29.08.26
... “La Tribune” qəzetinin birinci səhifəsi “Sent-Etyen” – “Qarabağ” oyununa həsr olunan “Yalnız təəssüflər” başlıqlı yazı ilə açılmışdı. Yerli jurnalistlərin təəssüfü səbəbsiz deyildi. Axı, bir gün əvvəl Qurban Qurbanovun komandası ilk dəfə qatıldığı Avropa Liqasının qrup mərhələsinin Fransa təmsilçisi ilə səfər oyununda bir xal qazanmışdı. Sonradan, 2016-cı ildə Avropa çempionatının final mərhələsinin oyunlarının bir qismini qəbul edəcək bu stadiona ayaq basanda nəyə görəsə xəyalən uşaqlığıma getmişdim. Və yadıma düşmüşdü ki, 1995-ci ilin 6 sentyabrında (15 yaşımın tamam olduğu günün ertəsi) Fransanın başqa bir arenası – Oser şəhərinin “Abbe-Deşam” stadionunda bizim futbolumuz üçün həqiqi faciə baş vermişdi. Fransayla matçda milli komandamız futbol tariximizin ən böyük hesablı məğlubiyyətini (0:10) almış və bu görüş yaddaşlara “Oser faciəsi” kimi düşmüşdü.
Onda isə 2014-cü il idi. İkinci faciə olmasa belə, “Qarabağ”ın ağır məğlubiyyətlə üzləşəcəyini haqlı olaraq ehtimal edənlər az deyildi. Çünki “Sent-Etyen” Avropanın “TOP-5”liyində ilk üçlüyə düşmüş komanda kimi Ağdam klubuna rəqib olmuşdu. Amma gərək ki, ya Maksim Medvedyevin, ya da Qara Qarayevin əla ötürməsindən sonra indi həvəskarlar liqası səviyyəsindəki turnirdə (taleyin işinə bax da!) oynayan Vüqar Nadirov gözəl qol vuraraq hesabı açmış, qolun sevincindən də göz yaşlarını saxlaya bilməmişdi. Sonra o, bu qolu Qarabağ döyüşlərində canından keçən şəhid atasına həsr etdiyini söyləmiş, Ağdamın yoxluğuna görə isə ağladığını demişdi. Fransızlar birinci hissənin sonlarına yaxın hesabı bərabərləşdirsələr də, Vüqarın, Vüqar da daxil olmaqla “Qarabağ” komandasının futbolçu və məşqçi heyətinin hər bir üzvünün əziyyəti sayəsində bu görüşü 1:1 hesabı ilə yekunlaşdırmaq mümkün olmuşdu. Nəticədə də “Qarabağ” bu heç-heçə ilə Avropa kubokunda sensasiyaya imza atmışdı. 
“La Tribune” qəzetinin bu şəklini oyunun ertəsi günü Fransada bir qrup azərbaycanlı jurnalist üçün ayrılan oteldə olarkən çəkmişdim. 3, ya da 4 ulduzlu bu kiçik oteldə bütün qonaqlarını hər səhər doğma fransızcasında nəzakətlə “Bonjur, müsyö”, “Bonjur, madam” kimi sözlərlə salamlayan ortayaşlı nurani bir toppuş xanım söyləyirdi ki, bizim oteldə çox az halda ad günləri olur və siz azərbaycanlıların burada qeyd etdiyi ad günü də onlardan biri idi.
“Qarabağ”ın baş meneceri Asif Əsgərovun 33-cü doğum gününü qeyd etmək təşəbbüsünü klubun istiqanlı direktoru, bu dünyaya sanki hər kəsə mənəvi qardaşlıq etmək missiyası ilə gələn Əmrah Çəlikəl hələ Sent-Etyenə çatmadan, Lionda olarkən mənə zəng vurmaqla bildirmişdi. “Asif bilməsin, ona sürpriz hazırlayaq” deyib təklif irəli sürmüşdü ki, onun doğum gününü məhz jurnalistlərlə birgə oteldə qeyd edək. Jurnalistlər ürək sözlərini həm də vazkeçilməz fransız şərabı ilə söyləmiş, ertəsi gün isə klubun uğurlarının görünməz qəhrəmanlarından olan Asifə ən dəyərli hədiyyəni elə “Qarabağ” özü qazandığı xalla etmişdi...
