29.08.26
Vensan Abubakarın "Neftçi" ilə müqavilə bağlamasının bu gün 10-cu günü tamam olur. Geridə qalan bu 10 gündə 33 yaşlı məşhur kamerunlu hücumçu, Türkiyə türklərinin təbirincə ifadə etsək, "aslan həmişə aslandır" deyimini təsdiq etmək yolunda inamla addım atır.
O, Azərbaycanda meydana çıxdığı 2 oyuna artıq 3 qol vurmağı bacarıb. Birini Premyer Liqada "Qəbələ"yə, digər ikisini isə ölkə kubokunda 1-ci liqa təmsilçisi MOİK-ə. İstənilən futbolçu üçün bunlar möhtəşəm bir start sayıla bilər. Amma bir fakt da unudulmamalıdır ki, əgər söhbət Kamerun millisinin canlı əfsanəsindən (115 oyunda 45 qol!) gedirsə, deməli, onun bu inamlı göstəricisi də təəccüblü olmamalıdır.
Abubakar o Abubakardır ki, 3 dəfə dünya çempionatının final mərhələsində oynayıb! Keysuke Hondanı saymasaq, Azərbaycana indiyədək CV-si belə yüksək olan legioner gəlibmi? Yox, əlbəttə.
İllərdir "Neftçi"nin rəhbərliyinə onu izah etməyə çalışırıq ki, transfer edilən əcnəbinin oyun səviyyəsi klubun ad-sanına uyğun olmalıdır. Aldığı yüzminlərin qarşılığını "Neftçi"də kef çəkməklə yox, öz oyunu, yaxud vurduğu qollarla verməlidir. Hələlik Abubakar startda bunu bacarır. Bir də axı niyə bacarmasın?
Abubakar həm də o Abubakardır ki, dünya çempionatında futbolun əjdahası Braziliyanın qapısına qol vurub! Bəli, Braziliyanın! İndi deyirsiniz, Braziliyaya qol vuran bu oğlan "Qəbələ"yə, MOİK, lap elə sabah "Qarabağ"a qol vura bilməsin?
Və Abubakar həm də o Abubakardır ki, "Neftçi"yə məhz hücumların usta bitiricisi kimi gətirilib və o, Azərbaycanda ilk iki matçda işinin öhdəsindən məharətlə gəlməyi bacarır.
Xüsusən "Qəbələ" ilə vacib görüşdə 70-ci dəqiqədə meydana girməklə Azərbaycanda debüt edən kamerunlu cəmi 1 dəqiqə sonra və yanılmıramsa, topa ilk toxunuşundaca komanda yoldaşı İfanyi Metyuya qol ötürməsi verdi. 10 dəqiqə sonra isə artıq tabloda hesab 2:0 "Neftçi"nin xeyrinə göstərirdi. Bu dəfə isə qolun müəllifi artıq Abubakarın özü idi! "Neftçi" xal itirməyə, hətta uduzmağa yaxın olduğu oyunda Abubakarın sayəsində vacib qələbə qazandı.
Bəlkə də "Neftçi"ni yenidən dirildə biləcək qələbə...
Abubakar bu debüt matçında qol sevincini və qələbəni tribunaya toplaşan "Neftçi"nin azarkeşləri ilə qeyd etməsi isə həm də sanki onlara ünvanlanan qətiyyətli bir mesaj idi: sizin sevimli oyunçunuz olacağam!
O, ilk iki matçdan sonra bunu bacara biləcəyini göstərir. Karyerasında Fransa ("Valenyen", "Loryan), Portuqaliya ("Portu), Türkiyə ("Beşiktaş", "Hatayspor") kimi tanınmış liqalarda oynayan, milli komandasında dünya çempionatı ilə yanaşı Afrikanın az qala bütün turnirlərində çıxış edən Abubakar Azərbaycan çempionatına rəng qata, "Neftçi"yə təzə bir nəfəs gətirə bilər.
Yeni bir qoleador kimi...
Buna ehtiyac var. "Neftçi"də də, Azərbaycan liqasında da.
Amma necə deyərlər, eyforiyaya düşmək də erkən olar. Çünki hər nə qədər 2 oyuna 3 qol əla statistika olsa da, unutmayaq ki, o qollar Premyer Liqanın ən zəiflərindən "Qəbələ"yə (turnir cədvəlində 10-cu yer) və birinci liqa təmsilçisi MOİK-ə (8-ci yer) vurulub. Odur ki, daha çətin sınaqlar qabaqdadır və Abubakarın Azərbaycan futbolunda yaxşı başlanğıcı rəqib məşqçi və müdafiəçiləri ona qarşı daha diqqətli olmağa məcbur edəcək.
Bəli, qarşıda çətin sınaqlar gəlir. Təsadüfdən onlardan biri də 11-ci turda, yəni 10 gün sonra "Neftçi"nin əzəli rəqibi "Qarabağ"a qarşı olacaq...
Oyuna hazırsan Abubakar?
Aydın Bağırov
“İmişli”yə qayıtdı
“Fənərbaxça” və “Şaxtyor”dan heç-heçə
Məşhur futbolçuya qarşı şok ittiham
"Mançester Yunayted" - "Sabah": Heyətlər
"Zirə" - "Qarabağ" oyununun hakimi müəyyənləşdi
1-ci liqada 3 oyun keçirildi
Hakim Ziyeş rəsmən “Botafoqo”da
“Turan Tovuz” Aleksa Yankoviçi transfer etdi
Lamin Yamal Arda Gülerin rekordunu qırdı
"Fənərbaxça"nın sabiq futbolçusu karyerasını başa vurdu
“Sabah” UEFA Gənclər Liqasına ağır məğlubiyyətlə başladı
Fransa İnfantinoya dəstəyini geri çəkdi
Azərbaycan cüdoçularının ilk rəqibləri açıqlandı
Verdaskanın zədəsi ciddidir - "Kəpəz" açıqladı
Nəhəng kapitan internet qəhrəmanına çevrildi - Şəkil
Mendilibarı həmyerlisi əvəzlədi
"Mançester Yunayted" "Sahah"la yubiley oyununa çıxır
“Kamp Nou”da media sektoru yağış altında qaldı - Video
Jurnalist səhv etdi, Mourinyo düzəltdi
Yaya Ture bunu bacaran ilk afrikalı baş məşqçi oldu
"Olimpiakos" tarixi uğur qazanmış baş məşqçi ilə vidalaşdı
"Qarabağ"ın sabiq futbolçusu dünyasını dəyişib
"Hakim əleyhimizə işləyirdi" - Okan Buruk
Çempionlar Liqasının oyunları bu kanallarda
"Sabah"ın U-19 komandası da Mançester səfərində
Renat Dadaşovun yeni klubu açıqlandı
Yamal “Barselona”nın tarixinə düşdü
Zubir müqavilə bağladı və debüt etdi! - Şəkillər
"Qalatasaray"ın uğursuz startı - Video
Azərbaycan klublarının yay transferləri - Yenilənir
Ronaldo 979-cu qolunu vurdu
"Qalatasaray" məğlubiyyətlə başladı, PSJ-dən qol şousu - ÇL
“Barselona” “Feyenoord”u darmadağın etdi
Ramil Şeydayevin komandası məğlub oldu
“Fənərbaxça”dan Rusiya klubuna getdi
"Məğlubiyyət tamamilə mənim günahımdır"
Haaland ən yaxşı bombardirlərdən oldu
“Barselona” onu göndərməyə hazırlaşır
"Şahdağ Qusar" "Karvan-Yevlax"a qalib gəldi
Azərbaycan millisi Moldovaya məğlub oldu
