10.08.22
“Qarabağ”ın avqustun 3-də keçiriləcək “Ferentsvaroş”la avrokubok oyununa böyük maraq var. Bu yazını qələmə almağa hazırlaşanda Ağdam klubunun mətbuat xidmətinin rəhbəri Gündüz Abbaszadə mənə dedi ki, artıq oyuna 28 min bilet satılıb. Təsəvvür edin, cəmi 2 günə. Bu, yəqin ki, bizim futbol üçün rekorddur.
Oyuna bilet ala bilməyən, buna görə klubdan inciklik, narazılıq edən azarkeşlərimizi də gərək anlayışla qarşılayaq. Əsas odur, ildə bir dəfə də olsa, tək futbol yox, bütün cəmiyyətimizdə belə futbol sevgisi yaranır.
Biz istəyirik ki, bu istək sönməsin, azalmasın. Biz istəyirik ki, uğur qazanan tək “Qarabağ” olmasın. “Neftçi”də olsun. “Qəbələ” də olsun”. “Zirə”də olsun...Bizim istəyimiz nədir? “Qarabağ”ın oyunları vaxtı “Tofiq Bəhramov”un, “Neftçi”nin oyunları vaxtı “Bakcell Arena”nın, millinin oyunları vaxtı 70 minlik Bakı Olimpiya Stadionun dolması... Amma dolmur, doldura bilmirlər. Hələlik bir tək “Qarabağ”ı çıxmaqla...
Onun oyununa kütləvi axın var. İki gündür Feysbukda belə fikirlərə də rast gəlirəm ki, azarkeş deyir, kaş “Qarabağ”ın bundan sonrakı matçları Bakı Olimpiya Stadionunda (BOS) keçirilsin. Başa düşmək olur. BOS-un “Tofiq Bəhramov” kimi 30 min deyil, 70 min tamaşaçı tutumu var. Bu gün isə nəinki onminlərlə, yüz minlərlə insanımız stadionda canlı “Qarabağ”a dəstək olmaq istəyir.
Bunun adı futbol, komanda yox, xalq sevgisidir!
Amma...
BOS “Qarabağ” üçün uyğunsuz məkandır. Həm uyğunsuz, həm uğursuz. “Qarabağ” orda üst-üstə 6 qrup oyunu keçirmiş (2017 və 2018-ci illərdə) və cəmi 1 xal qazanmışdı. 2018-ci ildə isə klubun istəyinin ziddinə olaraq AFFA təkidlə klubun ev oyunlarını BOS-da keçirməsini istəmişdi. İşin ən heyrət doğuran tərəfi bu idi ki, o zaman buna görə klubu yüksək icarə haqqı ilə də yükləmişdilər. Həm xahiş et, komandanı zorla öz stadionuna apar, həm də utanıb-qızarmadan ondan pul al...
O vaxt bu barədə bir yazım da olmuşdu Qol.az-da. SOCAR-dakılar yığışıb toplantı da keçirmişdilər. İndiyə qədər də mənimlə o və digər tənqidi yazılarıma görə kin saxlayırlar.
Qayıdım yenə BOS-a. İndi söhbət heç məsələnin maddi tərəfində də deyil. “Qarabağ”da istəyən olsa, oyunlarını yenə BOS-a təyin edər və biletdən yaxşı pul yığarlar. Amma məsələ də budur: istəmirlər! Birinci növbədə də Qurban Qurbanov istəmir. BOS əla arenadır, amma “Qarabağ” üçün deyil. Ona görə də illərdir klub Respublika stadionunu icarəyə götürüb və avrokubok matçlarını orada keçirir.
Komanda ruhən də, qəlbən də elə “Tofiq Bəhramov”a – Azərbaycan futbolunun bu məbədinə bağlıdır. O yaşıl meydanına, dillərdən düşməyən Qarabağ, Azərbaycan sədasının əskik olmadığı tribunalarına bağlıdır. Və belə də qalmalı, belə də olmalıdır. Ta “Qarabağ” doğulduğu Ağdama – ata-ana evi “İmarət”ə qayıdan günə qədər.
Aydın Bağırov
Email: [email protected]
_22.01.19.jpg)
Yığmamız Mərakeşə qarşı
"Neftçi"də məcburi əvəzetmə
"Neftçi"nin pley-offdakı potensial rəqibi dəqiqləşdi
"Yuventus"da yeni müqavilə
"Rapid" - "Neftçi": Heyətlər
İdman gimnastlarımızdan 1 qızıl və gümüş medal
"Qarabağ"ın rəqibindən növbəti transfer
Azərbaycan güləşçisi İslamiadanın qalibi oldu
"Atalanta" Mirançuku icarəyə verdi
"Qarabağ"a görə "Viktoriya"nın oyunu təxirə salındı
Tahir Gözəl "beIN Sports"un qonağı oldu - Video
Elmar Vəliyev o stadionu bir aya təmir etdirərdi
Premyer Liqamızda 2-ci turun hakimləri açıqlandı
"Barselona" bu gün çörək alır, sabah ac qalacaq"
"Qarabağ"la oyundan əvvəl müdafiəçi aldılar
“Mançester Siti”də daha çox vaxt keçirə bilməzdim"
Birinci divizionda yeni mövsümün püşkü atıldı
U-16 millimiz Özbəkistanla qarşılaşacaq
"Liverpul"da uzunmüddətli müqavilə
"Yuventus"dan yeni transfer
"Qarabağ"la oyunda yuxuya getdik"
"Bavariya"nın ÇL forması - Şəkillər
"Real" "Barselona" və "Milan"ın rekordunu təkrarladı
Azərbaycan İslamiadada daha bir medal qazandı
Klublarımızın dünya reytinqi
Macar mediası: “Qarabağ” onları parça-parça elədi”
"Qarabağ” layiqli qələbə qazandı" - Stanislav Çerçesov
"Benzema dünyanın ən vacib oyunçusudur"
"Qarabağ"ın rəqibində ayrılıq
Renat Dadaşovdan baxımlı qol - Video
Futzal millimizin Türkmənistanla oyunları ləğv olundu
Nazarovun komandası uduzdu
Ançelotti Qvardiolanın rekordunu yenilədi
