29.08.26
(Millimizin davamlı məğlubiyyətlərinə qısa sözardı)
Həmkarım Mahir Rüstəmli bir yazısında ürəkyanğısı ilə AFFA-nın açmasını obrazlı şəkildə Azərbaycan Futbolunun Faciələrinin Atası kimi təqdim etmişdi.
Onda hələ 1990-cı illərin sonları, 2000-ci illərin əvvəli idi. Və federasiyaya da keçmiş komsomolçu, daha çox diktator metodları ilə tanınan Fuad Musayev rəhbərlik edirdi. Millinin uğursuz çıxışları hamının canını boğazına yığmışdı. Bir yerlərdən knopka basılandan sonra rəhmətlik Ələkbər Məmmədov, AFFA İcraiyyə Komitəsinin hazırkı üzvü İsgəndər Cavadov, “Turan”ın prezidenti olmuş Vidadi Əhmədov, adı FİFA referiliyindən çıxandan sonra üsyana qalxan Tahir Süleymanov zühur edərək xorla başladıllar ki, bəs, Musayev getməlidir, yerinə isə biz gəlib futbolu düzəltməliyik.
Düzəltdilər hə…
Musayevi devirib yerinə futbol adamı olmayan zavod direktoru Ramiz Mirzəyevi gətirdilər. O da gedib milliyə məşqçi kimi ciddi bir uğuru olmayan braziliyalı Karlos Alberto Torresi gətirdi. Milliyə elə zərbə vurdular ki… İsrailə 0:6, Polşaya 0:8 hesablı rüsvayçı məğlubiyyətlər.
Amma sonrakıların – yenə bir zamanların zavod direktoru Rövnəq Abdullayevin, müavini Elşad Nəsirovun, Nəsirovun adamı Elxan Məmmədovun futbolumuza vurduğu zərbə əvvəlki rəhbərliyin zərbəsindən daha ağır, daha betər və sağalmaz oldu. Bunlar 13 ildir futbolumuza rəhbərlik edirlər. Bu 13 ildə dövlətin şirkəti SOCAR-dan təkcə AFFA və milli komandalara azı 300-400 milyon manata qədər fantastik vəsait xərclənib. Və 13 ildəki fəaliyyətin, o qədər də pulun müqabilində 2021-ci ildəki Azərbaycan millisinin nəticəsinə baxın: 1 xal. 5 oyuna 1 xal. Bəli, cəmi-cümlətanı 1 xal.
İndi isə növbəti cümləni diqqətlə oxuyun ki, şoka düşəsiniz. Liliput ölkələrin bu seçmə mərhələdə topladığı xallara diqqət edin: Lüksemburq 6 xal, Farer adaları, 4 xal, Malta 4 xal, Andorra 3 xal… Andorra e... Hətta o da bizdən çox xal qazanıb. Hesablasan bu 13 ildə hamısı birgə bizim kimi 300-400 milyon nədi, 1 milyonu heç yuxularında da görməyiblər. Öz qrupunda daha artıq - 10 xal toplayıb, ikinci olan bir komanda da var. Ermənistan. 44 günlük Vətən Müharibəsində diz çökdürdüyümüz ölkənin millisi…
Nəticələrə baxırsan, bir zamanlar heç nəyi olmayan, daha çox UEFA-nın yardımı ilə AFFA-nı, milli komandanı ayaq üstə saxlamağı bacarmış Fuad Musayev yada düşür. Ona Allahdan rəhmət rəhmət diləyib, indiki milyonçu futbol rəhbərlərinə üz tutub soruşuram: utanırsız heç?..
Aydın BAĞIROV
[email protected]
“Yuventus”a keçə bilər
“Ronaldo 20 yaşlı Neveşə bənzəmir”
Finlandiya 7 qolla qələbə qazandı
Pokatilovun oynadığı matçda qalib müəyyənləşmədi
Mbappenin durumu bəlli oldu
Millimizin Litva ilə oyunöncəsi son məşqindən - Şəkillər
Məşqçilərlə mübahisə etdi, yığmadan göndərildi
"Real"dan "Liverpul"a keçə bilər
Sloveniya və Şotlandiya xalları bölüşdü
“O, hələ də çox təhlükəlidir” - "Sabah"ın futbolçusu
İsraillə oyundan imtina edə bilərlər
“Sabah tam hazır şəkildə meydana çıxacağıq” - Mahir Emreli
“Güclü komandaya qarşı oynayacağıq, amma...” - Ayxan Abbasov
"Klub ən azı Premyer Liqadan kənarlaşdırılmalıdır"
Azərbaycan Qran-prisinin qalibi bəlli oldu
Arda Gülər: “Çox məyusuq”
İlham Əliyev və Mehriban Əliyeva Formula 1-i izləyirlər
Zidan Türkiyə üzərində qələbədən danışdı
Gürcüstan millisinin baş məşqçisi istefa verdi
