22.01.26
“Qarabağ”ın Braqa ilə tarixi səfər oyununu canlı izləmək, rəsmi dövlət qurumlarının protokol xidmətlərinin akademik dili ilə desək, mənim builki səfər proqramlarım içində prioritet vəzifə təşkil edirdi.
O səbəbdən ki, futbol tariximizdə ilk dəfə bir komandamız Avropa Liqasında qrup mərhələsini aşaraq pley-off-a - şərti adlandırılan 1/16 finala adlamış və o mərhələdə oyun keçirəcəkdi. Həmin matçı yerində canlı izləmək, əminəm ki, bir jurnalistin karyerası və həyatında daim özəl yer tutacaq. Əgər oyunun da nəticəsi sənin, komandanın, bütün xalqının arzuladığı kimi bitirsə, deməli, o səfər sənin öz daxili yaddaş kitabında ayrıca unudulmaz, silinməz və qürurlu bir səhifə olacaq. Odur ki, yazacağım sözlərin, təqdim edəcəyim video və şəkillərin köməyi ilə gəlin, xəyalən də olsa birgə yollanağın Braqaya. Portuqaliyanın bu kiçik, yavru şəhərinə...
Həmçinin oxuyun: Azərbaycanlı olmaq…
xxx
Mənə səfər təklifi bizim qol.az saytının uzun illərdir əməkdaşlıq etdiyi Etopaz-dan gəldi. Bu mənada əvvəlcə özümə bir vəfa borcu bilirəm ki, onlara göstərdikləri diqqət və dəstək üçün təşəkkür edəm. Xüsusi vurğulamaq istəyirəm ki, bu şirkət illərdir tək idman mediasının deyil, cəmiyyətimizin başqa sosial layihələrində də yaxından iştirak edir, dəstək verir. Sağ olsunlar.
Və mənə zəng vurub deyiləndə ki, Braqaya səfərə dəvət olunursunuz, belə qərara gəldim ki, ora getmək üçün Bakıdan əvvəlcə Portuqaliyaya yox, İspaniyaya - dillər əzbəri Barselonaya yollanım. Yollandım. 2 gecə orda qaldım da. Düzdür, Barselona səfərim barədə yaxın günlərdə ayrıca yazım olacaq. Odur ki, nə sizi, nə də özümü daha da yormaq istəyirəm. Onsuz da o şəhərin turistlər sarıdan qaynaması məni elə haldan salmışdı ki...
Ona görə də gur, səs-küylü Barselonadan sonra sakit və rəvan Braqa ruhuma və beynimə yenilənmə kimi gəldi. Qaldığım oteldən çıxıb təzəcə addımlamağa başlayanda isə şəhərin mərkəzi meydanından ətrafa yayılan musiqi səsinə ayaq saxladım. Və bilirsiniz nə gördüm? Gördüm ki, kişili-qadınlı neçə-neçə yaşlı portuqaliyalı o gözəl musiqi sədalarına qol götürüb, əl-ələ tutub oynayırlar. Hər yaşda bitməyən həyat sevgisi, yaşamaq eşqi budur yəqin ki.
Siz də izləyin…
xxx
Sosial mediadakı paylaşımlarıma görə Braqada olduğumdan xəbər tutan bir azərbaycanlı tələbə oxucum feysbukda mənə yazıb özünün də burada olduğunu və görüşmək istədiyini söyləyir. Görüşürük. Vətənpərvər bir gəncimizdir. İllərdir Polşada yaşadığını və “Qarabağ”ın oyununa baxmaq üçün bura səfər etdiyini söyləyir. Sonra deyir ki, bayaq tanınmış idmançımız Zabit Səmədovu küçədə görüb onunla görüşdüm.
Zabit isə “Qarabağ” komandası ilə Braqaya gəlmişdi. Dostlarla birgə Braqadan Portoya getdik, tanışlığımız başladı. Çay kənarında bir restoranda oturub çörək də kəsdik.
Hə, həmin gənc azərbaycanlımız mənə deyir ki, Zabit əlbəttə məni tanımırdı, amma biləndə ki, mən azərbaycanlı tələbəyəm və oyuna gəlmişəm, çıxarıb cibimə 50 avro pul qoydu ki, birdən pulun çatmaz, özünə bilet alarsan. Ağayana, nəcib davranışdır...
xxx
Və sonra mən bu balaca şəhərdə bir neçə başqa həmyerlimizlə də tanış oldum. Amerikadan, Avropanın başqa-başqa şəhərlərindən neçə min kilometlərlə uzun yol qət edib oyuna baxmağa gəlmişdilər. Şəhərdə gəzərkən yaxınlaşıb görüşənlər, QOL.az-ın daimi oxucuları olduğunu və saytı sevə-sevə oxuduqlarını söyləyənlər oldu. Nə gizlədim, yad bir eldə də oxucuların belə xoş münasibətini, sənin, saytın bütün əməkdaşlarının əziyyətinə mənəvi qiymət verildiyini şəxsən eşitmək müsbət emosiyalar yaratdı, əlavə motivasiya oldu.
xxx
Bu, mənim Braqaya ikinci səfərim idi. İlk dəfə 2012-ci ildə Azərbaycan millisi ilə burada olmuşdum. Həmin bu qaya ətəyindəki bənzərsiz stadionda bizə 3:0 hesabı ilə qalib gəlmişdi Portuqaliya. Aradan artıq 12 il necə sürətlə gəlib keçibsə... Millimizin o vaxtı heyətindən indi karyerasını davam etdirən az olar. Aralarında məşqçiliyə belə başlayanlar var - Rəşad Sadıqov, Kamran Ağayev, Vaqif Cavadov... Rəşadın bir zamanlar kapitanı, Vaqifin də oyunçusu olduğu “Qarabağ” indi bura gəlib - Braqaya. Və turist kimi gəlməyib. Böyümüş bir komanda kimi gəlib. Bu arenada isə “Braqa” üzərində əla bir qələbə qazanıb.
