29.08.26
Futbol statistiklərinin araşdırması üçün maraqlı ola bilər.
Görəsən, indiyədək avrokuboklarda elə bir komanda olubmu ki, əlavə təyin olunan 30 dəqiqə ərzində rəqibin qapısından düz 4 top keçirsin.
Bəlkə də olub, indi isti başla bunu xatırlamaq çətindir. Amma olubsa belə, fakt dəyişmir.
“Qarabağ”ın sarsılmaz iradəsini, qələbə əzmini, heyrətamiz psixoloji və fiziki gücünü görüb, təəccüblənməyə bilmirsən.
Qurban Qurbanova, onun məşqçi korpusunun hər bir üzvünə alqış düşür ki, “Ludoqorets” kimi axmaq, zəhlətökən oyun tərzi olan narahat bir komandaya qarşı səfər matçına futbolçuları tam hazırlaya bilmişdi.
***
Bir fikri yadıma düşür Qurbanovun. “Oyunda ən xoşlamadığım şey əvəzetmələrdir” demişdi.
Tərslikdən Bolqarıstandakı Çempionlar Liqasının 3-cü raundunun bu həlledici cavab oyununda o, 3 məcburi dəyişikliyə əl atmalı oldu.
Amma Mateus Silva Veşoviçi layiqincə əvəzlədi, matçın ən yaxşılarından birinə çevrildi.
Patrik Andrade komandasının Yankoviç zədələnənə qədər orta xətdə yaradıcı oyun planındakı problemi aradan qaldırdı. Üstəgəl özü də 2 qol vurdu.
Ümid, inam yaranmağa başlayır. Əvvəlki Patrik qayıdırmı görəsən?
Elvinin yerinə oyuna daxil olan Toral o möhtəşəm qolu ilə komandasını parlaq qələbəyə daha da yaxınlaşdırdı.
Sonradan oyuna daxil olan Cica qol vurdu, sevincini də öncə baş məşqçisi ilə bölüşdü. Onda mənə elə gəldi ki, bu, elə bil vəfa borcu idi. Cica Qurban Qurbanova sanki sağ ol deyirdi ki, mənə etimadını hələ itirməmisən.
Gənc Nəriman Axundzadə…
Fəallığı ilə seçilməsi bir yana, demək olar, sonuncu qolu da özü yaratdı, gözəl ötürmə etdi.
Və 7:2 hesablı qələbə.
Meqaqələbə.
Zubir, Benzia, Romao. 120 dəqiqə dayanmaq bilməyən “generatorlar”…
Benzia yaxşı formadadır. Dünən bir daha özünü təsdiq etdi: 2 qol və 1 qol ötürməsi.
Juninyo isə artıq ÇL-də təsnifat mərhələsinin ən çox qol vuran (6) oyunçusudur.
Müdafiənin mərkəzi də üzərinə düşən işin öhdəsindən ümumən yaxşı gəldi. Amma “Ludoqorets”lə hər iki matçdakı ciddi boşluqlar (hansı ki, qapımıza qolların vurulması ilə nəticələndi) da vurğulanmalıdır. Qarşıda daha çətin rəqiblər var və onlarla matçda ola bilsin, artıq bəxt də adamın üzünə gülməsin.
İndi isə hələlik müvəqqəti qələbə eyforiyası günləridir. O da uzağı gələn həftəyə qədər aradan qalxar.
Axı, “Dinamo” Zaqreblə Çempionlar Liqasının pley-off mərhələsinin oyunları gəlir.
Necə də gözəl səslənir. Çempionlar Liqasının “pley-off”u. Bu möhtəşəm yarışın şah əsəri olan himni canlı dinləmək.
Sonra?..
Daha bir uğurmu?..
ÇL-in Liqa mərhələsimi?..
Aydın Bağırov
“Yuventus”a keçə bilər
“Ronaldo 20 yaşlı Neveşə bənzəmir”
Finlandiya 7 qolla qələbə qazandı
Pokatilovun oynadığı matçda qalib müəyyənləşmədi
Mbappenin durumu bəlli oldu
Millimizin Litva ilə oyunöncəsi son məşqindən - Şəkillər
Məşqçilərlə mübahisə etdi, yığmadan göndərildi
"Real"dan "Liverpul"a keçə bilər
Sloveniya və Şotlandiya xalları bölüşdü
“O, hələ də çox təhlükəlidir” - "Sabah"ın futbolçusu
İsraillə oyundan imtina edə bilərlər
“Sabah tam hazır şəkildə meydana çıxacağıq” - Mahir Emreli
“Güclü komandaya qarşı oynayacağıq, amma...” - Ayxan Abbasov
"Klub ən azı Premyer Liqadan kənarlaşdırılmalıdır"
Azərbaycan Qran-prisinin qalibi bəlli oldu
Arda Gülər: “Çox məyusuq”
İlham Əliyev və Mehriban Əliyeva Formula 1-i izləyirlər
Zidan Türkiyə üzərində qələbədən danışdı
Gürcüstan millisinin baş məşqçisi istefa verdi
Bugünkü oyunları yayımlayacaq kanallar
“Liverpul”un yeni idman direktoru məlum oldu
Mbappe Türkiyə ilə oyuna görə narazıdır
Azərbaycan millisindən tarixi nailiyyət
“Fənərbaxça”dan transfer qadağası ilə bağlı açıqlama
Norveç Futbol Federasiyası Haalandı jurnalistlərdən “qorudu”
Lukaku ilə Donnarumma arasında qalmaqal – Video
"Zirə" Çempionlar Liqası ilə vidalaşdı
“Qarabağ”ın qapıçısı oynadı, “Sabah”ın müdafiəçisi izlədi
Türkiyə Fransaya, İtaliya Belçikaya uduzdu
Mikels millidə debütunu qolla qeyd etdi
Azərbaycanın daha bir boksçusu Avropa çempionu oldu
