10.11.25
Başlanğıcda qeyd edim ki, mənim futbol tribunasından heyrətedici və bir toplum adına qürurverici səhnə barədə qeydim olacaq. Bir az səbr edib, yazının sonunu gözləyin.
İndi isə gedək Hamburqa.
Almaniyanın əhalisinə görə (rəsmi olaraq 2 milyona yaxın) ikinci ən böyük bölgəsinə.
Bu günlər keçirilən Avro-2024-ün oyunlarını qəbul edən ölkənin 10 şəhərindən biridir bura. Di gəl ki, futbol ab-havası qətiyyən hiss olunmur. Oyuna da cəmi 1 gün qalıb. Çexiya - Türkiyə oyununa.
Hamburq küçələrini gəzərkən məndə sual yaranır: doğrudanmı bu şəhərdə də böyük bir yarışın oyunları təşkil olunur?
Oxşamır. Hiss olunmur.
Mənim üçün bu təəccüblü ab-havanı isə sonradan az da olsa yalnız şəhərin mərkəzi meydanında quraşdırılan turnirin və iştirakçı 24 ölkənin bayraqları pozur.
Və birdən həmin o mərkəzi meydanda yan-yana böyük masaların düzülməsi diqqətimi çəkir. Yəqin fan-zonadır. Sabah stadiona gedə bilməyən yüzlərlə insan da məhz buradan oyuna baxacaqlar deyə düşünürəm. Amma Karlın sözləri yanıldığımı göstərir. Karl mənə ilk dəfə içəcəyim “Astra” adlı yerli pivəni bokala süzən barmendir. Bu orta yaşlı pota alman deyir ki, ser, nə fan-zona, burada sabah uşaqlar arasında şahmat yarışı keçiriləcək...
Eyni gündə həm şahmatı, həm də futbolu bir araya sığdıran şəhər.
Amma ertəsi səhərdən etibarən Hamburqda artıq futbolun, daha doğrusu, türklərin nəfəsi duyulmağa başlayır. Əllərində ay-ulduzlu bayraqlarla şəhəri dolaşmaqla, maşınla dövrə vurmaqla sanki axşamkı qələbənin müjdəsini verirlər. Artıq sonra, stadionda ikən onların sayını da təxmini müəyyənləşdirmək olur: 40-45 min. Çexlər də çoxdur, amma əlbəttə, türklərdən 2-3 dəfə azdır.
Bu çoxluq, daha dəqiqi, izdiham isə matç öncəsi “Folksparkştadion”un ətrafında daha güclü hiss olunmağa başlayır. Minlərlə fanatın “Türkiyə, Türkiyə” sədaları əzəmətli bir mənzərə yaradır. Və bu anda səfər yoldaşlarıma deyirəm ki, İstanbula xoş gəlmisiniz…
Səfər yoldaşlarım.
Bakıdan 6 nəfər tanınmış media nümayəndəsi Hamburqdadır. Səfərimiz Türkiyənin onlayn alış-veriş şirkəti olaraq brend markasına çevrilən “Trendyol”un dəvəti ilə baş tutub. Fürsət düşmüşkən, başda şirkətin prezidenti Çağlayan Çetin olmaqla, əməkdaşları İrem və Melis xanımın, Hakan bəyin, Dünya bəyin, Azərbaycan nümayəndəliyindən Süheylə xanımın yüksək qonaqpərvərliyini, göstərdikləri nəzakət və kübarlığını, səfərin təşkilatı işlərini peşəkarlıq və dəqiqliklə həyata keçirən Dinçer bəyin, Özge bəyin fədakarlığını minnətdarlıqla qeyd etməliyəm. Bir ölkəyə bağlılıq, sevgi həm də belə vətənsevər insanların sayəsində daha da güclənir.
Vətənsevər insanlar.
Hamburqda onların kütləvi toplaşdığı bir məkan da vardı. 57 min tamaşaçı tutumu olan həmin o “Folksparkştadion”. Burada onminlərlə türk komandaları meydana girdiyi ilk andan oranı tərk etdiyi son saniyəyə qədər Vətəni, Bayrağı necə sevmək olur, bax, onun parlaq bir nümunəsini göstərə bildilər.
Türkiyə milli komandası həm də bu böyük və inanılmaz dəstəyin sayəsində Çexiya üzərində qələbə qazanaraq qrup ikincisi kimi 1/8 finala vəsiqə qazandı. Və o qələbədən sonra nə oldu?
Yuxarıda qeyd etdiyim heyrətrdici və qürurverici mənzərə yarandı. Baxın, bu videoya.
Oyun bitən kimi onminlərlə türk bir ağızdan “Bir başqadır, mənim məmləkətim” adlı mahnını oxuyur…
Bəli, bir başqadır Türkiyə. Bir başqadır bu məmləkət. Və o məmləkət həm də bizimkidir…
Aydın Bağırov,
Hamburq-Bakı
Ötən il əfsanəvi futbolçulardan kimlər karyerasını bitirdi?
Yığma qalib gəlsə, böyük məbləğdə pul mükafatı alacaqlar
"Barselona" misirli futbolçunu transfer edir?
"Mançester Yunayted" Matetaya göz dikdi
"Onlar güclü rəqiblərə qarşı matçlarda büdrəyirlər"
"Aston Villa" braziliyalı hücumçunu transfer etdi
Zədələndiyi üçün transfer siyahısından çıxarıldı
Mareskanın yerinə əsas namizəd odur
"Borrusiya"dan "Braytona" keçir
"Qalatasaray"ın müraciəti rədd edildi
Obameyanq qovuldu, yığmanın məşqçiləri istefaya göndərildi
Slot: "Frimponqu sürətinə görə aldıq"
"Çelsi" Mareskanı göndərdi - Rəsmi
"Real" Vinisiusla danışıqları bərpa edir
Dünyanın ən bahalı yarımmüdafiəçiləri
Modriç: "Ofisiant olmaq istərdim"
“Şaxta Babaya inanırdım” - Yuri Vernidub
Tanınmış məşqçidə xərçəng aşkarlandı
Misli Premyer Liqası: İlk yarının təhlili
FIDE 2026-cı ilin ilk reytinqini açıqladı
"Real" onunla müqaviləni uzadacaq
"Zirə"nin legioneri bu dəfə ehtiyatda qaldı
"Mən səni çox sevirəm"
Neymarla yeni müqavilə imzalandı
“Çelsi” bu gün Mareska ilə yolları ayıra bilər
Afrika Millətlər Kubokunda 1/8 finalın bütün cütlükləri
Mbappenin durumu müəyyənləşdi
FİFA “The Best”i ləğv edir - Yeni mükafat yaradılır
Roberto Karlos ürəyindən əməliyyat olundu
“Fənərbaxça”da yeni prezident seçkisi
40 yaşlı futbolçu "uzunömürlülük" sirrini açıqladı
"Yuventus"un futblçusunun "Cenoa" arzusu baş tutmadı
Ştegen yalnız bu şərtlə "Barselona"dan ayrılmağa hazırdır
"Roma" yarımmüdafiə xəttini onunla gücləndirməyi hədəfləyir
Sabiq futbolçuya ərəblərdən təklif gəldi
Kurtua ayın ən yaxşısı seçildi
"Şamaxı"nın legioneri oynadı, komandası pley-offa yüksəldi
“Suallarımız cavabsız qalanda məyusluq oldu” - Video
Mbappe ÇL-in ən yaxşısıdır
Ronaldo 16 il sonra ilk dəfə...
"Mançester Yunayted" xal itrdi - Video
A seriyasında yeni qərar
"Arsenal"ın 4 qollu qələbəsi - Video
