10.11.25
Gürcüstanın Avro-2024-ə vəsiqə qazanması haqda xəbərləri oxuduqca ömürdən gedən illərə heyfslənməyə bilmirsən. Bəli, dünən gecədən başlayaraq, yəqin hamınızın beynini bu sual qarışdırır: necə oldu ki, onlar bacardılar, amma biz bacarmadıq?
Bəli, axı necə oldu? Axı, əgər söhbət puldan gedirsə, Gürcüstanın futboluna ayrılan pul bizdə futbola son 16 ildə ayrılan milyard dollarla müqayisədə yalnız qəpik-quruşdur. Amma siz bir onların heyətinə nəzər salın, bir də bizim.
Gürcüstan millisini Avro-2024-ə aparan futbolçulardan 20-ə yaxını legionerdir. Özü də əksəriyyəti samballı liqalarda (Premyer Liqa və 1-ci liqa) əsas heyət üzvləridir. Ulduzları 23 yaşlı Xviça Kvaratsxeliya İtaliya A seriyasında at oynadır, ehtiyat oyunçusu Luka Quqeşaşvili isə "Qarabağ" kimi artıq Avropada söz deyən komandanın futbolçusudur. Legionerlərinin oynadıqları liqalar arasında İtaliya, İspaniya, Fransa, Avstriya, Yunanıstan, Polşa, İngiltərə kimi çempionatlar var. Amma daha vacib detal odur ki, həmin legionerlərin 99 faizi Gürcüstan futbolunun öz yetirməsidir. Heyətdə bir nəfər də olsun milliləşdirilmiş oyunçu yoxdur.
Bizim millidən fərqli olaraq.
Yəni gürcülər son 15 ildə xaricə futbolçular ixrac edib. Bizimkilər isə o müddətdə yalnız idxallla məşğul olub. Özü də zay məhsulların idxalı ilə.
Doğrudur, bizdən fərqli olaraq, futbol gürcülərin irsində, qanında, ruhundadır. Yəni bu uğurun mayası pulda və tanışlıqla deyil. Bu, Sovetin vaxtında da belə olub, indi də belədir, bundan sonra da belə olacaq. Amma bu, 16 il Azərbaycan futbolunun zəlisi olmuş AFFA-nın indiki rəhbərliyinə bəraət də qazandırmır.
Hələ illər əvvəl - necə deyərlər, AFFA-nın qılıncının dalının da, qabağının da kəsdiyi vaxtda biz - cəmi 2-3 jurnalist yazılarımızda təkrar-təkrar bildirəndə ki, uşaq futbolu düzəldilməlidir, öz məşqçilərimiz yetişdirilməlidir, bolgələrimizdə akademiyalar tikilməlidir, infrastruktur qurulmalıdır, Elxan Məmmədov AFFA-nın konfransında qəzəblə bizə cavab verirdi ki, onlar - yəni biz Azərbaycan futbolunu istəməyən adamlardılar.
Biz deyirdik ki, Avropa, dünya çempionatına getməyin yolu Tovuzdan, Gəncədən, Zaqataladan, Mingəçevirdən, İmişlidən və başqa bölgələrimizdən öz istedadlı uşaqlarımızı üzə çıxarıb Azərbaycan futboluna qazandırmaqla başlayır.
Bunlar keçi inad edirmiş kimi, dediklərindən dönmürdülər. Dövlətin ayırdığı milyonlarla pul bölgələrimizdə bazaların, akademiyaların tikintisinə, uşaqların üzə çıxmasına, müəllimlərin yetişməsinə sərf olunmalı idi. Bu, qəbul olumuş Dövlət Proqramında əksini tapmışdı. Amma o milyonlar Almaniyadan, Türkiyədən, İspaniyadan və daha haralardan bura gətirilən bir təyyarə bacarıqsız legionerin, onların arxasında duranların cibinə axırdı.
Nəticə?
İndi qonşumuz Gürcüstan Yunanıstan kimi komandanı udub Avropa çempionatına gedir. Biz isə Monqolustan kimi komandaya zülmlə qalib gəlirik. Futbolçularımız da sıraya düzülüb hələ sevinclə, vüqarla intervülər də verirlər.
Bəli, dünən gecədən başlayaraq, yəqin hamınızın beynini bu sual qarışdırır: necə oldu ki, gürcülər bacardı, amma biz bacarmadıq?
Bəli, axı necə oldu?
Bəlkə həm də ona görə ki, AFFA-dan getmək üzrə olan məlum dəstə Qurban Qurbanovu 5 il yarım əvvəl millidən uzalaşdırdı.
Bəlkə biz də indi Avro-2024-də ola bilərdik.
Bəlkə də...
Bu ölkənin futboldakı hələlik yeganə uğur mənbəyi olan adamı millidən hörmətsizcəsinə göndərmişdilər. Fəaliyyətinin bir ili tamam olar-olmaz. Gürcülər belə vicdansızlığı özününkünə qarşı edərdimi?
...İndi isə artıq onlar gedirlər.
Aprelin 2-də AFFA-ya yeniləri gəlir. Yeni komanda. Yeni komanda həm də milli komandaya cavabdehdir. Milli komanda isə vicdan məsələsidir. Milli komanda həm də imtahan məsələsidir.
Yeni komandanın ilk imtahanı məhz milli ilə bağlı olmalıdır.
Millinin baş məşqçisi isə bu azarkeşin yekunda alqışını qazanacaq bir azərbaycanlı olmalıdır.
Azərbaycanlı...
Aydın Bağırov
Hakim azarkeşə qırmızı vərəqə göstərdi
"Messi dünyanın ən yaxşı oyunçusu olaraq qalacaq"
"Beşiktaş"ın futbolçularından xoş xəbərlər var
Paratiçi yenidən "Tottenhem"dən gedir
Salah 19 yaşlı futbolçu ilə əvəzlənə bilər
Martinelli her-trik etdi, "Arsenal" qalib gəldi
Qara Qarayev milliyə təyinat aldı
"Ayaks" autsayderə qarşı çətin qələbə qazandı
İtaliya nəhəngləri oyunçularını dəyişir?
"Real"ın futbolçusu üçün 180 milyonluq təklif var
Güləş üzrə Azərbaycan çempionatına yekun vuruldu - Şəkillər
Milli hakimin qərarlarından narazıdır, CAF-a şikayət edəcək
Amorimə görə "Roma"ya transferi baş tutmadı
"Sabah" 3 dəqiqədə 2 qol vurdu, qələbə qazandı
"Əl-İttihad" 38 yaşlı futbolçusunu buraxmaq istəmir
"Qarabağ"ın rəqibinin gənc futbolçusu sıradan çıxdı
Reşford üçün Ciddədə görüş
“Qarabağ”ın akademiyasından əsas komandaya növbəti addım
600 gündən sonra “Mançester Siti”də qol vurdu
Karvaxal: "Klub da mənimlə eyni fikirdədir"
"Roma"nın kapitanı qərarını verdi
Flik final "El-Klassiko"su haqda
Enrike PSJ-dən ayrıla bilər
Qurban Qurbanov 15 yaşlı Əlini əsas komandaya çağırdı
"Yenə də çempion biz olacağıq" - Okan Buruk
"Genduzi sanki 8 aydır burada oynayır" - Domeniko Tedesko
Millimizin üzvü Erediviziyada növbəti oyuna çıxdı
"Fənərbaxça" "Qalatasaray"a belə qalib gəldi - Video
"Bayer" uduzdu, "Frayburq"dan qələbə
