23.04.26
…Tallin səfərim, təəssüf ki, məyus sonluqla bitir.
O dərəcədə ki, bu maraqlı şəhərdən, fərqli rənglərə bürünmüş binalardan təəssüratımı bir cümlə ilə ifadə etməyi belə futbol azarkeşinin heysiyyatına toxunmaq kimi qəbul edirəm.
Çünki futbolumuzun qara epoxasıdır.
Bu sətirləri də milli komanda ilə birgə qayıtdığım təyyarədən yazıram. Baxıram ətrafa, hələ kefsiz olanlar var, dünənki rəzil məğlubiyyəti bir sutka keçməmiş unudanlar da.
Bilirəm, yazıya neqativ tonda başlayıram, amma müsbət nəyəsə köklənməyə də bir səbəbim yoxdur.
Gələcəkdə hər zaman hər şeyin yaxşı olacağına inanan, əmin olan biri kimi futbolumuzla bağlı bədbinliyim heç vaxt olmadığı qədər dərindir. Ən çox da gələcəyimizə görə. Biz hara gedirik?
Azərbaycan milli komandası Estoniyaya da uduzdu.
3 oyundan nəinki bir qələbəmiz, heç bir xalımız da yoxdur.
Görün, artıq hansı vəziyyətə gəlib çatmışıq ki, bu günə qədər yüzmilyonlarla pulun xərcləndiyi Azərbaycan millisi yüksəlmək əvəzinə eniş istiqamətinə gedişini daha da sürətləndirib. Bu dəfə artıq yerin düz dibinə doğru. Futbolda bir milli üçün yerin dibi hara ola bilər? Bəli, Millətlər Liqasında ən zəif 6 komandanın yarışdığı D divizionu.
Ora da azca qalıb. Təhlükə qapımızın qarşısındadır. Bu gün-sabah təpik vurub içəri girəcək.
Amma bundan narahatlıq keçirən, ümumiyyətlə, bu ağır durumun fərqində olan, futbola canı yanan varmı görəsən?
Bu sual əlbəttə, AFFA-nın prezidentinə, həm də vitse-prezidentlərinədir.
Rövşən Nəcəfədir.
Sərxan Hacıyevədir.
Balakişi Qasımovadır.
Cavab verməli olanlar həm də bu rəhbərliyi seçən, milliyə baş məşqçi təyinatına təsir imkanı faktiki olmayan AFFA-nın İcraiyyə Komitəsinin dekorativ üzvləridir.
“Uman yerdən küsərlər” deyiblər.
Görünən odur ki, ən kritik məqamlarda Qurban Qurbanovu belə eşitmirlər, rəyinə ehtiyac duymurlar. Elə isə o komitədə qalmağın nə mənası var ki? Qurban Qurbanov, fikrinizi, enerjinizi “Qarabağ”a həsr edin. Onsuz da olan-qalanımız bir tək “Qarabağ”dır, ona da nankorluq edənlər hər addımda fürsət gözləyirlər…
Hə, meydana çıxıb futbol oynayan AFFA rəhbərliyi deyil, təbii ki. Komandamıza bir xeyli futbolçu qırığı da toplaşıb. Dünən çoxusu meydanda idi, amma fikirləri harada idi, bax, o sual açıq qalır. Təmsil etdikləri Qalib Dövlətin bayrağındamı, yoxsa SOCAR-ın ayıracağı premiyadamı?
Hər gün o bayrağı Zəfər Bayrağına çevirmək üçün yüzlərlə azərbaycanlı oğlu erməni ilə döyüşdə can qoyur, qan tökürdü.
Bu gün millidə start heyətə çıxan Aleksey İsayev isə həmin günlərdə İnstaqramda erməni dostu Xoren ilə şəklini fəxrlə paylaşırdı. İndi siz deyin, o bayraq üçün Aleksey İsayev can yandıracaqmı? Estonlarla oyunda orta xəttin bacarıqsızlığı həm də İsayevə görə idi.
Yaxud Ramil Şeydayev. Milli üçün tamamilə faydasız və zərərli oyunçuya çevrilən birindən meydanda gəzməkdən başqa nə gözləyə bilərdik ki?
Bədavinin, Rahilin səhvləri dayanmaq bilmir ki, bilmir.
Bəs, Coşquna nə olub? Peşəkar adlanan bir oyunçu elə dərrakəsiz ötürmə edərmi ki, komandası da qol buraxsın?
