04.06.23
Tez-tez gileylənirik ki, bizimkilər niyə öz futbolumuza yox, xaricilərə daha artıq maraq göstərir. Buyurun, bunun onlarla səbəbindən biri...
Sabah "Qarabağ"la "Neftçi" arasında çempionluğun taleyini həll edən, adı "qızıl" olan oyun olmalıdır. Məlum, matça ciddi hazırlıq olub və indi də davam edir. Hər iki klub da çalışır ki, futbolçular sırf oyuna köklənsin, fikri mümkün artıq söhbətlərə, işlədəcəkləri ehtiyatsız fikirlərə yönəlməsin.
Bunu başa düşdük.
Bəs, hanı Qurban Qurbanov, hardadır Samir Abasov? Hanı "Qarabağ"ın, hardadır "Neftçi"nin rəhbərliyi? Hanı onların fikri, açıqlaması? Nədir onların yüzminlərlə azarkeşinə mesajı?
Bilinmir. Tahir Gözəlin 2-3 cümləlik fikirləri xaric.
Təkrarçılıq olmasın, bəli, sabah oyundur. Amma komandalarda durum, oyunçuların vəziyyəti necədir, bilən yoxdur. Hərbi sirr kimi saxlayırlar. Kimdən çəkinir, ehtiyat edirlər? Dünyada minlərlə klub, minlərlə də məşqçi var, minlərlə də belə vacib oyun olub. Amma ən azı azarkeşlərə belə etinasızlıq, biganəlik olmayıb. Bizimkilər tərəfdən isə olur.
Niyə olur? Bax onu "Qarabağ", "Neftçi", hə, bir də AFFA ilə Peşəkar Futbol Liqası bilər. Niyə həm də AFFA ilə Peşəkar Futbol Liqası? Ona görə ki, bu oyunun təbliğatında onlar daha çox maraqlı olmalı idi. Ən azı bu gün oyun öncəsi hər iki komandanın baş məşqçisinin iştirakı ilə mətbuat konfransı, brifinq təşkil etmək çətin deyildi.
Qurbanovla Abasov 3-4 standart, qıcıqlandırıcı olmayan fikir söyləməklə qarşıdakı matçın əhəmiyyətini az da olsa artıra, reklam edə bilərdilər.
Lakin bunu nə klublar etdi, nə də AFFA, PFL bunda maraqlı oldu. Halbuki son 9 mövsümdə ilk dəfə çempion axırıncı turda müəyyənləşəcək. İki böyük klubumuz qarşı-qarşıya gəlir. Təəccüblüdür ki, bərbad liqamızın reklamı üçün belə bir əla fürsət varkən elementar təbliğat apara bilmirik. Sonra da azarkeşi mühakimə edirik ki, niyə "Qalatasaray"a azarkeşlik edirsən...
Kimi, niyə qınayırıq? Və hansı haqla...
Sən sakit otur, azarkeşlərinə avrokubokda olduğu kimi oyundan əvvəl fikir söyləmə, onları matça baxmağa (TV-dən olsa belə) təşviq etmə, sonra da heç bir xəcalət çəkmədən bu matça "Qızıl oyun" adı ver.
Belə qızıl oyun olmur, cənablar!
Azərbaycanda "qızıl oyun" ölüb.
"Xəzər Lənkəran" dağılan günü...
Aydın BAĞIROV
[email protected]
_22.01.19.jpg)
Kərim Benzemanın transferi açıqlandı
"Yuventus" Superliqa ideyasından geri çəkildi
"Qəbələ" 4 futbolçusu ilə müqaviləni uzatdı
"Milan" Maldininin göndərildiyini açıqladı
PFL Əliyar Ağayev və köməkçisini də mükafatlandırdı
"Ümidləri doğrultmadıq" - Emin Mahmudov
İngiltərədən “Qəbələ”yə təbrik
"Borussiya"da yeni baş məşqçi - Rəsmi
Di Mariya "Yuventus"dan ayrıldı
Əfsanələr qarşılaşdı
La Liqada mövsümün rəmzi komandası
Azərbaycan kubokunda vurulan 5 ən yaxşı qol - Video
Benzema "Real"la vidalaşdı
"Sevilya" baş məşqçisi ilə müqaviləni uzatdı
"Neftçi"nin futbolçusu vətəndaşlığını dəyişdi
Yığmamız üçün iki rəqib
Kazbek Tuayev vəzifəsindən azad olundu - Qərardan narazıdır
Dünyanın ən bahalı futbol brendləri
Ramil Çin məhəlləsində
Estoniya Azərbaycanla oyun üçün heyəti açıqladı
"Tottenhem" yeni baş məşqçi - Rəsmi
"Neftçi"nin məşqçisinə 10 oyunluq cəza verildi
Vurğun Hüseynov karyerasını başa vurur
"Kəpəz" iki futbolçusu ilə yolları ayırdı
"Səbail"dən 2-ci transfer
AFFA mövsümün sonuncu cəzalarını açıqladı
"Ştutqart" Bundesliqada qaldı
Ançelotti qərarını verdi
