27.02.26
“Qarabağ”ın İngiltərə klubları ilə matçlarda uğursuz statistikası var: 7 oyun, 7 məğlubiyyət.
Bu gün Ağdam klubu “Tofiq Bəhramov”da “Dumanlı albion”lularla 8-ci oyuna çıxır. Rəqib “Çelsi”dir. Klublararası son dünya çempionu.
“Çelsi” adı bizim üçün həmişə qorxulu səslənib. 8 il əvvəl “zadəganlar” “Qarabağ”a ÇL-in qrupundakı debüt matçında “Stemfotd Bridj”də 6 cavabsız qol vurmuşdular. Sonra Bakıda da 4:0 hesabı ilə qələbə qazandılar.
Amma əminliklə söyləmək olar ki, bu “Qarabağ” 8 il əvvəlki ÇL təcrübəsi olmayan və həyəcanlı “Qarabağ” deyil: indi baş məşqçi Qurban Qurbanov da, onun futbolçuları və az qala bizim üçün əfsanələşmiş oyun sistemi də təcrübə sarıdan daha da bərkiyib. Bu mövsüm ÇL-də 3 oyundan 2 qələbə bunun ən sadə isbatıdır.
“Qarabağ” hazırkı mövsüm ÇL-in sürpriz və ən maraqla izlənilən komandasıdır. Rəqibləri artıq onu səthi deyil, dərinliyinə qədər öyrənirlər.
Elə ona görədir ki, “Çelsi” kimi komandanın baş məşqçisi Enso Mareska belə “Qarabağ”ın gücünü, səviyyəsini qəbul və etiraf edir, Bakıdakı matçın çox çətin keçəcəyini söyləyir. Bir mövsüm "Mançester Siti"də Xosep Qvardiolanın da köməkçisi olmuş 45 yaşlı bu italiyalı dünən keçirdiyi mətbuat konfransında bir yox, ayrı-ayrılıqda düz 5 dəfə (!) “Qarabağ”+Qurban Qurbanov barədə yüksək ehtiramını ifadə edib.
Buyurun, bu da Mareskanın fikirləri:
- “Qarabağ” evdə çox güclüdür. Onların avrokubok təcrübəsi və çox ehtiraslı azarkeşləri var. Bu, asan oyun olmayacaq. Onlara böyük hörmətlə yanaşırıq. Amma məqsədimiz aydındır: qələbə qazanmaq və növbəti mərhələyə bir addım da yaxınlaşmaq. Matç başlayan kimi diqqətli olmalı və oyunun nəzarətini ələ keçirməliyik.
Və yaxud:
- Onlar evdə çox güclüdürlər. Burada oynamaq heç vaxt asan olmur: həm atmosfer, həm də stadion baxımından fərqli bir təcrübədir. Onların çox təcrübəli oyunçuları var və uzun illərdir avrokuboklarda çıxış edirlər. Biz onları çox ciddiyə alırıq, çünki bilirik ki, əgər diqqəti bir anlıq itirsək, bizi cəzalandıra bilərlər.
- “Qarabağ” yaxşı komandadır. “Benfika”nı, “Kopenhagen”i udublar, ‘Atletik Bilbao’ya qalib gəlirdilər, sadəcə oyunun sonunda uduzdular. Amma heç şübhəsiz ki, bu oyun bir çox səbəbdən çətin olacaq.
- Düzünü desəm, komanda kimi onlar çox güclüdür. Çox intensiv oynayan komandadırlar. Pressinq etmə tərzləri, bir-birinə dəstək vermələri göstərir ki, uzun illərdir eyni baş məşqçi ilə birlikdə işləyirlər. Bu, meydandakı əlaqələrinə də təsir edib. Xüsusilə ev oyunlarında daha da intensiv olurlar. Deydiyim kimi, bu, çox çətin qarşılaşma olacaq.
Qurban Qurbanov haqda:
- Açığı, belə bir şeyə (17 il bir komandanın baş məşqçisi olmağa) rast gəlməmişəm. Bəli, bu, inanılmaz bir şeydir. Artıq 17 ildir eyni klubda işləmək sadəcə heyrətamizdir”.
Yadlar bizimkilərə layiq olduqları qiyməti ver. Amma bəzi nankor özümüzünkülər…
Nə isə, oyuna qayıdaq. Bəs, Qurban Qurbanov nə deyir? Rəqibə ənənəvi hörmət ifadə edən fikirlər, hətta “Çelsi”yə mümkün məğlubiyyətin belə komandası üçün uduş olacağını. Qurbanovun son fikri ondan qələbə gözləyən sıravi azarkeşə təəccüblü və gözlənilməz görünə bilər. Amma “Qarabağ”ın tarixində yalnız ikinci dəfədir klub futbolunun ən ali mərtəbəsi, zirvəsindədir və “Çelsi” kimi böyük güc və ənəyəyə malik komandalarla matçlar hər şeydən əvvəl bizim üçün yaxşı bir təcrübə olmalıdır.
