29.08.26
“Zirə” - “Neftçi” matçı hər iki komanda üçün Avroliqa vəsiqəsini yaxınlaşdıran oyun idi. Amma təəssüf ki, qarşılaşmaya stadionda cəmi 800 tamaşaçı baxıb.
Futbolumuzda azarkeş marağının kəskin azlığı probleminə, nəhayət, bir əncam çəkilməlidir. Necə deyərlər, kollektiv şəkildə: yeni AFFA klublarla birgə. Klublar da əlini daşın altına qoymalıdır. Ona görə ki, əgər “Zirə” avrokubok zonasındadırsa, amma bu durumda və mühüm oyunda belə kiçiktutumlu tribunaların yalnız yarısı dolursa, klub bu acınacaqlı mənzərəni görüb çıxış yolu axtarmalıdır. Və yeri gəlsə, təmsil etdiyi qəsəbəni küçə-küçə gəzib, yerli camaatı oyunlara toplamaq üçün təsiredici təbliğat aparmalıdır.
Bu, bir tək “Zirə”yə deyil, hamıya aiddir. Başda da “Qarabağ”a.
Əlbəttə, əgər fanatları “Neftçi”dən incik qalmasaydı, Zirə stadionunun kiçiktutumlu tribunaları tam dola da bilərdi. Qonaq komanda azarkeşin dəstəyi ilə bəlkə də qalib gəlib turnir cədvəlində mövqeyini də yaxşılaşdırardı. Amma azarkeş yox idi və həm də azarkeş olmadığına görə “Neftçi” uduzdu.
Niyə uduzdu və kimin, kimlərin səhvi ucbatından komanda geriyə doğru sürətlə irəliləyir, bax, bu uğursuzluğu klubun idarəetməsi dayandırmalıdır. “Neftçi”də futbolçu çoxdur, pul ondan da çoxdur. Amma nə pul nəticəni düzəldir, nə də o pulla alınan futbolçular. Və əlbəttə, yeni baş məşqçi Miodraq Bojoviç də hazırda uğursuz nəticədə əsas pay sahiblərindəndir. Əgər hesabda irəlidə olduğun oyunda 3 top buraxıb uduzursansa, o qolllardan da ikisini rəqib 10 nəfərlə qalanda vurursa və sən faktiki olaraq, oyuna heç bir müdaxilə edə bilmirsənsə, deməli, indidən çamadanını yığıb qovulduğun günü gözləməlisən. Ona görə ki, belə nəticələr və hazırkı 4-cü pillə “Neftçi”nin mövcud yüksək büdcəsinə də, adına da, tarixinə də ziddir.
O ki qaldı Rəşad Sadıqova, Ceyhun Nuriyev qırmızı vərəqə aldıqdan sonra onun 70-ci dəqiqədə 4 əvəzetmədən (hamısı da ön xətt oyunçuları) eyni anda istifafə etməsi riskli addım idi, amma o biri tərəfdən cəsarətli gediş idi. Və bu 4 oyunçu - Hacıağa Hacılı, Eldar Quliyev, Rüstəm Əhmədzadə və Vladislav Kulaç uğurlu nəticənin qazanılmasında əsas pay sahiblərindən oldular (xüsusən sonuncu iki oyunçu).
Bu mənada, hesab 1:1-kən və 10 nəfər də azlıqda qalmışkən qol buraxmağı deyil, qol vurmağı düşünmək və 2 qol da vurub vacib qələbə qələbə qazanmaq alqışlanacaq addımdır. Buna dərhal yaranan ani qərarvermə məqamında məşqçi beyininin kompütersayağı işləməsi də demək olar.