Maşallah, Renat Dadaşovun isə boyu günbəgün uzanır, artır. Bir tək artmayan isə futbol beyni, hücumçu təcrübəsidir. O artmayanda da oynayacağı ən yaxşı əcnəbi klub elə Türkiyə birinci liqasında olacaq…
Və bütün bu qaramatın ortasında bir futbolçu var ki, heç olmasa o bir quru sağ olu haqq edir…
Elvin Cəfərquliyev.
1-ci saniyədən ta son saniyəyə kimi canını meydanda qoyub savaşan oğlan.
Məğlubiyyətdə imzası olmayan FUTBOLÇU…
***
Təyyarənin pəncərəsindən havanın qaraldığı görünür.
Bakıya enirik.
Dünən axşam elə bu saatlarda stadionda bir eston uşağı sevincindən hayqırırdı: “Axır ki, biz də qələbə qazandıq”.
Eston qələbə qazanıb.
Biz uduzmuşuq.
Bu, Fernandu Santuşun parlaq “əsəri”dir. Seyr edin: 3 oyun, 3 məğlubiyyət.
Belə yerdə deyirlər, idarəetmənizə… Sıfır.
Aydın Bağırov
Tallin-Bakı reysi
Keyn müqavilə imzalamağa tələsmir
"Barselona" onu hədəfə aldı
Baş məşqçinin qərarına təəccübləndi
CAR-ın DÇ-2026 üçün ilkin heyəti açıqlandı
"Heç bir halda arxayınlaşmaq olmaz" - Kaxaber Sxadadze
AFFA bu klubun 2-ci liqada iştirakına icazə verdi
"Qəbələ" 3 xalı 3 qolla qazandı - Video
Silva "Atletiko"ya keçə bilər
"Qəbələ" "Şamaxı"ya qalib gəldi
"Qalatasaray" Saşa Boeylə bağlı geri addım atır
Avroliqanın rəmzi komandası açıqlandı
Avroliqanın ən yaxşısı seçildi
1-ci liqanı tərk edən komanda bəlli oldu
"Neftçi" İK Azərbaycan kubokunun qalibi oldu
Rəhim Həsənovdan mübahisəli epizodlara şərh - Video
Superliqada yeni legioner limiti tətbiq olunacaq
Seyxan Fərəcov mükafatlandırıldı
"Qəbələ" - "Şamaxı": Heyətlər
Azərbaycanda “transfer pəncərələri”nin vaxtı məlum oldu
Misli Premyer Liqasında növbəti mövsüm bu tarixdə başlayacaq
Seneqal millisinin DÇ-2026 üçün yekun heyəti açıqlandı
“Qarabağ”dan daha bir transfer – Bakıya gəldi
Almaniya millisinin DÇ-2026 üçün heyəti elan edildi
Bunu Sançodan başqa bacaran olmayıb
Çin futbolunda “cəza sunamisi”
Əfsanələrin kameraarxası görüntüləri - Video
Daniel Parexo ilə yollar ayrıldı
38 yaşlı kapitanla müqavilə uzadıldı
Rafael Ağayev 13-cü dəfə əməliyyat olundu - Şəkil
Kazemiro Messinin komanda yoldaşı olacaq
Xabi Alonso: "Çelsi"nin layihəsi möhtəşəmdir"
Avroliqanın final matçından - Video
Misli Premyer Liqası: Son turun hakimləri məlum oldu
“Qarabağ”ın Avroliqada 6 mümkün rəqibi… - Siyahı
Neymar DÇ-2026 öncəsi zədələndi
Avropa Liqasının ağası
Avropa Liqasının qalibi müəyyənləşdi
İki güləşçimiz Avropa çempionatının finalında
DÇ-2026-nın reklam çarxında yer aldı, azarkeşlər qınadı
Premyer Liqanın ən gənc çempionu oldu
Dembele "Arsenal"a qarşı oynayacaq
Kukurella "Çelsi"dən gedəcək?
"Arsenal" Artetaya yüksək maaş təklif edə bilər
Millinin təlim-məşq toplanışı ləğv edildi
Mourinyo Vinisiusla bağlı nə düşünür?
"Arsenal" çempionluq paradı keçirəcək
Türkiyə kubokunda finalın hakimləri açıqlandı
Son üç mövsümün bombardirləri kimlərdir?