Amma bu, heç o demək də deyil ki, “Qarabağ” uduzmağa çıxacaq. Əlbəttə komandanın məqsədi xal qazanmaqdır: 1 xal yaxşı, 3 xal isə əla olar. Buna ümid verən isə elə Qurban Qurbanovun müdafiədə oynamayacaqları ilə bağlı cəsarətli fikirləridir. Elə yazını da Q.Qurbanovun həmin nikbin fikirləri ilə yekunlaşdırıram:
“Mən hazırda beşli müdafiə ilə oynamağı xoşlamıram. Futbol isə bizim kimi komandalara beşli müdafiəni tələb edir. Mən həmişə bildirmişəm ki, biz indiyədək qazandığımız uğurları öz sistemimizə görə bacarmışıq. Bəzi matçlarda müdafiəyə meyilli oyunu, bəzilərində dağıdıcı futbol qurmaq olar. Lakin belə halda uzunmüddətli uğur əldə etməyi görmürəm. Hə, elə komandalar var ki, beşli müdafiə ilə dominant futbol oynayır. Bu, başqa məsələdir. Amma bu gün "Çelsi"nin qarşısını beşli müdafiə ilə almağı düşünməmişəm. Amma oyunun gedişatında düzülüşdə müəyyən dəyişiklik etmək olar. Bəlkə də sırf müdafiəçi ilə yox, hücumçu ilə…”
Aydın Bağırov
"Yuventus" baş məşqçi ilə bağlı qərarını verdi
"Avrokubok üçün əlimizdən gələni edəcəyik" - Rəşad Sadıqov
"Tam özümüzə gəlməmişik" - Qurban Qurbanov
"Qarabağ"ın vacib qələbəsindən - Video
Qavi geri dönür
Qırmızı vərəqələr, ləğv edilən qollar, hərəyə 1 xal
"Sabah" "İmişli"yə, "Qarabağ" "Zirə"yə qalib gəldi
"Fənərbaxça" futbolçuları təhdid edilir
"Qalatasaray"lı Osimhen "Real"a gedir?
"İnter" qələbəni son anda əldən verdi
"Tottenhem"də ciddi itkilər var
Futbolçular meydandan təxliyə olundu
"Onlar öz güclü tərəflərini bizə göstəriblər"
"Sabah"ın böyükhesablı qələbəsindən - Video
“Araz-Naxçıvan” da ev oyunlarını Sumqayıtda keçirəcək
"Bizi dəstəkləmələri çox vacibdir" - "Sabah"ın futbolçusu
"Zirə" - "Qarabağ": Heyətlər
"Səhvlərimizdən maksimum yararlandılar" - Jorj Kaşkilya
Ronaldonun oğlu baş məşqçiyə əsəbləşdi - Video
Ülviyyə Fətəliyeva beynəlxalq turnirin qalibi oldu
Neymar: "Aman Tanrım, özüm olmaq necə də çətindir"
Azərbaycanda federasiyalar birləşdirildi
"FİFA DÇ-2026-ya ev sahibliyini ABŞ-dan almalıdır"
"İmişli" - "Sabah": Heyətlər
Azərbaycanın millisi Çempionlar Kubokunun yarımfinalında
Arbeloa: "Tənqidlər məni narahat etmir"
"Liverpul" "Real"ın iki futbolçusunu transfer edə bilər
"Atletiko"da itki
"Sona qədər avrokuboklar uğrunda mübarizə aparacağıq"
Ayxan Abbasov klub rəhbərlərini belə tənqid etdi - Video
“İndiki boksçuları heç kim tanımır” - Mayk Tayson
Messi, yoxsa Ronaldo? - Hazard seçdi
“Qarabağ”dan ayrılan Krisdən açıqlama
Nəriman yeni klubunun stadionunu ziyarət etdi - Video
Renat oynadı, komandası qalib gəldi
“Fənərbaxça”nın mövsümdəki ilk məğlubiyyəti - Video
Ruzanna Məmmədova Avropa ikincisi oldu
“Qələbə qazana bilməməyimizin səbəbini bilmirəm” - Saşa İliç
"Şamaxı" "Sumqayıt"a belə qalib gəldi - Video
“Bir çox klub rəhbəri artıq getməlidir” - Ayxan Abbasov
"Fənərbaxça"dan şok məğlubiyyət
"Neftçi" - "Qarabağ" matçının vaxtı açıqlandı
"Araz-Naxçıvan"ın qələbəsi - Video
"Getdikdə daha yaxşı oynayırıq" - Andrey Demçenko
