Çeferindən İnfantinoya sərt sözlər: “Artıq kifayətdir”

Çeferindən İnfantinoya sərt sözlər: “Artıq kifayətdir”
DÜNYA FUTBOLU 30 Sentyabr 2026 / 02:10 224
-  A +

UEFA prezidenti Aleksander Çeferin FİFA rəhbəri Canni İnfantinonu sərt şəkildə tənqid edib.

QOL.az "The Guardian"a istinadən xəbər verir ki, Çeferin Kopenhagendə keçirilən Avropa Futbol Klubları Assosiasiyasının (EFC) Baş Assambleyasında çıxışı zamanı FİFA-nın son qərarları və idarəçilik üslubu ilə bağlı ciddi iradlar səsləndirib.

UEFA prezidenti İnfantinonun adını çəkməsə də, çıxışının FİFA rəhbərinə yönəldiyi açıq şəkildə hiss olunub. Çeferin Kopenhagendə keçirilən tədbirdən istifadə edərək Hans Kristian Andersenin “İmperatorun yeni libası” nağılını nümunə gətirib.

“İmperatorun çılpaq olduğunu hamı görür. Onu fərqli göstərməyə çalışmaq isə reallığı dəyişmir”,  - deyə o bildirib.

Çeferin FİFA-nın bəzi qərarlarının şəffaf və demokratik olmadığını iddia edib. O, xüsusilə FIFA Forward Enterprise layihəsi ilə bağlı prosesləri tənqid edib.

UEFA prezidenti klublara müraciət edərək belə bir nümunə də çəkib: “Təsəvvür edin ki, klubunuzun rəhbərlərindən biri sizdən xəbərsiz onun gələcəyi ilə bağlı mühüm qərar qəbul edir. Nə idarə heyətinin, nə futbolçuların, nə də azarkeşlərin bundan xəbəri var. Siz bunu qəbul edərdinizmi?”

Çeferin həmçinin siyasi lider üçün yaradılan sülh mükafatını və dünya çempionatı zamanı baş verən bəzi hadisələri də tənqid edib. “Düşünürəm ki, artıq ‘kifayətdir’ deməyin vaxtıdır. Heç bir vəzifə, titul və güc futbolun gələcəyini satmaq hüququ vermir”, - deyə UEFA prezidenti vurğulayıb.

Qeyd edək ki, FİFA prezident seçkilərinin gələn ilin martında keçirilməsi planlaşdırılır. Namizədlərin irəli sürülməsi üçün son tarix isə 18 noyabrdır.

Bizi İnstaqramda izləmək üçün kliklə!


Qarabağ FK
Son xəbərlər
29.09.26  17:17

Rafinya zədələndi

29.09.26  12:49

"Çelsi"yə "hə" dedi

topaz banner