadır. Və ona görə də sabah onlarda yeni van Persi olacaq, amma bizdə ikinci Vəli Qasımov olmayacaq (bu gedişlə).
Bilməyənlər üçün: Vəli Qasımov 1992-ci ildə 16 qolla Rusiyanın ilk milli çempionatının bombardiri olub.
Aydın BAĞIROV
[email protected]
"Sumqayıt"ın geridönüşü - Video
"Özümüzü çıxılmaz vəziyyətə saldıq" - Yuri Maksimov
Arda Güler daha 5 il "Real"da
“Sumqayıt” və “Şamaxı”dan əzmkar qələbə
“Real” La Liqanı məhv etməyə çalışır”
MOİK və "Karvan Yevlax"dan qələbə
“Yuventus”un Bernardo Silva planı
Şamaxıdakı 5 qol - Video
Azər Bağırov qələbəni ona həsr etdi
"Sumqayıt" - "Araz-Naxçıvan": Heyətlər
"Bu məğlubiyyət daha acı oldu" - Zaur Həşimov
"Real" Vinisius məsələsində geri çəkilmək istəmir
Venger FİFA prezidentliyinə namizədliyini irəli sürəcək?
"Şamaxı" - "Şəfa" oyununun heyətləri müəyyənləşdi
"Çelsi"nin kapitanı dizindən əməliyyat olundu
Azərbaycan klubları neçəncidir? - UEFA reytinqi
AFFA həkimi olmayan klubları cərimələdi
Karvahalı transfer etdilər, Sanço ilə danışıq gedir
İki günə qırılan rekord
"Milan"ın darmadağını - Video
"Qarabağ” - “Neftçi” oyununa azarkeş marağı yüksəkdir
Salah avrokuboklarda bunu bacaran ilk oyunçudur
Dünya çempionatında daha bir gümüş medal
Sanki Almaniya yox, Türkiyədir - Video
Kamilo Duran “Benfika”ya yenə qol vurdu
Konfrans Liqasında Liqa mərhələsi başladı
"Beşiktaş", "Milan" və "Yuventus"dan qələbə
“Milan”dan darmadağın, “Bayer”dən 4 qol
"Trabzonspor"dan qələbə, Zamiqin komandasından heç-heçə
Vüsal İsgəndərlinin komandası xal itirdi
“Beşiktaş”ın hücumçusu qol vurdu, tənqid olundu
İspaniya nəhəngləri “Tottenhem”in ulduzuna göz dikdi
Hakimə hücum etdi, 2 il futboldan uzaqlaşdırıldı - Video
FİFA-nın vitse-prezidentindən İnfantinoya sərt mesaj
"Səbail", "Xankəndi" və "Şimal"dan qələbə
Stas Pokatilov ÇL-də rəmzi komandaya düşdü
Elvin Cəfərquliyev fərdi fiziki məşqlərə başlayıb - Video
Çempionlar Liqasında həftənin oyunçusu bəlli oldu
Danimarka millisinin sabiq baş məşqçisi vəfat etdi
Rafinya qayıtdı
