10.11.25
Millimizin “Avro-2020”ni sonuncu yerdə başa vuracağı dəqiqləşdi. Bu, komandamızın dünən səfərdə Macarıstana 0:1 hesablı məğlubiyyətindən və Uelsin rəqib meydanında Xorvatiya ilə heç-heçə etməsindən sonra bilindi.
6 turdan sonra milimiz 5 komandalı qrupda 1 xalla axırıncı yeri tutur və 5-ci pillədən yuxarı qalxa bilməyəcəyik. Çünki 4-cü pilləni tutan Uelsin hazırda 8 xalı var ki, millimiz sonrakı 2 matçda 6 xal toplasa belə, bir pillə yüksəlməsi mümkün olmayacaq. Beləliklə, millimizin bu seçmə mərhələdəki çıxışını da tamamilə uğursuz, futbola təkcə son iki ildə dövlətin verdiyi on milyonlarla manat maddi dəstəyin müqabilində fiasko hesab etmək olar.
Gələn il Avropa çempionatının final mərhələsinin 4 oyunu (üç qrup və 1/4 final matçı) Azərbaycanda keçiriləcək. Bundan həvəslənən AFFA rəhbərliyi hələ ötən il bəyan etmişdi ki, millinin qarşısına qoyulan vəzifə “Avro-2020”nin final mərhələsinə vəsiqə qazanmaqdır. İnsafən, bunun üçün yaxşı imkan da yaranmışdı. Bu mənada, federasiya rəhbərliyinin tələbi də haqlı və əsaslı idi. Ona görə ki, “Avro-2020”nin seçmə mərhələsindən daha əvvəl ilk dəfə keçirilən Millətlər Liqası turniri vasitəsi ilə gələn ilki yarışda oynamaq üçün yaxşı bir imkan vardı. Bundan başqa milli “Qarabağ”la Çempionlar Liqasında uğurlu nəticə göstərən Qurban Qurbanova tapşırılmışdı ki, bu faktın özü də futbol ictimaiyyətinin ümidlərini daha da artırmışdı. Amma Qurbanovun millidə məşqçi kimi birinci və hələlik sonuncu işi uğursuz oldu. Olmamalıydı. Kosovo, Malta və Farer adalarının yer aldığı qrupu komandamız gözlənilənlərin əksinə olaraq, birinci deyil, ikinci yerdə başa vurdu. Bununla da “Avro-2020”yə Millətlər Liqası yolu ilə getmək ümidlərimiz puç oldu.
Səbəb hər nə olursa olsun, nəticə acınacaqlı idi və buna görə məsuliyyət birbaşa o vaxtkı baş məşqçi Q.Qurbanovun üzərinə düşür. Hər şeydən əvvəl ona görə ki, AFFA-nın indiki rəhbərliyi dövründə millinin baş məşqçisi olan 3 əcnəbidən fərqli olaraq, Q.Qurbanov bir təcrübəli yerli mütəxəssis kimi bizim futbol mentalitetini, futbolçuların dili və psixologiyasını daha yaxşı bilirdi. Üstəlik digər məşqçilərin zamanında olduğu kimi, onun dövründə də “Qarabağ”lı futbolçular millidə çoxluq təşkil edirdilər. Bu isə uğurlu nəticələr üçün əlavə imkanlar yaradırdı. Amma görünür, iki işdə (“Qarabağ” və milli) eyni vaxtda işləməsinin yaratdığı zehni və fiziki yükləmə millimizin Millətlər Liqasının final mərhələsinə çıxmasına əngəl oldu. Qurban Qurbanov bu faktı indiyədək yaxınına buraxmasa belə.
Əlbəttə, millinin ötən ilin sentyabrından – Millətlər Liqasından başlayaraq ta “Avro-2020”nin seçmə mərhələsindəki 6 oyunundakı bu nəticələrə görə AFFA-nın rəhbərliyi də yaxasını kənara çəkə bilməz. Əgər deyək ki, Millətlər Liqasındakı uğursuzluq hətta bir nəfər – Q.Qurbanovla bağlıdırsa, bəs, “Avro-2020” biabırçılığını kimin adına yazaq? Bu seçmə mərhələdə ki məşqçi Qurbanov deyil, AFFA-nın özünün gətirdiyi mütəxəssis olub. Final mərhələsinə çıxmağı bir kənara qoyaq, 6 oyundan cəmi 1 xal toplanılıb. Hətta AFFA-nın hazırkı rəhbərliyinin özlərinin dönəmində belə 6 matçda bu qədər az xal qazandığımız mərhələ olmamışdı. Hər il futbolun inkişafı üçün AFFA-ya ayrılan pul artır, xal isə artmaq əvəzinə azalır. Yəni, tam bir anormallıq.
Bəs, yaxşı nə baş verir?
