05.10.26
Futbolçunu futbolçu edən kimdir? Bəs, komandanı komanda? Təkcə məşqçisimi, yoxsa böyük pullarmı? Bəlkə İsveçrə dağlarının ətəyindəki gözəl yaşıllıqlara oxşayan məşq meydanları, stadionlardır futbolçunu futbolçu, komandanı da komanda edən?
"Qarabağ"ın "Benfika"ya qarşı tarixi Çempionlar Liqası matçında Qurban Qurbanovun meydana buraxdığı ilk 11-likdəki oyunçulardan 6 nəfərinə xüsusi diqqət çəkmək istəyirəm. O səbəbdən ki, bu legionerlər Azərbaycana gələnə qədər məhz Portuqaliyada oynamış futbolçular idi. Həm də "Benfika"nın yarışdığı Premyer Liqada da yox, 2-ci liqada.
6 nəfər əsas heyətin yarıdan çoxu deməkdir!
Yəqin ki, həmin o 6 nəfərin hər biri üçün bir Portuqaliya klubunun heyətində "Benfika" kimi tarixi ənənəsi olan komandaya qarşı oynamaq böyük xəyal olub. Amma taleyin futbol təzadına bax ki, bu xəyalı gerçəkləşdirən Portuqaliya klubu və portuqaliyalı məşqçi yox, bir Azərbaycan klubu, azərbaycanlı məşqçi oldu. Kimdir həmin oyunçular?
Kevin Medinadır.
Leandro Andradedir.
Kadidir ("Qarabağ"a ilk transferi vaxtı).
Mateus Silvadır ("Qarabağ"a qədərki 1 illik Bolqarıstan karyerasını saymasaq).
Pedro Bikalyodur.
Kamilo Durandır.
Pedro Bikalyonun heç ağlına gələrdimi ki, indi "Benfika"ya qarşı matçın ən yaxşı oyunçusu məhz o özü olacaq?
Yaxud 23 yaşlı Kamilo Duran peşəkar futbolçu həyatında ilk dəfə məhz "Qarabağ"da Avropa kuboku oyununa çıxdı. 1 qol vurdu, 1 qolun da ötürməsini etdi. Həm də bu gün dünyadakı yüzminlərlə futbolçunun oynamaq arzusunda olduğu Çempionlar Liqası yarışında! Həm də "Benfika"ya.
Yatsa, yuxusuna girərdimi görəsən?
Görün Leandro Andradedə artıq necə bir inam yaranıb ki, "Benfika" ilə oyundan əvvəl elə Portuqaliyanın mətbuatına cəsarətlə deyir: "Oyunda qol vuracağımı hiss edirəm".
Kişi kimi çıxıb qolunu vurur. O qolun da səsi ta Atlantik okeanının qırağındakı Portuqaliyadan Xəzər dənizinin sahilindəki Azərbaycana qədər gəlib çıxır.
Kevin Medina bizim Bəhlulla birgə elə bil hərbi keçilməz istehkama çevrilib. Ötən mövsüm uğursuz oldu onun üçün. Sonra Qurban Qurbanov ona nə dedisə, necə qulaqburması verdisə, indi 32 yaşlı bu "tank" (ifadə "Qarabağ" azarkeşlərinə məxsusdur) sanki 10 yaş daha gəncləşib, yenidən dirilib: elə bil mərkəz müdafiəçisi deyil, çox vaxt gah yarımmüdafiəçi kimi qabağa şığıyır, gah da hücumçu kimi qol vurur.
Kadi necə ürək qoyur meydanda, necə kömək edir komandaya. Müdafiə, yarımmüdafiə ilə hücum xətti arasında möhkəm bir körpü olmağı bacarıb. Bir tərəfdən də özü qol vurmaq üçün xəsislik etmir.
Mateus Silvanın "Qarabağ"a gələndən göstərdiyi əzmkarlığı, sabit oyununu, müdafiə bir yana, dayanmadan ön xəttə köməyini necə minnətdarlıqla vurğulamayasan?
Və bu 6 oyunçunun bəzisi illərdir, bəzisi də indi futbol arzularını reallaşdırır.
Xəyalların gerçəkləşdiyi ünvandı "Qarabağ".
Və təkcə bu 6 oyunçu üçün də deyil. Yankoviç (maestro), Zubir, Koxalski, Kaşuk, Addai. Və bizim öz azərbaycanlılarımız. Elvin, Bəhlul, Toral, Nəriman, Musa....
