29.06.25
Üzün həmişə gülsün, Arda Gülər!
Futbolun 19 yaşlı brilliant uşağı.
Türkiyəni sevindirdi.
Türkiyə ilə həmrəy olan azərbaycanlıları da.
Dünya və Avropa çempionatları futbolun ən üst zirvəsi sayılır.
Və ilk dəfə forma geyindiyi bu cür mötəbər yarışda La Liqada (“Valensiya) oynayan Mamardaşvilinin qoruduğu qapının doqquzluğuna belə bir möhtəşəm qol vurmaq…
Nədir bunun adı? Öz qeyri-adi istedadının növbəti təsdiqimi? Özünə arxayınlığın sübutumu? Gələcəyin böyük futbolçusu olmaq yolunda cəsarətli həmləmi?
Hər birindən bir az var.
O qol olmasaydı…
Amma Mert Müldürün də gözəl qolunu unutmayaq, Kərəm Aktürkoğlunun üçüncü qoldakı əziyyətini də (boş qapıya vursa belə).
… Dünən Gürcüstanla oyunda çox əziyyət çəkdi Türkiyə. Heç-heçə də matçın ədalətli nəticəsi hesab oluna bilərdi. İkinci qoldan sonra dirəyə dəyən top (Koçoraşvili), son dəqiqədə Türkiyənin qapısı qarşısında yaranan ardıcıl təhlükələr.
Əsl drama.
Gürcüstan özündən güclü Türkiyəyə uduzdu. Amma yaxşı, möhkəm, qorxmaz bir komanda olduğunu göstərdi.
Gözlənilən idi.
Gürcüstan bu çempionatın sehrli qutusu sayılırdı. Debüt çempionatlarıdır. Amma heyətindəki 26 futbolçudan 24-ü legionerdir. Yəni təcrübə, səviyyə əvvəldən yığılıb.
Və bu təcrübə, bu səviyyə Türkiyə üçün başağrısı idi dünən.
Gürcüstan millisi belə oyun və belə startla sadəcə fəxr edə bilər.
Qaliblər isə mühakimə edilmir.
Avro-2024 kimi yarışlarda ilk oyunlar çox ağır olur. Favoritlər sayılan İngiltərə, Fransa, Portuqaliya da belə çətinliklərlə üzləşibsə…
Onda qınamayın Türkiyəni.
Çünki Türkiyə qələbə qazanıb. Türkiyə 1/8 finala yaxınlaşıb.
Və qələbə qazanan həm də Türkiyə millisinin milyonlarla tərəfdarı olub.
Həm də Almaniyadakı dünənki matçda tribunalarda susmaq bilməyən 70 minə yaxın o türk tərəfdar.
O mənzərəni görəndə isə çaş-baş qalmaya bilmirsən. Bu oyun doğrudanmı Dortmundda keçirilirdi, yoxsa İstanbulda?
Aydın Bağırov
PFL 17 yaşında
"Atletiko"da yeni yarımmüdafiəçi
Avropa çempionatına 3 gümüş medalla start
"Arsenal" keçidi rəsmən açıqladı
"Sabah" Fransa klubunun yetirməsini transfer etdi
Kontedən Osimhenlə bağlı sürpriz qərar
Azərbaycan millisi Belarusa yenə uduzdu
"Barselona" futbolçusunu satdı
“Şamaxı”da növbəti ayrılıq
"Ondan Azərbaycan futbolu haqda soruşdum” - Müsahibə
"Əl-Nəsr"in hücumçusu "Fənərbaxça"ya keçir
"Qarabağ"ın Avstriyadakı sonuncu rəqibi də bilindi
Ansu Fati rəsmən "Monako"da
“Mançester Yunayted” sabiq futbolçusuna vəzifə verdi
"Hayduk" 4 futbolçusu ilə yolları ayırdı
"Zirə" 4-cü transferini açıqladı
"Sabah"ın rəqibindən yeni transfer
"Qarabağ"da qolları sıralayırdı, indi aylardır ehtiyatda qalıb... - Juninyoya nə olub?
Hamidu Keyta yenidən Azərbaycan klubunda - Rəsmi
"Çelsi"dən 70 milyonluq transfer
"Kayzerslautern" Mahiri təbrik etdi
"Beşiktaş" "Roma"dan futbolçu aldı
