18.09.25
Mən Kriştiano Ronaldonu ilk dəfə məhz bu stadionda canlı görmüşdüm.
2012-ci il idi.
Karyerasının ən parlaq çağında CR7 və komandası Braqanın qeyri-adi görkəmə malik - qaya ətəyində tikilən “Estádio Municipal de Braga” arenasında Azərbaycan millisinə qarşı oynamış və 3:0 hesablı qələbə qazanmışdı. Amma bizimkilər həmin matçı heç də 90 dəqiqəlik qarşılaşmada deyil, artıq bir gün əvvəl o vaxtkı baş məşqçi Berti Foqtsun mətbuat konfransı zamanı uduzmuşdu. Almana sual verəndə ki, “sabahkı oyunda hədəfiniz nədi” , qorxaqca demişdi ki, “biz bura xal qazanmağa gəlməmişik”.
Bir məşqçi tərəfdən oyuna çıxmadan uduzmağı qəbul etmək, futbolçusuna qələbə yox, məğlubiyyət psixologiyası aşılamaq demək idi bu…
Və 2 gün əvvəl həmin bu Braqanın stadionunda Qurban Qurbanova da biz tərəfdən bənzər sual ünvanlandı. Bir iradəli insana, əsl idman adamına xas məğrurcasına cavab verdi: bəli, rəqib kağız üzərində bizdən güclüdür, amma “Qarabağ” ondan zəif olduğunu qəbul etmir…
Qarşısında Avropanın ən güclü 7-ci liqasından birinin öncül komandalarından biri olsa da.
Və indi bu tabloya - qaya üzərindəki tabloya, orada əks olunan yekun nəticəyə diqqətlə baxın. Sonra bir də baxın. Sonra yenə baxın.
Necə deyərlər, daşın qayaya rast gəlməsi bax belə olur!
Özünə, öz komandana, öz klubuna inamın, ən vacibi öz ölkənə və xalqına sevgi, şərəflə xidmətin nəticəsi bax belə olur!
Sağ ol, hoca!
***
Birgə səfər etdiyimiz uzun təyyarə yolçuluqları zamanı bəzən müxtəlif mövzularda söhbət etmək imkanımız olur. Bir işdən danışanda yekunda bu sözü hər dəfə deyir: uğur üçün gərək birinci ölkənə sevgin ola, tək özünü yox, başqalarını - sənə inanan insanları da düşünəsən. Dünən “Braqa” üzərindəki o tarixi qələbənin mayası da elə Qurban Qurbanovun bu sözləri ilə yoğrulub.
İşinə, ölkənə, xalqına sevgi ilə…
Bu sevgi olanda “Qarabağ” olursan.
Olmayanda AFFA!
***
Və mən niyə Braqadakı qələbəni tarixi adlandırdım? Çünki Azərbaycan futbolda ilk dəfə bir Portuqaliya komandası üzərində qələbə qazanırdı. Bu qələbənin başqa bir səbəbkar(lar)ı həm də tribunalara toplaşan 200 yaxın vətənpəvər azərbaycanlı idi. Bakıdan, Avropanın müxtəlif şəhərlərindən, hətta uzaq Amerikadan “Qarabağ”a dəstək olmağa gələnlər idi. Və bir an o 200-ə yaxın azərbaycanlı “Qarabağ” sədaları ilə tribunadakı 14 minə yaxın portuqaliyalının səsini batırmağı bacardı…
Bu o deməkdir ki, ölkəni düşünəndə, ölkəni sevəndə, ölkənə kişi oğlu kişi kimi xidmət edəndə sən olursan əsl AZƏRBAYCANLI.
Bu o deməkdir ki, azərbaycanlı olanda Qarabağı, işğal olunmuş bütün torpaqları geri alırsan.
Bu o deməkdir ki, Avropada avropalının səsini batırırsan.
Bu o deməkdir ki, canını, ürəyini ortaya qoyanda Qarabağ Azərbaycandır sözlərindəki o nidanı sanki bir zəfər bayrağı kimi yad eldə belə meydanın düz ortasına sanca bilirsən!
Meydançanın düz ortasına. Onda olursan o meydanın ağası…
Onda olursan, “Qarabağ”.
Onda olursan, Qurban Qurbanov.
Onda olursan AZƏRBAYCANLI…
Aydın Bağırov
P.S. Braqa şəhərində gördüklərimlə bağlı təəssürat yazım tezliklə saytımızda yayımlanacaq.
Tarixində ilk dəfə dünya çempionatında oynayacaq
Ukrayna - Azərbaycan: Heyətlər
Cordan Pikford “Everton”da qalır
Ərəblər İkardi üçün hərəkətə keçdi
İspaniya – Bolqarıstan matçında iştirak etməyəcək
Yankoviçin durumu necədir?
Haaland “Real”a keçir?
Ötən ayın ən yaxşısı seçildi
2-ci liqada 5-ci tura start verildi
PFL-in direktoru Avroliqa matçına təyinat aldı
Azərbaycanlı FİFA referisi Avropa çempionatının oyunlarında
Laporta: "Messi ilə münasibətlərimiz yaxşılaşır"
Superliqa klubunda yeni baş məşqçi
"Barselona"da itki: La Liqa və ÇL oyunlarını buraxacaq
Sabiq "Arsenal"lı baş məşqçi oldu
1-ci liqada 5 oyunun hakimləri
38 yaşlı Messi bombardirlər siyahısında liderdir
Finallisima: harada və nə vaxt?
Zidandan məşqçilik karyerası haqda açıqlama
“Bodo-Glimt”in qapıçısı Rusiya millisindən imtina edib
Balıqçı balığını tutur, çoban qoyununu otarır…
PSJ-nin futbolçu Azərbaycan millisi haqda nə dedi?
Daha bir komanda DÇ-2026-da
"Araz-Naxçıvan"ın ÇL oyunlarının hakimləri
Millimizin heyətində dəyişiklik
Niderlanddakı qol yağışı - Video
Niderlanddan darmadağın, Farer adaları Çexiyanı da uddu
Millimiz Krakovda məşqə çıxdı - Şəkillər
“Ukrayna bu görüşə final kimi yanaşır” - Ayxan Abbasov
Elvin Cəfərquliyev: “Rəqibi analiz etmişik”
“Kayserispor”un yeni baş məşqçisi müəyyənləşdi
“Fənərbaxça”nın iki futbolçusu əsas heyətdən kənarlaşdırıldı
Sergey Rebrov: “Xallar bizə Azərbaycandan daha çox lazımdır”
“Reyncers” Cerrardı razı sala bilmədi
Vlahoviç “Bavariya”nın transfer hədəfində
