21:16
Kamerun Futbol Federasiyasının (FECAFOOT) prezidenti Samuel Eto’O Rusiya və Kamerun milli komandaları arasında keçirilən yoldaşlıq görüşünə görə ödənilən vəsaiti mənimsəməkdə ittiham olunur.
QOL.az “The Times”a istinadən xəbər verir ki, söhbət 2023-cü il oktyabrın 12-də Moskvada keçirilmiş Rusiya – Kamerun matçına görə ödənilən puldan gedir.
Sənədlərə əsasən, Rusiya tərəfi 455 056 və 112 514 avro olmaqla iki ödəniş həyata keçirib. Ümumilikdə 567 570 avro təşkil edən vəsaitin Eto’Onun Dohadakı “Qatar National Bank”da olan şəxsi hesabına köçürüldüyü iddia edilir.
FECAFOOT-un keçmiş rəhbərləri pulun sonradan hara yönəldildiyini bilmədiklərini bildiriblər. Federasiyanın İcraiyyə Komitəsinin sabiq üzvü Qibay Qatamanın sözlərinə görə, vəsaitin FECAFOOT-un rəsmi hesabına köçürüldüyünü və ya qurumun maliyyə hesabatlarında əks olunduğunu təsdiqləyən hər hansı mühasibat və bank sənədi barədə məlumatı yoxdur.
Keçmiş federasiya rəsmiləri bir ildən çox əvvəl FİFA-nın Etika Komitəsinə müraciət etdiklərini, lakin araşdırmanın nəticələri barədə indiyədək məlumat almadıqlarını bildiriblər. Eto’O və FECAFOOT isə “The Times”ın sorğularına cavab verməyib.
Nəşr Eto’Onun son vaxtlar FİFA prezidenti Canni İnfantinonu və “FIFA Forward Enterprise” layihəsini açıq şəkildə dəstəklədiyini də vurğulayıb. FECAFOOT-un keçmiş rəsmiləri Eto’Onun İnfantinoya dəstəyinə görə himayə olunub-olunmadığı ilə bağlı sual qaldırıblar.
Qeyd edək ki, Samuel Eto’O 2021-ci ildən Kamerun Futbol Federasiyasına rəhbərlik edir.
“Barselona” “Feyenoord”u darmadağın etdi
Ramil Şeydayevin komandası məğlub oldu
“Fənərbaxça”dan Rusiya klubuna getdi
"Məğlubiyyət tamamilə mənim günahımdır"
Haaland ən yaxşı bombardirlərdən oldu
“Barselona” onu göndərməyə hazırlaşır
"Şahdağ Qusar" "Karvan-Yevlax"a qalib gəldi
Azərbaycan millisi Moldovaya məğlub oldu
Azərbaycan Kubokunda püşkatma mərasimi keçiriləcək
Kvaratsxeliyadan "Qızıl top" şərhi
“Sabah” özünə inamlıdır, yaxşı pressinq edir” - Maykl Karrik
"Sabah" "Mançester Yunayted"lə oyuna ciddi itki ilə çıxacaq