4:2 hesabı ilə.
4:2... Portuqaliya komandasına onun meydanında qalib gəlib, qapısına da düz 4 qol vurmuşuq.
Düz, 4 qol...
Dünən indi də Braqada olan dostum zəng vurub mənə bunu söyləyir: “Qaldığım otelin sahibi mənə deyir ki, hələ də havalıyıq, “Qarabağ” bütün Portuqaliyanı gic edib...”
Oyun bitən kimi “Braqa”lı azarkeşlərin komandalarını fitə basmağı yadıma düşdü…
xxx
Braqa...
Futbolu, rəqib olmağı bir kənara qoyuram. Mədəni, sakit insanları var Braqanın. 200 minə yaxın da əhali yaşayır burada. Bizim Sumqayıtın yarısı qədərdir. Avropanın başqa şəhərlərinə baxanda kasıb şəhərdir. Ucuzluğa görə alış-veriş üçün Braqaya başqa şəhərlərdən gələnlər də var. Orta səviyyəli kafedə iki nəfərin yemək xərci 20 avrodan o tərəfə keçməyə də bilər. Elit, bahalı dəniz məhsulları restoranında isə 4 nəfərin yüksək səviyyədə yemək-içməyi 120-150 avro arası xərc aparır.
Amma bu kasıb şəhərin zəngin komandası var: “Braqa”. Heyətində də 25 milyon avroluq oyunçu. Bizim “Qarabağ”ın illik büdcəsi 15-16 milyon avrodur. Avroliqa, Konfrans Liqasının “pley-off”una (1/16 finala) yüksəlmiş ümumən 32 komanda arasında ən kasıbı elə “Qarabağ”dır. Və 15-16 milyonluq klub gəlib, heyətində 26 milyonluq futbolçusu olan komandaya qalib gəlir.
Amma...
Amma gələn həftə Bakıda hələ cavab oyunu var. Arxayınlıq, ilk qələbənin eyforiyası bizə ağır başa gələ bilər. Qarşımızdakı rəqib Avropanın ən güclü 7-ci liqasının təmsilçisidir. Cavab matçına son döyüşə çıxmış kimi çıxacaqlar. Odur ki...
Gələn həftə gəlib, Respublika stadionunun tribunalarını doldurun, sözünüz, səsiniz, nəfəsinizlə “Qarabağ”a dəstək olun, onun 1/8 finala çıxıb Avropada adından yenə söz etdirməsinə kömək olun.
Necə deyərlər, “Qarabağ” bizimdir - hamımızın. Sənin, mənim, Azərbaycanın.
...Sənə isə salam və sağ ol, Braqa!
Aydın Bağırov
Braqa-Bakı
"Baş məşqçi olmaq istəməzdim"
"Qəbələ" heyətini yeni futbolçu ilə gücləndirdi
Almaniyalı hücumçu MLS klubunda
Sabiq klubu Qurban Qurbanovu təbrik etdi
Matçda dava düşdü, iki klub da cəzalandırıldı
Haaland, Rays, Fernandeş...
Avrokubokla vidalaşan klub baş məşqçisini göndərir?
"Qarabağ"a qol vuran futbolçu ÇL-də rəmzi komandaya düşdü
"Kayrat" aparıcı oyunçusu ilə sağollaşdı
A Seriyası futbolçusu "Beşiktaş"a keçir
Reşford Messini geridə qoydu
ÇL-də həftənin ən yaxşı oyunçusu bilindi
Şahruddindən maraqlı paylaşım - Şəkil
Baş məqçi 5 oyunluq cəzalandırıldı
"Kristal Palas"dan hücumçuya 52 milyonluq təklif var
ABŞ səfirliyi "Qarabağ"ı təbrik etdi
FCSB - "Fənərbaxça" oyunu bu kanallarda
"Qarabağ"ın oyununa görə İngiltərəyə getdi
Van Deykdən "Qarabağ"la oyunda tarixi uğur
"Aston Villa"dan "Beşiktaş"a keçdi
Mourinyo Arbeloadan üzr istədi
Xviça Kvaratsxeliya ağır zədə alıb
Sabiq "Bakı"lı Hindistan klubunda
"Qəbələ"nin sabiq futbolçusu "Mingəçevir"də
AFFA bu klubları cərimələdi
Misli Premyer Liqasında 18-ci turun hakimləri açıqlandı
“Qarabağ”la oynamaq daha yaxşıdır” - Luis Enrike
Gecənin qəhrəmanı danışdı - “Etdiyim dəlilik idi”
Kevin Medina ÇL-də “üçlüyə” düşdü
Levandovski Messinin tarixi rekordunu təkrarladı
Boks üzrə Azərbaycan çempionatına yekun vuruldu
Azərbaycanın reytinq xalının 80,6 faizini “Qarabağ” qazanıb!
Azərbaycan UEFA reytinqində yüksəldi
"Dördüncü qol biabırçılıqdır" - Mbappe
"Mançester Siti" - "Qalatasaray" matçından - Video
"Liverpul" - "Qarabağ" oyunundan - Video
"PSJ-yə qarşı oynamaq istərdim" - Zubir
"Liverpul" - "Qarabağ" oyununun ən yaxşısı seçildi
