12.06.26
AZAL futbol klubunun öz işinə hansı məsuliyyətlə, daha doğrusu, nə qədər qeyri-ciddi yanaşdığını üç gün əvvəl bir daha gördük. Çempionatın bitməsinə on bir tur qalmış klub rəhbərliyi səkkizinci yeri tutan komandanın baş məşqçisindən tələb edir ki... avrokuboklara vəsiqə qazan. AZAL-ın indiki potensialı və büdcəsi ilə mümkün olmayan bir iş!
Ən qəribəsi odur ki, Vaqif Sadıqovun istefa verdiyi həmin gün onun komandasını Avroliqada oynamağa imkan verən üçüncü yerin sahibindən nə az, nə çox, düz on altı xal ayırırdı.
Əslində bu məntiqsiz tələb bəhanədən başqa bir şey deyil. Belə görünür ki, AZAL-ın rəhbərliyi Vaqif Sadıqovla yolları ayırmaq fikrinə indi yox, hələ lap çoxdan düşübmüş. Yoxsa, hansı normal klub rəhbərliyi turnir cədvəlinin sonlarında məskən salan komandanın baş məşqçisi qarşısına avrokuboka getmək vəzifəsi qoyar?
Düzdür, bu tələb hələ çempionatın lap əvvəlində də olub, amma Sadıqov qarşısına qoyulan işin öhdəsindən, təbii olaraq, gələ bilməyib. Vaqif Sadıqova gülünc ittihamlar irəli sürməklə deyil, bir az ədalətli olaq. AZAL klubu avrokuboka getmək şansını indi və ya bir-iki ay əvvəl də yox, ötən ilin avqustunda, hələ Topaz Premyer Liqası başlamamış itirmişdi. Və əmin ola bilərsiniz ki, bu uğursuzluğa görə AZAL rəhbərliyi olmayan azarkeşi qarşısında Vaqif Sadıqovdan daha artıq məsuliyyət daşıyır.
Vaqif Sadıqov yeddi aydır haray çəkirdi ki, mənim normal heyətim yoxdu, komandaya yeni, səviyyəli futbolçular lazımdır. Amma rəhbərlik bu həyəcan təbilini eşitmək, haqlı xəbərdarlıqdan nəticə çıxarmaq əvəzinə görün, nə etdi: klubun büdcəsini iki-üç dəfə azaltdı, bir neçə aparıcı futbolçusunu saxlaya bilmədi və ya saxlamadı. Sadıqov isə qaldı hec nəyə yaramayan futbolçuların əlində. Bununla belə, o, öz təcrübəsi hesabına AZAL-ı birtəhər ayaqda saxlaya bildi, iddialı klublardan xal aldı. Gərək ki, çempionatın gedişatında liderliyə də yüksəldi. Amma mövcud heyətdəki bu güc əvvəl-axır bitməliydi və bitdi də. Təbii ki, Sadıqov bunu görürdü və haqlı olaraq yeni, keyfiyyətli oyunçular tələb edirdi.
AZAL rəhbərliyi isə öz işinə ənənəvi qeyri-peşəkar yanaşmasından əl çəkmək istəmədi. Yeni stadion, baza tikmək işin hələ başlanğıcıdır. Normal komandan, yaxşı heyətin olmayandan sonra o futbolu kimin üçün oynayırsınız? “AZAL Arena”nın boş tribunaları üçün?
Büdcəsi AZAL-dan beş-altı dəfə artıq, səviyyəsinə görə bu klubun futbolçularından on qat üstün olan klubların heç biri məntiqə sığmayan bu cür hərəkət etməmişdilər ki, AZAL etdi.
Görəsən, klub rəhbərliyi komandanın bundan sonra Avroliqaya vəsiqə qazanacağına heç özü inanır? Əlbəttə, bu, absurd olardı.
Sadıqov iki mövsümdə Premyer Liqamızın büdcəsinə görə ən kasıb klublarından olan AZAL üçün bacardığını etdi. Heyf ki, klubun rəhbərliyi bu komandaya onun qədər yanmadı. Yansaydı, Vaqif Sadıqovdan tələb etdiyi kimi, sponsorları AZAL aviaşirkəti qarşısında da məsələ qaldırardı ki, indiki büdcə və ucuz, əksəriyyəti keyfiyyətsiz futbolçularla Avropaya vəsiqə qazanmaq olmaz.
Vaqif Sadıqov isə özünə hörmət edən məşqçidir. Komandası autsayderlərlə bir sırada olduğu vaxtda “Avrokuboka vəsiqə qazanmalısan” kimi qeyri-peşəkar tələblə rastlaşan məşqçi əlbəttə, tutduğu vəzifədən də, düşdüyü o mühitdən də getməliydi.
Aydın BAĞIROV
"Turan Tovuz" hazırlıqlara başladı
Azərbaycan şahmatçısı Özbəkistanda 1-ci oldu
Noyer millinin tarixinə düşdü
"Şamaxı" yeni transferini açıqladı
Azərbaycan millisi Avropa kubokunun finalında
“Real” Kukurelyanı gətirir
Almaniya və Kurasao millilərinin start heyətləri açıqlandı
"Mançester Siti"də 5 illik müqavilə
Rüştü Reçberin uğurunu təkrarladı
Arda Güler hakim qərarından narazı qaldı
FİFA ulduzu çıxarmağı tələb etdi
"Tottenhem"də qalır
Dünya çempionatında rekord qırdı
Azərbaycanın 8 şahmatçısı dünya çempionatına yollandı
Arda Turan Ukraynada mövsümün ən yaxşı məşqçisi seçildi
ABŞ-a buraxılmayan hakim bütün mükafatını alacaq
"Bəzən şillə yemək ayağa qalxmaq üçün yaxşıdır" - Çalhanoğlu
Ranqniklə müqavilə uzadıldı
Azərbaycandan getdi, çempionla müqavilə bağladı
Türkiyədən məyusedici başlanğıc - Video
"Şamaxı"dan ayrıldı, Ermənistan klubuna keçdi
İngiltərə millisinə tornado xəbərdarlığı edildi
"Növbəti matçda daha yaxşı oynayacağıq" - Montella
Braziliya - Mərakeş oyunundan - Video
“İsveçrə ilə matçda komandamla qürur duydum”
Vinisius oyunun ən yaxşısı seçildi - DÇ-2026
Məğlubiyyətdən son anda qurtuldular
Azərbaycan milliləri yarımfinalda
Hökumətdən sərt addım - DÇ-2026 matçlarını izləməyəcəklər
"Şamaxı"da baş məşqçinin köməkçiləri müəyyənləşdi
Rosenior Fransadan gələn təklifi rədd etdi
Prezident milliyə müraciət etdi
"Elçe" yeni baş məşqçisini açıqladı
Premyer Liqada saç çəkməyə görə cəza qaydası dəyişir
"Ançelottinin bütün sirlərini bilirəm"
Yuri Vernidubdan mundial proqnozları: "Fransa yığması.."
İngiltərə yığmasının oğurlanan əşyalarından xəbər var
Dünya çempionatları tarixinə düşdü
Dünya Çempionatı 2026
Xəbərlər
Təqvim
Cədvəl