29.08.26
Bir qədər sonra o qaydaların üzərinə gələcəm. Hələlik diqqətinizi neçə gündür xüsusilə sosial şəbəkələrdə müşahidə etdiyim iki məqamın üzərinə yönəltmək istəyirəm.
Məlumdur ki, “Neftçi”nin baş məşqçisi Böyükağa Hacıyev həmişə iddialı açıqlamaları ilə də yadda qalıb, işlətdiyi fikirlərlə rəqiblərinə psixoloji təsir etməyə çalışıb. Hacıyev Azərbaycanda və Avropada elə komanda olmayıb ki, ondan çəkindiklərini söyləsin. İstər Bakının “Rəvan” klubu olsun, istərsə də İtaliyanın nəhəng “İnter”i - həmişə qalib gələcəklərini və ya bunun üçün mübarizə aparacaqlarını deyib. Təbii, o, özünə inandığı üçün belə danışıb. Və az qala hər dəfə B.Hacıyevin bu fikirlərini sosial şəbəkərlərdə lağa qoyublar, irad tutublar ki, niyə özündən bu qədər razıdır.
Bu, dediyim birinci məqamdır.
İndi gələk ikinci məqama. Elə həmin futbol azarkeşləri B.Hacıyevin həmkarı, “Qarabağ”ın baş məşqçisi Qurban Qurbanova da etiraz ediblər. Cəsarətli açıqlamalar verən B.Hacıyevi yekəxana adlandıran elə həmin azarkeşlər bu dəfə soyuqqanlı, rəqibləri haqda artıq söz işlətməməyə çalışan, adətən, “rəqibə hörmət edirik, qələbə haqda indidən nəsə deyə bilmərəm” kimi standart açıqlamalar verən Qurban Qurbanova isə irad tutublar ki... niyə bu qədər qorxursan, niyə demirsən ki, biz qalib gələcəyik?
Toplum olaraq, futbola baxışımız belədir, bizim: büsbütün ziddiyyətli... Ürəkli danışanda dikbaş olursan, soyuqqanlı və ehtiyatlı danışanda qorxaq!
Hə, indi gəlirəm, ən vacib məqama – Qurban Qurbanovun qızıl qaydalarına. O qaydalardan biri istənilən rəqibə ehtiram üzərində qurulub. Qurban Qurbanov dünən məğlub etdiyi “Zalsburq”a da, ondan əvvəl Çempionlar Liqasında mübarizədən kənarlaşdırdığı, çoxlarının məhəllə komandası adlandırdığı “Valletta”ya da, hətta Azərbaycan çempionatının birinci dəstəsində oynayan “Qaradağ-Lökbatan”a da, bir sözlə, güclü-zəif fərq etmir, bütün rəqiblərinə hörmət edəcək dərəcədə alicənab bir məşqçidir!
Və o, bu qızıl qaydanı komandasında da tətbiq edib. “Qarabağ”ın hansısa yerli futbolçusunun rəqib haqda artıq-əskik danışdığına rast gəlmisiniz? Yox!
Qurbanovun bu qaydası bəlkə hansısa çılğın azarkeşimiz üçün mənasız, darıxdırıcı görünə bilər. Amma bu qayda Qurban Qurbanovun başqa bir qızıl qaydası ilə zənzirvari bağlıdır. O qayda əsasında isə Q.Qurbanov həm də Azərbaycanda çox futbolçuya örnək olacaq bir nəsil yetişdirir: tərbiyəli futbolçular nəsli!
Mən Qurban Qurbanovun futboldakı uğurları haqda danışmayacam. Amma onun futboldankənar, amma həm də futbola aidiyyatı olan başqa bir uğuruna toxunacam: “Qarabağ”da yaratdığı mehriban mühitə. İstənilən kənar adam bu komandanın içinə düşəndə, özünü heç vaxt yad hiss etmir, bu klubun bir üzvü kimi olur. Yəqin ki, bunu “Qarabağ”la birgə xaricdə təlim-məşq toplanışında olan jurnalistlərimiz də təsdiqləyə bilərlər.
