05.06.26
Başladı!
Yəqin hamı məhz belə start gözləyirdi. Qol seli olan.
Almaniya - Şotlandiya - 5:1.
AzTV-nin təbirincə deməsək, Almaniya dağılmadı, darmadağın etdi…
Welcome Euro-2024!
Futbolun gözəlliyi qoldur əlbəttə. Amma futbolun gözəlliyi həm də ötürmələrdir.
Baxın, birinci qolun qurulmasına - Toni Kroosun əbəs yerə ötürmələr kralı olmadığını bir daha qəbul edəcəksiniz.
Baxın, ikinci qola. İlkay Gündoğan - cərimə meydançasına ötürdüyü fenomenal pas almanların yenidən fərqlənməsinə səbəb oldu.
Yeri gəlmişkən, İlkay dünən Almaniya millisini rəsmi oyunlarda kapitan kimi meydana çıxaran ilk qeyri-alman futbolçu oldu.
Tarixdən belədir: türklər hər yerdə iz qoya-qoya gəlirlər.
Amma biz oyuna qayıdaq.
İlk iki qolu kimlər vurdu? Bizə “Bayer”in heyətində “Qarabağ”a qarşı matçlardan yaxşı tanış olan Florian Virts və “Bavariya”lı Camal Musiala (matçın ən yaxşısı).
Avropa çempionatlarında ilk dəfədir ki, hələ 22 yaşı tamam olmamış 2 futbolçu eyni komandanın tərkibində eyni oyunda 2 qol vurur…
Görünür, Yulian Naqelsman nəyi necə etmək lazım olduğunu - heyətə kimi buraxacağını yaxşı bilir. Almaniya millisinin baş məşqçisi olan bu cavan oğlanın vur-tut 36 yaşı var.
AFFA-nın qulağından uzaq.
“Bavariya”nı Almaniya çempionu edəndə isə cəmi 34 yaşda idi. Daha əvvəl “Leyptsiq”də də uğurlu işi olub. İndi ilk dəfə millidə çalışır. Və belə mötəbər turnirə 5 qollu qələbə ilə başlamaq…
5 qolu bir kənara qoyun: Almaniya Şotlandiyanı nar kimi sıxıb bir kənara tulladı. Müdafiə, yarımmüdafiə, hücum xətti - elə bir vahid, elə bir nizamlı sistemdə oynadı ki, meydanda Şotlandiya adlı komanda sanki yox idi.
Onlara bir dəfə də olsun qol vurmağa şərait yaratmadı. Şotlandların adına yazılan qolu isə almanlar özləri öz qapısına vurdular (Rudiger).
Yadıma nə düşdü?
Hətta, təsəvvür edin, hətta Azərbaycan milli komandası belə almanlarla oyunlarda belə aciz durumda olmamışdı. Və bu cümləni oxuduqdan sonra AFFA-nın köhnə - rəhbərlərinin üzündə məmnun bir ifadə yaranır…
Almaniya dünya futboluna yaxşı məşqçilər bəxş edib. Son 15 ilə nəzər salıram: Klopp, Tuhel kimi Çempionlar Liqasını belə qazanmış mütəxəssislər yada düşür. Həmin sıraya Naqelsmandamı adını yazacaq?
Yaşayarıq, görərik.
Amma “alman maşını” çox sürətli start götürdü. Yol finala aparır?
DÇ-2014-dəki parlaq zəfərdən sonra - son 10 ildə Almaniya bir titul belə qazana bilməyib.
Görəsən, yetərli deyilmi?
Aydın Bağırov
Dünya çempionatından klublar nə qədər qazanacaq?
“Ayntraxt” 5 futbolçusunu yola sala bilər
“Feyenoord”dan gözlənilməz qərar - Van Persi göndərildi
İngiltərə klubundan ona 60 milyonluq təklif var
Milli müdafiəçisini yoldaşlıq matçında itirdi
"Barselona"ya keçə bilər
Kipr yığması səfərdə qalib gəldi
Deşam DÇ-2026 favoritlərini açıqladı
"Ehtiyat oyunçu statusu məni narahat etmir"
İran millisindən yekun qərar - ABŞ-da qalmaq olmayacaq
"Çelsi" İraoladan niyə imtina etdi?
"Barselona" Yamala şərt qoydu
Millinin baş məşqçisi ilə yeni müqavilə imzalandı
Azarkeşlər Levandovskinin əvəzləyicisini seçdilər
Oyun şansı tapa bilmədiyi üçün klubdan getmək istəyir
Tuhel İngiltərənin oyununu tənqid etdi
Tanınmış futbolçu Meksika klubundan ayrılır
"Fənərbaxça" bu ulduz futbolçuları almaq istəyir
"Şamaxı" onu da heyətdə saxladı
"Zirə" Tiaqo Silva ilə yolları ayırdı
Dünya Çempionatı 2026
Xəbərlər
Təqvim
Cədvəl