24.06.26
BİRİNCİ GÜN
Vyanadan 70 kilometr aralıda Bad Erlah qəsəbəsindəyik. Milli komandamız təlim-məşq toplanışına görə burada məskunlaşıb. AFFA məşq və yoxlama oyunları üçün stadionu da elə otelin lap yaxınlığında (5-10 dəqiqəlik məsafədə) seçib. Stadionun ətrafı meşəlikdi. Məşq, oyun bir yana, beyini artıq yükdən təmizləmək üçün bura əla bir yerdi. Elə bəri başdan bu səfərə Qol.az saytını dəvət etdiyi üçün AFFA-nın baş katibi Elxan Məmmədova, Mətbuat və İctimaiyyətlə Əlaqələr Departamentinin rəhbəri Mikayıl Nərimanoğluna təşəkkür edirəm.
Davamlı olsun))
Millinin qaldığı otel
Bad Erlahı təriflədikcə, səfər yoldaşım İxtiyar (sevimli apasport.az saytının başqanı) deyir ki, İnsbrukun yanında Bad Erlah nədi ki. Vaqif Sadıqov da onunla razılaşır. Stadiondayıq hamımız. Andorra ilə oyuna baxmağa gəlmişik. İsgəndər Cavadov da burdadı ki... Görüşür. Sonra tribunada əyləşir. Nəsə kefsiz dəyir gözümə. Həmkarlarım deyəsən, müsahibə almaq istəyirlər. Qarşıdan 60 illiyi (2 avqustda) gəlir axı... Razılaşmır. Axır vaxtlar qaçır mediadan.
İsgəndər Cavadov, Elxan Məmmədov və Vaqif Sadıqov Andorra ilə oyunu izləyir
“Qarabağ”ın və “Neftçi”nin oyunçuları da tribunadadılar. Bir gün əvvəl Azərbaycan kubokunda final oynadıqlarından və Avstriyaya bizimlə təxminən eyni vaxtda yorğun gəldiklərindən Prosineçki istirahət verib. Oyuna baxırıq hamımız. Rəşad bir kapitan kimi ara-sıra kənardan meydandakı komanda yoldaşlarına səslənib göstəriş verir.
Bir tərəfdə Bad Erlahın gözəl havası, o biri tərəfdə də futbol. Uzun yolun yorğunluğundan elə təzəcə özümüzə gəlmək istəyirik ki, səs-küy başlayır. Tamaşaçılar deyil a, andorralı oyunçulardır. Matçın birinci saniyəsindən axırıncı saniyəsinə qədər, 90 dəqiqə, a kişi, düz 90 dəqiqə bu adamlar dayanmadan, yorulmadan, həvəsdən düşmədən eləcə bir-birilərinə qışqırdılar.
Demək ki, yarıhəvəskar, yarıpeşəkar oyunçular belə olurmuş. Amma problem andorralıların qışqırması deyil. Yas tutub ağlayası deyilik ki… Ağlayırıqsa, gəlin elə bu cırtdan ölkənin yarıhəvəskar komandasına qol vura bilməyən millimizin durumuna ağlayaq. FİFA reytinqində biz 133, onlar 202-ci yerdədilər.
Bad Erlah qəsəbəsinin küçəsində Azərbaycan - Andorra oyununun afişası. Oyuna biletin qiyməti 7-10 avro idi... Az da olsa tamaşaçı gəlmişdi
Başa düşürəm, yoxlama görüşüdü, Prosineçki yeni futbolçulara, özü də gənclərə və yerli oyunçulara şans verir. Əla. Amma razılaşın, millimiz ikinci yox, lap iyirmi ikinci heyətlə oynasaydı belə, Andorra kimi komandanı udmalı idi. Millidə problem çoxdu (Andorra ilə oyundan 2 gün sonra Makedoniya ilə görüşün bizim üçün biabırçı olan birinci hissəsi zamanı buna bir daha şahid olduq – A.B.). Və bu problemi həll etmək təkcə milliyə birbaşa cavabdeh olan Elxan Məmmədovun işi deyil. Mediada barəsində haqlı və haqsız tənqidlər olur. Amma insafla danışsaq, axı, Andorraya qol vura bilməyən, onlara qarşı oynayan baş katib deyil, futbolçudu. Azərbaycan futbolçusu, o futbolçunun məşqçisi uğursuzluğa görə AFFA-nın rəhbərliyindən az məsuliyyət daşımırlar. Etiraf edək ki, bu qədər yüksək şərait yaradılıb milli üçün. Amma məşhur filmdə deyildiyi ki, 8 min manat alıblar, oynamaqlarına bax!