Hə, futbolçunu futbolçu edən kimdir? Bəs, komandanı komanda? Təkcə məşqçimi, yoxsa böyük pullarmı? Bəlkə İsveçrə təbiəti gözəlliyindəki əla məşq meydanları, stadionlardır futbolçunu futbolçu, komandanı da komanda edən?
Ya bəlkə...
Yox! Bu dəfə bəlkəsiz, sualsız...
Futbolçu futbolçu edən Bakının Suraxanı qəsəbəsində oturub min kilometrlərlə uzaqdakı Portuqaliyanın Riu-Mayor adlı rayonunda oynayan Kadini, Portiman şəhərindəki Kamilo Duranı (və başqalarını) tapıb üzə çıxarmaq ustalığıdır.
Çiçəyi burnunda olan futbolçuların gələn kimi doğmalaşıb uyğunlaşdığı 17 illik bir futbol sistemidir.
Təmkinlə o sistemi yaratmaq bacarığıdır.
Tənələrə, tənqidlərə səbrlə dözməkdir.
Nəhəyət, Ağdamın "Qarabağ"ını bütün Azərbaycanın "Qarabağ"ına çevirmək və sevdirmək, dünyaya tanıtmaq məharətidir.
Sağ ol, Qurban Qurbanov!
Aydın Bağırov
Baş məşqçi onun milliyə getməsinə razı deyil
“Arsenal”ın şikayəti rədd edildi
“Artıq bu məsələni bağlamalıyıq”
“El-Klasiko”da qalmaqal: azarkeşi ağır cəza gözləyir
Azərbaycan millisi Vyetnama uduzdu
Baş məşqçidən tənqidlərə cavab
Könül Əliyeva “Böyük Dəbilqə”də tarix yazdı
“Qarabağ”dan 7 dəfə bahadır, amma nəticələri eynidir!
“Yuventus”da gərginlik: rəhbərlik dəyişiklik tələb edir
PSJ-nin zədəli futbolçularından xəbər var
1/8 finalın bütün cütləri - Azərbaycan kuboku
Azərbaycan kubokunda son 1/8 finalçılar da bilindi
La Liqa oyunları bir dəqiqəlik sükutla başlayacaq
Qurban Qurbanov Uşaq Klinikasını ziyarət edib - Şəkillər
Əfsanəvi futbolçu Bakıda - Şəkil
İngiltərə Liqa kubokunda 1/4 finalın püşkü atıldı
“Bornmut” nəhəngləri də qapısına yaxın buraxmır
Oyun vaxtı telefona baxmasalar, hədiyyə qazanacaqlar
“Rəqib “Araz-Naxçıvan”dan üstün deyildi”
Kompaninin durumu açıqlandı
Vitse-prezident istefa verdi - İnfantinoya görə
Azərbaycan Cüdo Federasiyası Olimpiya hədəfini açıqladı
Misli Premyer Liqasında həftənin hakimləri
"Araz-Naxçıvan"ın məşqçisindən məğlubiyyət açıqlaması
La Liqa klubu yeni baş məşqçisini açıqladı
Azərbaycan millisi Mozambikə qarşı
"Bavariya" "Ayaks"la qarşılaşacaq
"Liverpul" "Çelsi"ni mübarizədən belə kənarlaşdırdı - Video
"Milan" da uduzdu, "Yuventus" da
"Kəpəz" 1/8 finala belə yüksəldi - Video
Azərbaycan cüdoçularının ilk rəqibləri müəyyənləşdi
"Şəfa"nın 9 qollu qələbəsi - Video
“Yetirmələrimizə şans verməyə çalışdıq” - Azər Məmmədov
“Real” azarkeşi “Barselona”nın stadionundan qovuldu
FİFA mundial biletlərindən milyardlar qazandı
“Bu futbolçulara inanmaq lazımdır” - Famil Xəlilov
Azərbaycan kubokunda növbəti 1/8 finalçılar məlum oldu
Neymarın cəzası bilindi
Baş məşqçinin problemi bəlli deyil
Azərbaycan millisi Cəbəllütariqə qalib gəldi
“Araz-Naxçıvan” Çempionlar Liqasında məğlub oldu
Güclü yağışa görə matç təxirə salındı
