29.08.26
Azərbaycan milli futbol komandası iyunun 1-dən Avstriyanın Ştiriya bölgəsində bapbalaca bir kənddə təlim-məşq toplanışındadır. Qərib adam üçün yad ellərdə çətin coğrafi adlar əzbərləmək bir az vaxt aparır. Bad Valdersdorf da onlardan biridir. Sakit bir kənddir. Elə sakitdir ki, deyərsən, sanki anadan lal doğulub. Bu hüzurverici sükutu isə tez-tez yalnız quşların ruha işləyən cəh-cəh vurması pozur.
Bad Valdersdorf.
Başqa nə var burada? Termal suları var, elə buna görə gəlib-gedənləri çox olur (əsasən yaşlı insanlar). Yəni sanatoriyadır. Və üstəgəl, yaşıllıqlar, yan-yana düzülmüş meşələr. Azərbaycan millisinə bu bölgə ona görə seçilib ki, hazırlıq üçün havası, məşq keçməsi üçünsə meydançası idealdır. Avstriya-Macarıstan sərhədindəki bölgədir. Bir vaxtlar burada Buscu adlı sərhəd keçid-məntəqəsi də olub. Sərhədlər götürülsə də, həmin məntəqə rəmzi olaraq saxlanılmaqdadır.
Macarıstandan millini ziyarət etmək üçün gedəndə bir vaxtlar mövcud olmuş sərhədin bu hissəsindən keçirik. Yəqin buranı hər görəndə neçə-neçə macarda, avstriyalıda bir xatirə canlanır…
***
Elvin Cəfərquliyev kənara çəkilib telefonla danışır. Nahardan sonra milli üzvləri otelin lobisində dincəlirlər. Görəndə yaxınlaşıb mənimlə mehribanlıqla görüşür. “Qarabağ”la bu yaxınlarda yaşadığı məlum hadisə yadıma düşür dərhal. Amma nə özü bu barədə danışmağa həvəsli görünür, nə də mən təkid edirəm. Sonra, artıq mətbuat konfransında baş məşqçi Ayxan Abbasova Elvin haqda sualı ünvanlamaya bilmirəm. O da deyir ki, sentyabra, Millətlər Liqasına qədər Elvin özünə klub tapmalıdır. Yəni “Qarabağ”dan getmək ehtimalı yüksəldir. Amma hara, nə vaxt? Yəqin tezliklə bilərik.
Yeri gəlmişkən, mətbuat konfransına Ayxan Abbasov Emil Balayevlə birgə daxil olur. Elə oradaca elan edir: “Malta və San-Marino ilə yoxlama matçlarında iki fərqli heyətlə oynayacağıq. Emil sabah (bu gün - A.B.) start heyətdədir”.
32 yaşlı qapıçı “Neftçi”də əsas heyətə qayıtdıqdan sonra artıq əsas milliyə də dəvət alır. İnamlı və həvəsli görünür. Heyf ki, karyerasının bir xeyli vaxtında biz Emili nə millidə, nə də klublarında əsas heyətdə görə bildik.
İndi bu istedadlı və vətənpərvər futbolçunun yenidən milliyə dəvət alması yaxşı hadisədir. Bir daha təsdiq olunur ki, futbolçuda xarakter olanda o, yenidən dirçələ bilir.
***
Ayxan müəllim Elvin, Emil və digər oyunçuları barədə biz media nümayəndələri ilə qeyri-rəsmi görüşdə, mətbuat konfransından əvvəl də bəhs edir. Həmin görüşdə AFFA-nın baş katibi Cahangir Fərəcullayev, idman direktoru İlqar Qurbanov və mətbuat xidmətinin rəhbəri Murad Axundov da iştirak edir. Söhbət 3 saata yaxın çəkir, bilinməyən yeniliklərdən xəbər tuturuq. Son illər AFFA rəhbərliyi tərəfindən belə müsbət təşəbbüslər bir neçə dəfə olub. Faydalıdı bu görüşlər. Bu, həm də ona görə əhəmiyyətlidir ki, əvvəla futbolumuzla bağlı şayiələrin, dedi-qoduların yaranmasının qarşısı alınsın, həm də müəyyən təkliflər birbaşa federasiya rəhhərliyinin özünə çatdırılsın.
