27.02.26
İngiltərə Premyer Liqası zövq verir.
Yüksək sürətli oyunlar, dolu tribunalar, əla atmosfer, bənzərsiz arenalar.
Di gəl, bundan sonra öz yerli liqamıza bax. Əgər əlbəttə, səbrin çatıb baxa biləcəksənsə. Düzdür, istədik-istəmədik, bəzi oyunları zorla da olsa izləyirik. İşimiz budur. İnsafən, yaxşı, səviyyəli matçlar da az deyil. Amma reallıqda İngiltərə liqasından Azərbaycan liqasına keçid edəndə adamı yuxu basır.
Hərçənd Peşəkar Futbol Liqasının çempionatın səviyyəsinin inkişafı istiqamətində müsbət işləri var. Son nümunə canlı efirdə gördüyümüz texnoloji yeniliklərdir. Əla! Kaş ki futbol sistemimizdə olan hamı insanları tribunalara gətirmək, onlarda çempionata marağı artırmaq üçün əlini daşın altına qoyardı.
Nə isə.
İngiltərədə "Mançester Yunayted" yeni baş məşqçi Maykl Karrikin gəlişindən sonra əla bir uğur seriyasına başlayıb. Komanda onun rəhbərliyi altında Premyer Liqada keçirdiyi hər üç oyunda qalib gəlib: əvvəl Qvardiolanın "Mancester Siti"sinə (2:0), sonra Artetanın lider "Arsenal"ına (3:2), dünən isə "Fulhem"ə (3:2). İndi onlar artıq 4-cü yerdədir: Çempionlar Liqası zonasında.
Qələbə qolunun sevinci
Təsəvvür edin, "Fulhem"lə matçda 85-ci dəqiqəyə qədər hesab 2:0 "MY"nin xeyrinə idi. 90+1-ci dəqiqədə tabloda rəqəmlər oldu 2:2. 90+4-cü dəqiqədə isə "qırmızı şeytanlar" qələbə qolunu vurdular - 3:2.
İndi belə bir oyunun adı nədirsə, siz deyin: futbolmu, şoumu, tamaşamı? Əfsanəvi "Old Trafford"dakı bu matçın adı hər nədirsə, belə bir trilleri izləmək həqiqətən əsl həftəsonu istirahətidir.
Və məsələ budur ki, bu cür bənzərsiz matçlar İngiltərədə hər həftə bir yox, bəzən bir neçə oyunda yaşanır!
“Mançester Yunayted”ə gəlincə, necə deyərlər, artıq əfsanə geri dönməlidir!
Aydın Bağırov
“Real”da ciddi itki
Salahdan ÇL-də 50-ci qol
Aldığı zədə karyerasını bitirə bilər
PSJ-nin baş məşqçisi Premyer Liqa yolunda
Avropa Liqasında 1/4 finala ilk onlar yüksəldilər
"Şamaxı" - "Araz-Naxçıvan" matçından - Video
Osimhen milliyə çağrılmadı
16 yaşlı qapıçının debütü təxirə salındı
1-ci liqada bu gün yalnız “Şəfa” qələbəyə sevindi
"Real" və "Atletiko"dan sonra növbə "Qalatasaray"ındır?
Premyer Liqa rekordçusu gələcəyini ailəsinə həvalə etdi
"Mançester Yunayted" onun üçün 100 milyon xərcləyəcək?
"Layiq olmadığımız məğlubiyyətlə üzləşdik" - Ayxan Abbasov
"Oyun heç-heçə də bitə bilərdi" - Andrey Demçenko
Azərbaycan millisi Farer adalarına da böyük hesabla uduzdu
"Araz-Naxçıvan" "Şamaxı"ya qalib gəldi
AFFA İntizam Komitəsinin qərarları açıqlandı
Kvaratsxeliya ÇL tarixinə belə düşdü
Elşən Abdullayev mükafatlandırıldı
"Real" ilk dəfə belə uğur qazanır
"Sportinq"in baş məşqçisi 5:0-dan danışdı