Ayrıca qeyd olunası müsbət faktsa odur ki, bunu öz gənc məşqçilərimiz edir. “Zirə”nin son çempionat oyunlarında müsbət dinamika müşahidə olunur. Əvvəlki matçlarla müqayisədə hücumda effektiv oyun (8 oyun, 15 qol) var. Onsuz da hazırkı mövsüm çempionatımızda ən güclü olan müdafiə xətti (31 oyun, 19 qol) isə sabit çıxışını davam etdirməkdədir. Komanda 2-ci pilləyə yüksəlib, kubokda finalın bir addımlığındadır.
Amma bunlar yekun nəticə deyil - avrokubokdan danışmaq erkən olar. Bununla belə, yeni mövsüm komanda xüsusən hücum və orta xətti gücləndirməklə daha iddialı ola bilər.
Və sonda.
“Neftçi”nin qapıçısı Rza Cəfərov dünən diqqətsizlikdən, bəlkə də oyunun gərginliyinin yaratdığı həyəcandan bir qol buraxdı. Amma bu 20 yaşlı oyunçumuz son illər bizdə üzə çıxan istedadlı, qabiliyyətli və potensialı yüksək olan futbolçularımızdandır. Ümid edək ki, belə səhvlər gənc Rzanı ruhdan salmaz və bir futbolçu kimi yalnız böyüməsinə xidmət edər. Hətta böyük qapıçıların karyerasında belə hallar yaşanıb, yaşanır da. Odur ki, Bojoviç bax bu məqamda Rzanın komandadakı dayağı olmalıdır.
Heç olmasa, axır ki, bir işə yarasın…
Aydın Bağırov
Hakim derbidə səhv qərar verib - Komitə təsdiqlədi
“Yuventus” cərimələndi
Azərbaycan cüdoçuları 4-cü dəfə dünya çempionu oldu
FİFA-dan Türkiyə klubuna daha bir cəza
Mbappe yığmanın ilk oyununu buraxa bilər
"Real" La Liqa prezidentini istefa verməyə çağırır?
“Bizdəki təzyiqin heç yarısı onlarda yoxdur” - Ayxan Abbasov
“Kəpəz”in futbolçusu sıradan çıxdı
Dambrauskas bölgələrimizə heyran qaldı - Şəkillər
"Azərbaycandan mənə heç vaxt təklif gəlməyib"
Yığmamızın matçının hakimləri bilindi
“Qarabağ”dan rəsmi fanşopla bağlı yenilik
Yeni klubu ilə müqavilə bağlamaq üçün Bakıya gəldi
"Barselona" rəhbərliyi Flikə qəzəbləndi
Ehtiram Quliyev “Turan Tovuz”dan gedirmi? - Özü açıqladı
"Real" Valverde ilə bağlı məlumat yaydı
Rəhim Həsənov hakimin səhv qərar verdiyini açıqladı - Video
"Liverpul"dan Virts qərarı
“Dəfələrlə bildirmişik ki, əvəzedicilər liqası lazımsızdır"
Almaniya millisinin oyunlarını buraxacaq
Hər uğursuzluqda qaçıb gizlənməyən klub rəhbəri…
"Arsenal"dan ayrılmaq istəyir
Salah şəkil çəkdirdi, ərazi turist mərkəzi oldu - Video
Azərbaycanın iki boksçusu mərhələ adladı - Avropa çempionatı
Əfsanənin vida forması - Video
İngiltərə millisinə getməkdən özü imtina edib?
“Mançester Yunayted”də itki
Atasının yolu ilə
Premyer Liqa klubundan maraqlı addım - Şəkil
Ukraynalı məşqçi Azərbaycana qayıdır - Bu klubla razılaşdı
Cəlal ehtiyatda qaldı, komandası qalib gəldi
“Dinamo”dan əzmkar qələbə - Video
Messi daha bir rekordun astanasında
Millinin heyətindən kənarda qaldı
“Qalatasaray”dan Okan Burukla bağlı açıqlama
Yalnız Ronaldodan geri qalır
“Turan Tovuz” - “Fənərbaxça” matçının vaxtı bəlli oldu
“Sabah”ın ÇL oyunları üçün vahid biletlər satışa çıxarıldı
