29.08.25
“Qarabağ”ın “Viktoriya” məğlubiyyəti hamımızı məyus edib. Amma bu, faciə deyil, idmanda olan və olacaq məğlubiyyətlərdən biridir.
Bəli, Çempionlar Liqasının qrupu “Qarabağ”ın əlinin içində idi, amma götürüb hədiyyə kimi verildi rəqibə. Hər iki qolda Şahruddinin bağışlanılmaz səhvləri oldu. Çıxmamalı olduğu topa çıxdı, çıxmalı olduğu topa çıxmadı. İlk qoldan sonra komanda psixoloji olaraq təmiz çökdü və bir də özünə gələ bilmədi. Amma necə deyərlər, insaf da yaxşı şeydir. “Qarabağ” Avropada bu mövsüm indiki mərhələyə həm də Şahruddinin inamlı, cəsarətli oyunları sayəsində gələ bilib. Parlaq oyunları və kobud səhvləri isə bir faktı dəyişmir: Şahruddin bu gün futbolumuzun birinci, bir nömrəli qapıçısıdır.
Hə, olan oldu. Və biz indi keçmişlə yaşasaq, yas qurub ağlasaq, irəli gedə bilmərik. Amma keçmişdən nəticə də çıxarmalıyıq. Komandada boşluqlar var. Bir cinah işləyirdi, o birisi yox. Rəqiblər gücləndikcə Toral səhvlər edir, çatdıra bilmir, hücuma köməyi az dəyir. Gənc oyunçudur deyə təcrübə azlığı hiss olunur. Ortada oyun qurucusuna ehtiyac günü-gündən artır. Dünən Almeyda meydanı məcburi tərk etdikdən sonra elə bil “Qarabağ”da qan dövranı dayandı. Sanki 33 yaşlı Almeydadakı güc, potensial onu əvəz edən 27 yaşlı Yankoviçdə yox idi.
Vadji ÇL-də 4 qol vursa da, mənə görə komandada mərkəz hücumçusuna ehtiyac hiss olunur. Bir sözlə, görünən və görünməyən boşluqlar doldurulmasa, Avroliqanın qrupunda komandaya əlavə problemlər yarana bilər. Həm də artıq rəqiblər “Qarabağ”a məhz “Qarabağ” kimi yanaşır, daha Azərbaycan futbolu kimi yox. Yəni hörmətlə, ciddiyyətlə… Komandanı yaxşı təhlil edir. Diqqət edin, Plzendə də, ondan əvvəl Bakıda da “Viktoriya” Zubirlə Kadiyə ayaqlarını açmağa imkan vermədi...
Amma bütün bunlar bir həqiqəti dəyişmir. Qurban Qurbanov Azərbaycanın ağır futbol şərtləri altında Avropada ciddi uğurlar əldə edir. Bu ölkənin çempionatında Gəncə kimi şəhərin komandası ev oyunlarını Mərdəkanda, Qəbələdə keçirir. “Turan” avtobus almaq üçün ianə toplayır. Yarışın səviyyəsi bərbad. Konfrans Liqasında 3 komandamızdan birinin təpəri, gücü çatmadı ki, qrupda oynasın.
“Qarabağ” da yetim uşaq kimi qalıb təkcə. Kimin, hansı klubun da nə azarı, yükü varsa, yükləyib onun üzərinə. Utanmaz-utanmaz da gözləyirlər ki, “Qarabağ” ÇL-in qrupuna düşsün, UEFA mövcud mükafatlanırma qaydasına əsasən, AFFA-ya, klublara bonus ödəsin.
Qurban Qurbanov isə özünün də, başqasının da yükünü güc-bəla aparıb mənzil başına çatdırır.
Yəni Çempionlar Liqasının pley-offuna, ordan da avrokubokların qrupuna. Bir deyil, iki deyil. Düz doqquz ildir.
Doqquz il..
Aydın Bağırov
Modriçdən yeni uğur
“Turan Tovuz”da ilk
Dördüncü uğursuz start
"Şəki Siti"dən 12 qol, "Xankəndi"dən darmadağın
"Neftçi" - "Sabah" matçından - Video
"Oyunun nəticəsi ədalətli idi" - Valdas Dambrauskas
“Neftçi” yenə xal itirdi, “Şamaxı”dan qələbə
"Şamaxı"dan 3 qollu qələbə - Video
"Milyonluq futbolçular da səhv edir" - Azər Həşimov
Qvardiola: “Ən yaxşı məşqçi ser Aleks Ferqyusondur”
"Neftçi" - "Sabah": Heyətlər
FIFA və UEFA Laportanın açıqlamalarını mənfi qarşıladılar
"Real"ın oyunçusuna "qırmızı" verən hakim cəzalandırılacaq
"Yuventus" onu azad agent kimi transfer etmək istəyir
Azərbaycan klubundan ayrıldı, ölkəsinə yollandı
"Şamaxı" - "Karvan": Heyətlər açıqlandı
Alonso "Real"da 16 ildən sonra bunu bacardı
Mahirin adı yenə sifariş ərizəsində yoxdur
Millimiz Avropa çempionatında 3-cü yeri tutdu
Müllerdən ABŞ klubunda uğurlu başlanğıc
"Benfika" - "Qarabağ" matçının hakimləri açıqlandı
Azərbaycanın basketbol millisi finalda uduzdu
Luis Enrike əməliyyatdan sonra imicini dəyişdi - Şəkillər
Türkiyə millisi üçün tarixi oyun - Bu gün final var
Bakıda dünya çempionatı keçiriləcək
“Real” FİFA-ya şikayət edəcək
"İndi çempionluq haqda düşünmürük" - Filip Ozobiç
“Viləş” yenidən Azərbaycan futbolunda
Vüsal İsgəndərli Albaniya klubunda ilk qolunu vurdu
Kökçünün komandası böyük hesabla uduzdu
"Beşiktaş" "Başakşəhər"ə belə qalib gəldi - Video
2 qələbə, 1 heç-heçə, 2 məğlubiyyət - “Qarabağ”ın rəqibləri
Zamiqin komandasından mövsümdə ilk qələbə