Fransa səfərim üç gün çəkmişdi. Sent-Etyen kiçik və sakit bir şəhər idi. Beyni “refresh” etməyə köməyi də dəymişdi. Həm bu, həm də “Qarabağ”ın uğurlu nəticəsinə görə Bakıya yaxşı ovqatda gəlmişdim. Aeroportdan çıxan kimi isə şəhər əvvəlcə heç nədən söz anlamayan bəzi həyasız taksi sürücüləri, sonra isə özünün səs-küyü ilə sanki üzərimə hücum çəkmişdi. Feysbukdakı səhifəm xatırlatdı deyə, başqa bir hadisə yadıma düşdü. Bu paylaşımı aeroportdan aralandıqdan sonra elə həmin günü yazmışdım, indi yenidən paylaşıram:– “Üç gun idi Fransadaydım. Beyin, əsəb də sakit. Bakıya düşəndən sonra yolda rastlaşdığım ilk hadisə: “Koroğlu” tərəfdə biri çıxıb körpünün üstünə özunü atmaq istəyir, tıxac da nə boyda... "Gozəl" məmləkət!...”
... Kaş 2014-dəki “Qarabağ” indi də olaydı...
Aydın BAĞIROV
[email protected]
Ronaldo millinin məşqini buraxdı
“Qalatasaray”ın baş məşqçisinin cəzası bilindi
Finlandiya Belarusla heç-heçə etdi
"Zirə"nin futbolçusu millidə qol vurdu
“Real”ın zədəli futbolçularından xəbər var
"Beşiktaş"ın nə zaman asan təqvimi olub ki..."
“Mançester Siti”dən Premyer Liqa qərarına etiraz
“Qaradağ Lökbatan”ın 4 qollu qələbəsindən - Video
“Türkiyə üzərindəki qələbə bizim üçün dəyərlidir”
Tuxel UEFA Millətlər Liqasının yeni formatını tənqid etdi
2-ci liqada 5-ci tura yekun vuruldu
İtaliya klubunda yeni baş məşqçi
Rafinya zədələndi
Misli Premyer Liqasında daha 6 oyunun vaxtı məlum oldu
Vinisius Juniorla bağlı şok iddia: Qaçırılıb...
Jiru karyerasını başa vurur
Misli Premyer Liqasında oyunların saatı bilindi
"Çelsi"yə "hə" dedi
Azərbaycan - Lixtenşteyn oyununun hakimləri açıqlandı
İlham Əliyev FİFA prezidentini qəbul etdi - Şəkillər
Canni İnfantino Bakıya gəldi
“Ay-ulduzu daşıyan heç kim fitə layiq deyil” - Fatih Terim
Ançelottidən tənqidlərə cavab
"Xankəndi"nin yeni baş məşqçisi açıqlandı
Azərbaycan millisi mübarizəyə final mərhələsindən başlayacaq
Türkiyədə Hakimlər Komitəsinin sədri saxlanıldı
Məşhur klub 1,37 milyard avroya yeni stadion tikir
Bursada İtaliya şousu - Video
Yamaykadan “Qarabağ”a məyusedici xəbər gəldi
UEFA Mbappenin qardaşını 3 oyunluq cəzalandırdı
Marko Yankoviç İrəvanda - Şəkil
Varkonyinin millidəki debütu baş tutmadı
Puxaç millidə əsas heyətdə oyuna çıxdı
“Qarabağ”ın qapıçısı oynadı, komandası qalib gəldi
Türkiyə İtaliyaya, Belçika Fransaya uduzdu
“Barselona” “Kamp Nou”dan milyonlar qazanmağa hazırlaşır
"Ronaldo ilə danışmalıyam"
Yankoviçin millisi qələbə qazandı
Türkiyə - İtaliya matçının heyətləri açıqlandı
Yığmanın oyunlarını buraxacaq
Şamaxıda vurulan 5 qol - Video