Deməli, Qurban Qurbanovun qızıl qaydaları təkcə rəqiblərə deyil, həm də insanlığa hörmət üzərində qurulub.
Azərbaycan futbolçusunun özbaşınalıqları, yekəxanalıqları, harınladıqları haqda çox yazılıb. “Qarabağ”da da Azərbaycan futbolçusu oynayır: onların da yaxşı gəliri, bahalı maşını var, amma “Qarabağ”lı futbolçunun həm də səviyyəsi, insanlığı var!
Səviyyəsi olan azarkeşi söymür...
İnsanlığı olan harınlamır, qudurmur...
Qurban Qurbanovun ən böyük uğurları həm də elə bunlardır, bu qaydalardır, özü kimi şəxsiyyət ola biləcək insan yetişdirmək bacarığıdır...
Aydın BAĞIROV
Rəşad Eyyubov limitlə bağlı: “Kim yaxşıdırsa, oynamalıdır”
Türkiyə - Fransa: Heyətlər
Bekhemin DÇ-2026-dan qazancı açıqlandı
Almaniya millisinin oyunlarını buraxacaq
Yenidən Azərbaycan Premyer Liqasına qayıtdı
Azərbaycanın U-21 millisi Çexiyadan xal aldı
"Zirə" Çempionlar Liqasının 1/4 finalında
Azərbaycan Qran-Prisində sıralama turu keçirildi
Millidə zədələndi, klubuna qayıdır
Ardıcıl 2-ci dəfə İngiltərənin ən yaxşı futbolçusu seçildi
Azərbaycan klubu baş məşqçini istefaya göndərdi - Rəsmi
4 böyük liqadan FİFA-ya islahat çağırışı
Türkiyə - Fransa oyunu hansı kanallarda?
"Zirə"dən ayrılan futbolçu "Şəfa"da - Rəsmi
Van Dayk "biabırçılıqdır" dedi, Klopp cavab verdi
“Sabah”ın hücumçusu Almaniya millisindən dəvət gözləyir
Litva- Azərbaycan matçının hakimləri açıqlandı
Burak Yılmazın yeni klubu müəyyənləşdi
Maksimov “Araz-Naxçıvan”da ilk məşqinə çıxdı - Şəkil
Runi yəhudi köklərinin olduğunu açıqladı
Braziliya millisində yeni 10 nömrə
Amsterdamda son dəqiqə qolu - Video
Azərbaycan Qran-Prisində 2-ci gün
Dünyanın ən bahalı 10 milli komandası hansılardır?
Almaniya Niderlandla heç-heçə etdi - Millətlər Liqası
Klopp və Xavi 2 il sonra...
Argentina millisinin kapitanı seçildi
"Zirə"nin futbolçusu əməliyyat olundu
Malta Millətlər Liqasına qələbə ilə başladı
Azərbaycan boksçusu Avropa çempionu oldu
Qapıçıya sərt cəza - 20 illik futboldan uzaqlaşdırıldı
İrlandiya - İsrail matçı öncəsi gərginlik
Benzemanın “Nike”la əməkdaşlığı başlamadan bitdi
“Benfika” onları şikayət etdi
Özbəkistan millisi İrana qalib gəldi
Kişi klubunu çalışdıran ilk qadın məşqçi ilə yollar ayrıldı
Ürək problemi yaşayan futbolçu fərdi məşqlərə başladı
Azərbaycan Qran-Prisində sərbəst yürüşlər keçirildi
2-ci liqada 6 oyunun hakimləri bilindi
Xavi “Qızıl top” üçün əsas namizədini açıqladı
Vüsal İsgəndərli: “Bu yükün altından çıxmalıyıq”
Alabanın yeni klubu rəsmiləşdi
