27.02.26
Azərbaycan milli komandasının baş məşqçisi Robert Prosineçki Qətərlə martın 9-da Dohada keçiriləcək yoxlama oyunu üçün millinin əsas heyətini açıqlayıb.
23 nəfərlik bu heyətdə 4 yeni futbolçu var: “Qarabağ”ın milliləşdirilən braziliyalısı Riçard Almeyda, onun komanda yoldaşı Şahruddin Məhəmmədəliyev, “Qəbələ”dən Tellur Mütəllimov və “İnter”dən Abbas Hüseynov.
Heyətdəki digər 19 futbolçu da bizə yaxşı tanışdı və bu mənada, onların milliyə dəvət edilməsində qeyri-adi nəsə axtarmağa gərək olmazdı. Əgər heyətə bu dəfə də o futbolçu – Prosineçkinin “balaca qardaşı” Arif Daşdəmirov dəvət edilməsəydi…
Statistikaya diqqət edək. Arif Daşdəmirov Topaz Premyer Liqada son dəfə meydana dörd ay əvvəl, daha dəqiqi, 2016-cı ilin noyabrın 19-da “Qarabağ” – “Kəpəz” oyununda çıxıb. Bu qarşılaşmadan 1 həftə əvvəl millinin dağıstanlı legioneri Belfatsda Şimali İrlandiya ilə matçın əsas heyətində yer alıb və etdiyi kobud səhvlərə görə komandamızın 0:4 hesablı məğlubiyyətinin əsas səbəbkarlarından olub. 24 noyabr, 2016-cı ildə Avropa Liqasının “Slovan” – “Qarabağ” görüşündə isə Daşdəmirov yenə biabırçı səhvlər edib və nəticədə Ağdam klubu 0:3 hesabı ilə uduzub.
Məhz bu uğursuz çıxışından sonra “Qarabağ”ın baş məşqçisi Qurban Qurbanov Daşdəmirovu əsas heyədən kənarlaşdırıb və o, bir qayda olaraq ehtiyat oyunçular skamyasında oturub. O vaxtdan bəri Daşdəmirov rəsmi oyunda bir dəqiqə (!) olsa belə, meydana çıxmayıb… Buna baxmayaraq, Prosineçki milliyə və “Qarabağ”a yaramayan bu futbolçunu yenə əsas komandaya dəvət edib.
Sual olunur, niyə?
“Qarabağ”da həm Arif, həm də İlqar Qurbanov müdafiənin sağ cinahında oynayır. İlqar Qurbanov son turlar uğurlu oyunu ilə müntəzəm olaraq ilk 11-likdə alır və əsas rəqibi Arifi start heyətdən kənarlaşdırmağı bacarıb. Məntiqlə baş məşqçi bu halda ehtiyat heyətin “daimi sakini” Arifə deyil, əsas heyətdə oynayan İlqara dəvət göndərməliydi.
Amma…
Anormal qərarı Prosineçki də verə bilər. Bəlkə heç anormal qərar da deyil. Bəlkə məhz elə düşünülmüş, şüurlu şəkildə verilən qərardı bu?
Məlum, Dağıstandan yığmamıza cəlb olunan xeyli milliləşdirilmiş oyunçu var. Və onlardan Arif də daxil olmaqla, düz 5 nəfəri (Şahruddin Məhəmmədəliyev, Bədavi Hüseynov, Məhəmməd Mirzəbəyov, Ruslan Qurbanov və yenə həmin Arif Daşdəmirov) Qətərlə oyuna çağırılıb. Bu futbolçulardan millimizə layiq olanları var. Məsələn, Bədavi Hüseynov, maksimum da Ruslan Qurbanov. Bəs digərləri?
Prosineçki Ariflə yanaşı qapıçı Şahruddin Məhəmmədəliyevə də dəvət göndərib. Görəsən, başqa bir istedadlı yerli futbolçumuz, bu mövsüm normal oyun sərgiləyən Aqil Məmmədov dura-dura Prosineçki başqa bir dağıstanlı oyunçuda nə görüb?
