05.10.26
Ayxan Abbasov - "Şamaxı"nın bu gənc məşqçisi nə deyir?
Oxuyaq...
“Futbolçuya ölkəsinə görə qiymət vermək düzgün deyil. Ötən yay mən “Turan Tovuz”u çalışdıran zaman Türkiyədə təlim-məşq toplanışında idik. Biz və digər Azərbaycan klubları Tanzaniya təmsilçiləri ilə yoxlama oyunu keçirdik. Biz də daxil olmaqla klublarımız o komandalardan 2-3 oyunçunu bəyənmişdi. İnanın ki, heç onlar bəyənib bura gəlmədilər. Onların çempionluğa oynayan klublarında hansısa oyunçunu bu gün Azərbaycan komandasına gətirmək çətindir".
Ayxan Abbasovun Tanzaniyadan danışması, əlbəttə, səbəbsiz deyil. Dünən "Şamaxı" klubu elan etdi ki, onlar həmin ölkənin nümayəndəsi Alfons Msanga Mabulanı transfer edib. O ölkənin də adının çəkilməsi bəs etdi ki, yerli futbolumuzla maraqlanan təbəqənin az bir hissəsi hiddət və lovğalıqla desin ki, Tanzaniya hara, biz hara...
Əlbəttə, heç kimə sirr deyil ki, bizdə yaxşı futbol var.
Əlbəttə, bizdə futbol olduğuna görədir ki, AFFA-nın, klublarımızın muzeyi beynəlxalq kuboklarla dolub-daşıb, indi təzələrini qoymağa yer də tapılmır.
Əlbəttə, hər il gürcülərin Kvaratsxeliyası, özbəklərin Xusanovu kimi gənc futbolçular yetişdirib 40-50 milyon avroya satan da bizik.
Əlbəttə ki, yuxuda.
Amma yuxudan oyanıb real dünyaya baxanda nə görürük? Həmin Tanzaniyanın FİFA-nın reytinqində bizdən düz 11 pillə qabaqda olmasını.
Samatta soyadlı futbolçusunun 2016-cı ildən bəri Avropada “Genk”, “Anterverpen”(Belçika), “Aston Villa” (İngiltərə), “Fənərbaxça”da (Türkiyə) oynayıb, indi də karyerasını PAOK-da (Yunanıstan) davam etdirməsini.
Başqa bir oyunçusu Novatus Miroşinin Avropada “Beytar” (Tel-Əviv), “Zyulte Vareqem” (Belçika), “Şaxtyor”da (Ukrayna) çıxış edib, hazırda Türkiyə Superliqa təmsilçisi “Göztepe”də oynamasını.
Bəs bizimkilər hardadı? "Bandırmaspor"da...
Hazırda guya ən yaxşı legioner oyunçularımızdan sayılan Coşqun Diniyev artıq 30 yaşına girib, amma görünür, karyerasında görüb-gördüyü yeganə xarici çempionat elə Türkiyənin birinci liqası olacaq...
Rahil Məmmədovun da 30 yaşı var. Polşada həm də zədəsi səbəbindən bu mövsüm sabit seriyası olmayıb. Yaş ötür, amma bu vaxtacan o da xaricdə özünə yaxşı karyera qura bilməyib. Gec deyilmi?
Vüsal İsgəndərli pis-yaxşı Albaniyada "Eqnatiya"da əsas heyətdə sabit oynayırdı, yəqin ki, daha çox gəlir əldə etmək üçün o da təzədən Türkiyə 1-ci liqasına üz tutdu. Bu mövsüm vur-tut 8 oyuna çıxıb, cəmi 2-də əsas heyətdə yer alıb. Nə deyəsən? Öz karyerana niyə belə sərt davranasan?
Perspektiv və istedadına inandığımız gənc Musa Qurbanlı İsveçdə, Cəlal Hüseynov isə Bolqarıstan kimi orta səviyyəli çempionatda belə uğur qazana bilməyib geri qayıtdı. İndi kimə ümid bəsləyəsən? Sabahımız üçün hansı gənclərə bel bağlayasan?
Azərbaycan millisində oynayan, əslən azərbaycanlı olan, amma hələ də Azərbaycan dilində iki cümlə öyrənməyən (Şeydayev kimi) Renat Dadaşov 25 yaşa gəlib çıxıb, amma karyerasında 25 metr irəli gedə bilməyib. Bu mövsüm vur-tut 2 qol vurub. Bu göstəriciylə hazırkı mövsüm Türkiyə 1-ci liqasında qol vuranların siyahısında heç birinci 50-likdə də yoxdur...