Elə bu görüşdə Ayxan müəllim deyir ki, Elvin gələndə bir az fiziki formadan uzaq idi, indi xeyli yaxşılaşıb və sonra gülərək əlavə edir: “Necə formada olduğunu isə Malta ilə oyunda görəcəksiniz”.
Nəriman Axundzadə haqda isə bildirir ki, ABŞ-a gedəndən sonra onub fikri, futbola baxış tərzi müsbətə doğru xeyli dəyişib, üzərində daha çox işləməyə başlayıb. Onların real durumunu isə biz Malta ilə oyunda görəcəyik.
Həmin oyun isə bu gündür. Macarıstanın Sombathey adlı şəhərindəki “Haladaş” klubunun stadionunda. Malta millisi hazırda FİFA reytinqində 162-ci yerdədir, biz 124-də. 38 pillə geridədirlər. Amma son illər qalib gələ bilmirik bu komandaya…
Cırtdan futbol ölkəsi olmaqla deyil ki.
Reportajlarımız davam edəcək.
Aydın Bağırov,
Macarıstan-Avstriya
Jurnalistlərin Macarıstan səfəri AFFA-nın təşkilatçılığı və “Misli”nin dəstəyi ilə həyata keçirilib
“Əl-Hilal”ın qapıçısı matçdan əvvəl sıradan çıxdı
Gənclərə yol göstərməsini istədilər, təklifi geri çevirdi
Messi və Ronaldo eyni komandada oynayacaq?
Sabiq klubuna qayıtmaq üçün aşağı maaşa razıdır
Rəhbərliklə münasibətləri pisləşdi, klubdan ayrıldı
1-ci Liqa klubunda yeni məşqçi təyinatı
34 yaşında karyerasını bitirdi
"Neftçi" nigeriyalı hücumçu transfer etdi
Alonso onu "Çelsi"də görmək istəmədi
“Beşiktaş”ın avrokubok matçı başqa ölkədə keçirilə bilər
Azərbaycanlı hakimə UEFA-dan növbəti təyinat
“VAR qaydanı bilmirdisə, vəzifəsindən getməlidir”
Azərbaycan millisi Moldovaya məğlub oldu
1-ci liqada hakim təyinatları açıqlandı
Salah “Trabzonspor”da rekorda imza atdı
Mbappe: “Bəlkə də “Qızıl top” üçün mənim uğurlu ilimdir”
“Barselona”nın sabiq futbolçusu karyerasını başa vurdu
Mourinyo: “Pley-offa adlayacağıq”
"Millidə də qol vurmaqda özümə güvənirəm" - Vüsal İsgəndərli
Hakim Ziyeşin yeni klubu məlum oldu
"Fiorentina" baş məşqçisini istefaya göndərdi
Çempionlar Liqasının oyunları 1 dəqiqəlik sükutla başlayacaq
Ulduz futbolçu "Əl-İttifaq"ı "Əl-İttihad"a dəyişdi
Evdə 100-cü qol
Esposito ilə yeni müqavilə imzalandı
“Qarabağ”dan 2 yeni xəbər - Biri şad, o biri məyusedici
Qismət Alıyev “250”yə çatdı
Son 21 mövsümdə ilk dəfə
Mehman Hacıyev vəfat etdi
“Qarabağ”ın o boşluqlarından qollar vurduq” - Açıqlama+Video
Salahın qolu, "Trabzonspor"un qələbəsi - Video
Kerrik “Sabah”la oyundan danışdı
“Barselona"ya məğlubiyyətə görə etiraz aksiyası keçirdilər
"Yuventus" "Milan"la qarşılaşdı - A Seriyasında nəticələr
"Barselona"dan darmadağın
London derbisini "Arsenal" qazandı - Video
“Bu, bəlkə də, məsuliyyətsizlikdir” - Qurban Qurbanov
"Qarabağ"a qarşı oyunumuz növbəti matçlar üçün stimuldur"
"Qarabağ"ın qələbəsindən - Video
Azərbaycan millisi Gürcüstana məğlub oldu
Tovuzda vurulan 3 qol - Video
Emreli oynadı, komandası uduzdu
Acun Ilıcalının komandası bu göstəricidə hamını geridə qoydu