Son vaxtlar AFFA-ya yaxınlığı ilə tanınan və yemlənən bir qrup marionet 1 xala görə məsuliyyəti ancaq baş məşqçi Nikola Yurçeviç və futbolçuların üzərinə atır. “Komandanın oyunu yoxdur”, “Məşqçi işi görünmür” deyə fikirlər formalaşdıraraq diqqəti əsas problemlərdən yayındırmağa mənasız cəhdlər göstərilir. Düzdür, məşqçi və futbolçunun səhvi yoxdur demək ən azı naşılıq olardı. Amma AFFA mələk deyil. Saysaq, işlərində tonlarla səhv, qeyri-şəffaflıq üzə çıxacaq.
O səhvlərdən birinə diqqət edin. Azərbaycan futbolundan bixəbər, hətta ölkəsi Xorvatiyada belə baş məşqçi kimi fəaliyyətinə ehtiyac duyulmayan (üç ay işlədikdən sonra qovulan) Nikola Yurçeviçi millimizə gətirdilər. Kim gətirdi? Əlbəttə, mütəşəkkil menecer çetesi. Hansı ki, federasiya ilə əlbir olub pul yumaqla məşğuldurlar. Bəs, AFFA prezidenti Rövnəq Abdullayev bunun səbəbini soruşubmu? Elxan Məmmədovun bu dəstəylə bağlılığı varmı, varsa nə qədərdir? Əlbəttə, baş məşqçi təcrübəsi olmayan birinə millimizi tapşırandan sonra belə uğursuzluğun olması təbii idi. Deyilmişdi də.
Amma məsələ təkcə bu da deyil. İstənilən halda futbolumuzda təpədən dırnağa qədər böyük problem var. Məlum faktdır ki, bütün yaş qruplarında nəticə pisdir. Daha pisi isə odur ki, ölkə futbolunda kadr - futbolçu böhranı günbəbəgün dərinləşir. Bölgələrdə klubların olmaması, bunun da vurduğu ağır zərbə belə görünür ki, futbol idarə edən AFFA-nı qətiyyən narahat etməyib, etmir və etməyəcək də. Uşaq futbol məktəbləri acınacaqlı vəziyyətdədir. Bu bir-iki cümləlik gerçəkliklər isə özünü əsas millinin acınacaqlı nəticələrində göstərir. Bir sözlə, futbolumuz ya ölüb, ya da can üstədir, öləcək.
Və onu diriltmək heç də Bəhlul Mustafazadənin sayılmayan haqlı qoluna görə tipik azərbaycansayağı isterika yaratmaqla olmur.
Aydın BAĞIROV
[email protected]
"Qarabağ" "Karvan-Yevlax"ı belə məğlub etdi - Video
Noyer Bundesliqa tarixində birinciliyə yaxınlaşır
“Beşiktaş”ın futbolçusu sıradan çıxdı
Yankoviç-Silva mübahisəsinə - Qurban Qurbanovdan münasibət
Özü də gözəl, qolu da! - Video
Alonso "Real"ın zədəli futbolçularının vəziyyətindən danışdı
"Səbail" yeni baş məşqçisini açıqladı
Azərbaycan millisi turnirə qələbə ilə başladı - Yenilənib
“Qarabağ” “Karvan-Yevlax”a, "Sabah" "İmişli"yə qalib gəldi
Baş məşqçi Həşimovdur, komandanı oyuna çıxaran isə Məmmədov
“VAR yenə əleyhimizə qərar verdi” - Jorj Kaşkilya
“Sabah”ın baş məşqçisi meydançanın durumundan narazıdır
"Azarkeşlər üçün mübarizə aparmağa davam edəcəyik"
“Çelsi” Murillonu hədəfə aldı
Millimiz Şimali Makedoniyaya uduzdu
"Qarabağ" - "Karvan-Yevlax": Heyətlər
Azərbaycan boksçusu Avropa çempionu oldu
Avrokubok oyununda etdiklərinə görə həbs olundular
Hidayət Heydərov medalsız qaldı
"İmişli" - "Sabah": Heyətlər
“O telekanalın etdiyi utancvericidir”
Palmer London derbisində oynayacaq?
Hidayət Heydərov mübarizəyə başlayır
"Mançester Yunayted" 11 futbolçunu göndərəcək
UEFA “Qarabağ”la bağlı cəzanı açıqladı
UEFA ispan klubunu cəzalandırlb
Bundesliqada qolsuz bərabərlik
Superliqada 14-cü tura start verilib
Cəlal Hüseynov "Lokomotiv"ə qarşı oynadı
Tovuzdakı heç-heçə - Video
"2 xal itirdik" - Kurban Berdiyev
"Buraya qələbə qazanmaq üçün gəlmişdik" - Sənan Qurbanov
Azərbaycan kubokunun 1/8 final mərhələsi rəqəmlərin gözü ilə
"Barselona"nın futbolçusunda infeksiya aşkarlandı
PSJ-də itki
Neymardan riskli qərar
Türkiyə millisinin üzvü "Roma"da qalır
Pelleqrini ilə müqavilə uzadıldı
"Milan"dan göndərilir
Tovuzda heyətlər açıqlandı