Belə də hücumçu olarmı?
Hələlik xarakter göstərən legionerimiz Mahir Emrelidir. O da gərək fürsətləri boşa verməsin, əlinə düşən imkanları xərcləməsin. Yoxsa Almaniya futbolu belə məsələdə sərt və güzəştsizdir.
Hə, bir də sanki kölgədə qalan, amma ümumən uğurlu oyun keçirən bir gəncimiz də var. 23 yaşlı Zamiq Əliyev... Albaniyada "Eqnatiya"nın üzvü olan mərkəz müdafiəçisi bu mövsüm əsas heyətin daimi üzvünə çevrilib.
Kaş ki, karyerasının yaxşı vaxtında pula aldanıb təzədən Azərbaycana qayıtmasın.
Kaş ki, Avropa futbolunda azərbaycanlı futbolçular da kvaratsxeliyalar, xusanovlar kimi səs salsın.
Amma bunlar, elə bil tosta bənzədi axı.
Qayıdaq yenə bu günə, öz real dünyamıza.
O dünyanın futbol adlı kiçik bir hissəsinin lap dibinə enmişik biz. Millətlər Liqasının D liqasına.
Kədərli, həm də faciəvi mənzərə bax elə budur, Tanzaniyadan futbolçu gətirmək yox.
Odur ki, atalarımız necə deyib: "Öz gözündə tiri görmür, özgə gözündə qıl axtarır".
Aydın Bağırov
“Qəbələ”yə şikayət etməyə, ağlamağa gəlməmişəm”
“Sumqayıt”dan mövsümün ilk qələbəsi, Zirədə “sülh”
“Zirə” - “Şamaxı” oyunundan - Video
Rəşad Sadıqov zədə çoxluğundan şikayətlənir
“Belə xəbərlərin oyundan əvvəl yayılması düzgün deyil”
La Liqanın oyunu yarımçıq dayandırıldı
“Sumqayıt” - “Qəbələ” matçının heyətləri
Noyerin kobud səhvi Bundesliqada tarixi qolla nəticələndi
Ronaldo millidən kənarlaşdırıldı - Rəsmi
“Mançester Siti” satılacaq?
"Zirə" - "Şamaxı": Heyətlər
“Tottenhem” İspaniyada təlim-məşq toplanışı keçirəcək
“Çelsi” Koul Palmerlə müqaviləni uzatdı
Zəlzələ idman verilişinin canlı yayımını yarımçıq qoydu
DÇ-2026: Argentina onlayn hücumların əsas hədəfi olub
Üzünü iki dəfə topa sipər etdi – İnanılmaz görüntü!
Azərbaycanın 5 boksçusu finalda - Avropa çempionatı
“Özbəkistanda “Sabah”a azarkeşlik edirlər” - Video
Ferran Torres ayın futbolçusu seçildi
Asiyada Millətlər Liqası yaradılacaq
Ronaldo 980-ci qolunu belə vurdu - Video
“Sabah” kimi “Slaviya” da eyni vəziyyətdədir” - Mikels
Azərbaycan millisi “Antalyaspor”a qalib gəlib
"Qalatasaray" 3 xalı 3 qolla qazandı - Video
“Borussiya” mövsümdə ilk dəfə xal itirdi
Mahirin komandası yenə uduzdu
“Neftçi” - “Sabah” matçında qalib aşkarlanmadı - Video
Yuri Vernidub: “1 xal da bizi qane edir”
Valdas Dambrauskas: “Daha gözəl futbol izləmək istərdik”
"Bavariya"nın planlarında Haaland yoxdur
Montella istefaya göndərildi
"Kəpəz"in "Araz-Naxçıvan"a vurduğu qollar - Video
Mourinyo Mbappeni müdafiə etdi
Yuri Maksimov: "Müdafiədə səhvlərimizi azaltmalıyıq"
"Neftçi" - "Sabah": Heyətlər
Rafinya "Qalatasaray"a qarşı oynayacaq, ya yox?
Azərbaycan boksçusu finalda - Avropa çempionatı
Kubokda 29 ildən sonra rekord təkrarlandı
Azərbaycan kubokunda 1-ci mərhələyə yekun vuruldu