Ümumiyyətlə, o, niyə başqa respublikaların futbol məktəblərinin yetirmələrini milliyə dəvət edir? AFFA-da hansısa gözəgörünməz qrupun diqtəsiylə?
Bu gün 4 aydı heç yanda oynamayan, oynayanda belə milliyə ancaq zərər vuran Arif Daşdəmirov kimi futbolçular ölkənin əsas komandasına cəlb olunurlar. Və bütün bu anormal qərarlardan sonra biz yenə də "Niyə də yox" deyirik...
Görün, kimlərlə və hansı futbol ağlı ilə dünya çempionatına düşməyin xəyallarını qururuq...
Aydın BAĞIROV
[email protected]
"Yuventus" baş məşqçi ilə bağlı qərarını verdi
"Avrokubok üçün əlimizdən gələni edəcəyik" - Rəşad Sadıqov
"Tam özümüzə gəlməmişik" - Qurban Qurbanov
"Qarabağ"ın vacib qələbəsindən - Video
Qavi geri dönür
Qırmızı vərəqələr, ləğv edilən qollar, hərəyə 1 xal
"Sabah" "İmişli"yə, "Qarabağ" "Zirə"yə qalib gəldi
"Fənərbaxça" futbolçuları təhdid edilir
"Qalatasaray"lı Osimhen "Real"a gedir?
"İnter" qələbəni son anda əldən verdi
"Tottenhem"də ciddi itkilər var
Futbolçular meydandan təxliyə olundu
"Onlar öz güclü tərəflərini bizə göstəriblər"
"Sabah"ın böyükhesablı qələbəsindən - Video
“Araz-Naxçıvan” da ev oyunlarını Sumqayıtda keçirəcək
"Bizi dəstəkləmələri çox vacibdir" - "Sabah"ın futbolçusu
"Zirə" - "Qarabağ": Heyətlər
"Səhvlərimizdən maksimum yararlandılar" - Jorj Kaşkilya
Ronaldonun oğlu baş məşqçiyə əsəbləşdi - Video
Ülviyyə Fətəliyeva beynəlxalq turnirin qalibi oldu
Neymar: "Aman Tanrım, özüm olmaq necə də çətindir"
Azərbaycanda federasiyalar birləşdirildi
"FİFA DÇ-2026-ya ev sahibliyini ABŞ-dan almalıdır"
"İmişli" - "Sabah": Heyətlər
Azərbaycanın millisi Çempionlar Kubokunun yarımfinalında
Arbeloa: "Tənqidlər məni narahat etmir"
"Liverpul" "Real"ın iki futbolçusunu transfer edə bilər
"Atletiko"da itki
"Sona qədər avrokuboklar uğrunda mübarizə aparacağıq"
Ayxan Abbasov klub rəhbərlərini belə tənqid etdi - Video
“İndiki boksçuları heç kim tanımır” - Mayk Tayson
Messi, yoxsa Ronaldo? - Hazard seçdi
“Qarabağ”dan ayrılan Krisdən açıqlama
Nəriman yeni klubunun stadionunu ziyarət etdi - Video
Renat oynadı, komandası qalib gəldi
“Fənərbaxça”nın mövsümdəki ilk məğlubiyyəti - Video
Ruzanna Məmmədova Avropa ikincisi oldu
“Qələbə qazana bilməməyimizin səbəbini bilmirəm” - Saşa İliç
"Şamaxı" "Sumqayıt"a belə qalib gəldi - Video
“Bir çox klub rəhbəri artıq getməlidir” - Ayxan Abbasov
"Fənərbaxça"dan şok məğlubiyyət
"Neftçi" - "Qarabağ" matçının vaxtı açıqlandı
"Araz-Naxçıvan"ın qələbəsi - Video
"Getdikdə daha yaxşı oynayırıq" - Andrey Demçenko