Millinin məşqçi heyətinin, AFFA Məşqçilər Komitəsinin bu problemləri gördüyünə şübhə etmirik. Sentyabrın 4-ü DÇ-2018-də ilk rəsmi oyunumuzdu. İnanmaq istərdik ki, o vaxta qədər bu problemlər həllini tapacaq. Yoxsa, Andorra ilə oyundakı uğursuz nəticənin başqa bir “cırtdan”la – San-Marino ilə görüşdə təkrarlanmayacağına kimsə zəmanət verə bilməz.
Hələlik futboldan bu qədər.
…Oyundan çıxıb Bad Erlahdan maşınla təxminən 10 dəqiqə aralıda yerləşən Lanzenkirçen kəndinə gedirik. Burada biz jurnalistlərin qalacağı otel yerləşir. Kəndə daxil olanda çaşıb qalırıq.
Axı, bura kənd deyil! Məgər, kənd belə olur?
Bura kənddirsə, bəs onda bizim hər gün gördüyümüz – küçələrində inək, qoyun gəzən, yolları tozlu-palçıqlı, peyinli olan yerlər nədir?
Adam heyrətlənməyə bilmir. Bir kəndi necə bu qədər təmiz, səliqəli saxlamaq olar? Bir kənd bu qədər sakit ola bilərmi?
(İkinci günün yazısı – sabah)
Aydın BAĞIROV
Vyana – İstanbul – Bakı aviareysi
30 may
Yuxarı
"Qarabağ"ın Avstriya hazırlığı davam edir - Şəkillər
Ronaldo niyə əvəz olunmadan oynayır?
Uzun müddət yaşıl meydanlardan uzaq qalacaq
"Sabah" Macarıstan klubu ilə heç-heçə etdi
Mundialda büdrədilər, baş məşqçi istefa verdi
Vinisius, Mbappe, Kenan...
Ölkə prezidenti millinin rəhbərliyini sərt tənqid etdi
“Nyukasl” futbolçusunu rekord maaşla heyətdə saxlayır
Konqo ilə matça qədər zədəsini sağaltdı
Kanada CAR-la oyuna necə hazırlaşır?
"Turan Tovuz"un yay hazırlıq planı bəlli oldu
"Matçın danışılmasından söhbət belə gedə bilməz"
"Futbolçular risk etməkdən qorxurlar"
"Real"ı tərk edə bilər
Kyeza göndərilir
İngiltərə millisində növbəti zədə
"Barselona" ekvadorlu istedadı transfer etdi
DÇ-2026: Qrup mərhələsinin rəmzi komandası
Montella Türkiyə millisində qalır!
Martines: “Bu, uşaq yanaşması olardı”
Mundialda Afrika rekordu
Leandro Andrade “Qarabağ”la bu sözlərlə vidalaşdı
“Şah”ı mat edən Aydın
Savodan het-trik, Cəfərquliyevdən gözəl qol ötürməsi - Video
Komandası qrupda qaldı, baş məşqçi istefa verdi
Qurban Qurbanov azarkeşləri sevindirdi - Video
“Zirə”nin rəqibi finala yüksəldi
Messinin mundiallardakı 19-cu qolu - Video
İsveç millisinin məşq etdiyi stadion təəccübləndirdi - Video
Modriç bunu bacaran ən yaşlı futbolçu oldu
DÇ-2026: Bombardirlik yarışında vəziyyət – Messi zirvədədir
Qurban Qurbanov qələbədən və yeni transferlərdən danışdı
1/16 final mərhələsinin bütün cütləri və təqvimi - DÇ-2026
DÇ-2026-da qrup mərhələsinə yekun vuruldu - Yenilənib
Xorvatiya - Qana oyunu üçün heyətlər
Panama - İngiltərə: Heyətlər
Rafael Fiziyevdən möhtəşəm qələbə - UFC Fight Night turniri
"Arsenal" onu hədəfə aldı
“Şamaxı”nın rəqibi bilindi
"Avrokuboklar üçün hər şey edəcəyik" - "Qarabağ"ın oyunçusu
Türkiyə futbol rəhbərliyində Mesut Özil dövrü başlayır?
Kanadanın pley-offda işləri çətinləşir
O da mundialda fərqlənməyi bacardı
"Qarabağ"dan böyükhesablı qələbə - Yeni transferdən het-trik
Dünya Çempionatı 2026
Xəbərlər
Təqvim
Cədvəl