Aydın BAĞIROV
Sadıq Sadıqovun vaxtında belə deyildi. Komanda həvəsdən düşəndə, nəyə görəsə, kimə görəsə oynamaq istəməyəndə klub prezidenti kimi araya girir, öz nüfuzu, hörməti və həm də zəhmi ilə onları oynamağa vadar edirdi.
Futbolçusu, məşqçisi “Neftçi”nin prezidentinə hörmət edirdi, sevirdi, həm də ondan qorxurdu. “Neftçi”nin dalbadal qazandığı çempionluqlar, futbol tariximizdə ilk dəfə olaraq Avroliqanın qrupuna düşməsində bu sadaladıqlarımız az rol oynamamışdı. O başqa məsələ ki, Sadıqovun dönəmində də “Neftçi”nin nüfuzuna az zərbə dəymədi.
O vaxt “Neftçi”ni daha çox ona görə ittiham edirdilər ki, tez-tez qalmaqallar, hakimlərlə yersiz və süni problemlər yaradılırdı... Amma bütün bu mənfi hallarla yanaşı, o vaxt “Neftçi”nin təkcə adı yox, həm də özü var idi, gücü var idi, nüfuzu var idi...
Bəs, indi? Hanı, hardadı o güclü, o əzəmətli “Neftçi”, hörmətli Müşahidə Şurası və onun sədri?
“Neftçi” niyə belə ölmüş vəziyyətdə, rəzil gündədir?
Başa düşdük, hörmətli Çingiz Abdullayev roman yazdığından kluba çox vaxt ayıra bilmir, şuranın digər üzvü Bəhram Bağırzadə isə “Neftçi”dən başqa hər şeyə vaxt ayırır.
Futbolla, ya da məhz elə özünə aid məsələ - azarkeşlərlə bağlı sual ünvanlayanda “gəlin, futboldan başqa nədən istəyirsiz danışaq” deyir.
Biz də soruşmaq istəyirik ki, Bəhram müəllim, axı “Neftçi”nin oyununa nə üçün vur-tut 400-500 adam gəlir... Axı azarkeşi stadiona cəlb eləmək sizin birbaşa vəzifə borcunuzdur. Amma yoxa çıxıb Bəhram müəllim...
Məlum, işləri yürüdən Elnur Məmmədovdur. Əslində bütün suallar da ona ünvanlanmalıdır. Sorğu göndərirsən mətbuat xidmətinə, söz verirlər, vəd verirlər, axırda da məlum olur ki, iki aydı bir addımlıqlarında olan Elnur bəy-əfəndini tapa bilməyiblər.
Demə, icraçı direktor bu müddətdə Tacikistanda Asiya ölkələri üçün futbol idarəçiliyi ilə bağlı mühazirə oxumağa hazırlaşırmış)) Belə yerdə deyirlər, buranı yarıdıb, indi gedir oranı düzəltməyə.
Gülməli deyil, vallah!
Kimsə oturub can üstə olan “Neftçi”nin bu gününə ağlamalıdır. Birinci növbədə də klubda faktiki olaraq hər şeyə cavabdeh olan Elnur Məmmədov. Təqsiri gənc məşqçinin, gənc futbolçunun üzərinə atmaq lazım deyil.
Problem birinci növbədə yarıtmaz idarəçilikdədir.
Klubun büdcəsi azaldılsa da, yenə də “Qarabağ” və “Qəbələ”dən sonra üçüncüdür. Normalda komanda turnir cədvəlində ən azı ilk üçlükdə olmalıydı. Amma “Neftçi” altıncıdır. Görün, komanda hansı durumdadı ki, debütant “Zirə”, pul üzünə həsrət qalan “İnter”, məhdud büdcəsi olan “Kəpəz” belə “Neftçi”ni qabaqlayır. Və nəhayət, görün, eks “Flaqman” hansı günə düşüb ki, sonuncu yerdə olan “Rəvan” belə ilk qələbəsini “Neftçi” üzərinə qazanır.
Amma bütün bu biabırçılığa baxmayaraq, “Neftçi” ev oyunları zamanı saytında elan yerləşdirir ki, 1 manata bilet satırıq, gəlin oyunumuza. Azarkeş də gəlmir axı oyuna. Sonra da klub gileylənir ki, bizə dəstək olmurlar.
Kimə və niyə dəstək olsun, Elnur Məmmədov?
Siz birinci uğur qazanın, küskün azarkeşi geri qaytarın.
Amma uğur qazanmaq sponsorunuz “ASAN xidmət”dən sənəd almaq qədər asan deyil, onu da biləsiz.
Təmiz qələbəni almırlar, qazanırlar.
Amma siz bunu edə bilmirsiz, sadəcə olaraq bacarmırsız...
... Və bununla da “Neftçi”dən gedənə rəhmət oxutdurursuz.
Aydın BAĞIROV
"Yuventus"dan xal itkisi
"Beşiktaş"dan qələbə
Avroliqada həftənin ən yaxşı futbolçusu odur
Yayda "Real"dan ayrılmaq istəyini rəhbərliyə bildirdi
18 xalları silindi, elitanı tərk edəcəklər
"Futbolçular uduzmaqdan qorxurdular" - Ayxan Abbasov
"Sumqayıt" "Turan Tovuz"u belə məğlub etdi - Video
"Sumqayıt" "Turan Tovuz"a qalib gəldi, 2-ci pilləyə yüksəldi
ÇL-də həftənin ən yaxşı oyunçusu
ÇL-də İtaliyanın 5 klubu mübarizə aparacaq
Ançelotti Ardaya icarəyə getməyi məsləhət görüb
La Liqa klubu baş məşqçi ilə müqaviləni uzatdı
Tovuzda heyətlər açıqlandı
"Roma"nın Lukaku qərarı
"Barselona" "Kamp Nou"ya nə vaxt qayıdacaq?
Naqelsmann daha 2 il Almaniya millisində
Bojoviç yeni mövsüm "Neftçi"də qalacaqmı? - Açıqlama
"Yuventus"a Ronaldo şoku
"Qəbələ" legioneri ilə müqaviləni ləğv etdi
Qurban Qurbanovun "Beşiktaş"ın baş məşqçi vəzifəsinə namizəd olması - Rəsmən təsdiqləndi
Xabi Alonso "Bayer"dən narazıdır
Olimpiya Oyunlarının məşəli yandırıldı - Video, Şəkillər
Premyer Liqanın oyunlarına hakim təyinatları açıqlandı
Avroliqada həftənin ən yaxşısı adına namizədlər
Pioli: "Milan"da qətiyyət çatışmırdı"
Klopp məğlubiyyətin səbəbini açıqladı
"Fənərbaxça" Konfrans Liqası ilə belə vidalaşdı - Video
"Bayer"dən Avropa rekordu
Konfrans Liqasında yarımfinalçılar müəyyənləşdi
"Qaradağ Lökbatan"dan səfər qələbəsi - Video
Fərid Qayıbov ABŞ-də BMT-nin Gənclər Forumunda çıxış edib
"Dinamo" - "Qusar" matçında 4 qol - Video
“Madriddə "Real"a qalib gəlməliyik" - Laporta
UEFA "Barselona"nı cərimələdi
Azərbaycan boksçusu Avropa çempionatına qələbə ilə başladı
Tuhel bunu bacaran ilk alman məşqçidir
İngiltərə kubokunun formatı dəyişir
"Zaqatala"nın qələbəsi - Video
"Qusar"dan darmadağın