12.06.26
2019/20 mövsümünün qalibi “Qarabağ”a çempionluq kuboku və qızıl medalın budəfəki təqdimat mərasimi məyus və kədərli ab-havada keçdi. Düzdür, bir gün əvvəl Peşəkar Futbol Liqası elan etmişdi ki, bütün karantin qaydalarına əməl edilməklə, medianın da iştirakı və “CBC Sport” canlı yayımlamaqla mükafatlandırma mərasimi olacaq. 10-15 saat sonra isə bəlli oldu ki, bəs, tədbirin formatı dəyişib, mükafat yalnız klubun rəhbərliyinə, baş məşqçi və kapitana təqdim ediləcək.
Deyilənə görə, PFL-in, yəni Ramin Musayevin ilkin qərarının dəyişdirilməsinə AFFA-nın baş katibi Elxan Məmmədov səbəb olub. Əsas kimi koronavirusa mümkün yoluxma riski göstərilib. Elxan bəyin bunun üçün haqlı səbəbi ola bilər. Amma əgər bir futbol qurumunun verdiyi qərarı daha üst qurum heç bir sutka keçmədən ləğv edirsə, bu o deməkdir ki, həmin təşkilatlar arasındakı əlaqələrdə sistemsizlik, nizamsızlıq var.
Beləliklə, bütün bunlardan sonra dünən “Azərsun Arena”da futbol tarixinin yəqin ki, ilk və bəlkə də sonuncu sönük tədbiri keçirildi. Mən bu quru hadisəni bilərəkdən mükafatlandırma, təqdimetmə adlandırmıram. Çünki birinci dəfə idi ona şahid olurdum ki, heç kimə mükafat verilmirdi, hamı mükafatını gedib özü götürürdü. Və hamı deyərkən, heç də elə fikirləşməyin ki, söhbət onlarla futbolçudan, klub personalından gedir. Tədbirin iştirakçılarının əhatə dairəsi o qədər kiçik idi ki, onların adlarını sadalamaq yorucu olmayacaq.
PFL-dən: Ramin Musayev, Aslan Şahgəldiyev və Elgiz Abbasov.
“Qarabağ”dan: Tahir Gözəl, Əmrah Çelikel, Qurban Qurbanov, Asif Əsgərov, Rəşad Sadıqov, Mahir Emreli (bombardir kimi).
Aha, indi siz sual verirsiniz ki, bəs, nə əcəb siyahıda AFFA-dan adam yoxdur? Ona görə ki, yüzdən çox işçisi olan həmin təşkilatın nə rəhbər, nə sürücü, nə də hətta kuryer heyətindən belə bir adam tədbirə göndərilməmişdi. Təsəvvür edin, ölkənin çempionu mükafatlandırılır, amma ali futbol qurumundan ora gələn olmur. Yəqin qorxublar ki, tədbirə toplaşanların hamısı, Allah uzaq eləsin, koronavirus daşıyıcısıdır...
Amma kaş ki, Azərbaycanda hər bir sahədə karantin qaydalarına dünənki tədbirdə olduğu kimi əməl edilə idi. Mən dünən bir anlıq həqiqətən elə fikirləşdim ki, nümunə kimi göstərilən Almaniyadayam.
Stadionda məhdud sayda media nümayəndələri, PFL işçiləri və klub əməkdaşları daxil ümumən 30-40 nəfər olardı, ya olmazdı. Hər birinin ağzında da maska. Sona qədər sosial məsafəni gözlədilər. Daha da müsbət məqam odur ki, bir neçə aydır bir-birini görməyən şəxslər klassik Azərbaycansayağı tərzdə bir-birilərini o üz, bü üz öpmədilər. Hamı yumruqlarını toqquşdurmaqla görüşdü (kişilərin təqdir olunası yeni salamlaşma üsulu).
Sonra da heç atəşfəşanlıq, təmtəraq və təbii ki, tribunanın bəzəyi – azarkeşlər olmadan kubok və medallar kluba təqdim edildi. Təxminən 10-15 dəqiqə davam edən tədbirdən sonra hamı məyus ovqatda arenanı tərk etdi.
Bu, koronavirusa görə dayandırılmış çempionatımızın sanki hüznlü yekunu idi...
Aydın BAĞIROV
[email protected]
DÇ-2026: Günün oyunları
"Turan Tovuz" hazırlıqlara başladı
Azərbaycan şahmatçısı Özbəkistanda 1-ci oldu
Noyer millinin tarixinə düşdü
"Şamaxı" yeni transferini açıqladı
Azərbaycan millisi Avropa kubokunun finalında
“Real” Kukurelyanı gətirir
Almaniya və Kurasao millilərinin start heyətləri açıqlandı
"Mançester Siti"də 5 illik müqavilə
Rüştü Reçberin uğurunu təkrarladı
Arda Güler hakim qərarından narazı qaldı
FİFA ulduzu çıxarmağı tələb etdi
"Tottenhem"də qalır
Dünya çempionatında rekord qırdı
Azərbaycanın 8 şahmatçısı dünya çempionatına yollandı
Arda Turan Ukraynada mövsümün ən yaxşı məşqçisi seçildi
ABŞ-a buraxılmayan hakim bütün mükafatını alacaq
"Bəzən şillə yemək ayağa qalxmaq üçün yaxşıdır" - Çalhanoğlu
Ranqniklə müqavilə uzadıldı
Azərbaycandan getdi, çempionla müqavilə bağladı
Türkiyədən məyusedici başlanğıc - Video
"Şamaxı"dan ayrıldı, Ermənistan klubuna keçdi
İngiltərə millisinə tornado xəbərdarlığı edildi
"Növbəti matçda daha yaxşı oynayacağıq" - Montella
Braziliya - Mərakeş oyunundan - Video
“İsveçrə ilə matçda komandamla qürur duydum”
Vinisius oyunun ən yaxşısı seçildi - DÇ-2026
Məğlubiyyətdən son anda qurtuldular
Azərbaycan milliləri yarımfinalda
Hökumətdən sərt addım - DÇ-2026 matçlarını izləməyəcəklər
"Şamaxı"da baş məşqçinin köməkçiləri müəyyənləşdi
Rosenior Fransadan gələn təklifi rədd etdi
Prezident milliyə müraciət etdi
"Elçe" yeni baş məşqçisini açıqladı
Premyer Liqada saç çəkməyə görə cəza qaydası dəyişir
"Ançelottinin bütün sirlərini bilirəm"
Yuri Vernidubdan mundial proqnozları: "Fransa yığması.."
İngiltərə yığmasının oğurlanan əşyalarından xəbər var
Dünya çempionatları tarixinə düşdü
4 ildən sonra klubdan getdi
Dünya Çempionatı 2026
Xəbərlər
Təqvim
Cədvəl