10.11.25
Mövzuya keçmədən bir kiçik qeyd.
Panikaya düşməyək. Bunun üçün də birinci növbədə insanlar arasında təşviş salan veriliş və onların aparıcıları, bu tipli sosial şəbəkə paylaşımları, yazılardan uzaq olaq. Bunu bircə gün yoxlayın, onda beyninizin, əsəblərinizin və ruhunuzun nə qədər sakitləşəcəyini hiss edəcəksiniz. Amma əgər dövlət öz vətəndaşının qeydinə qalıb təkidlə evdə oturmağı tələb edirsə, buna da əməl edək, zərurət olmadan çölə çıxmayaq.
İndi gələk bizə.
Koronavirus dövrünün mediada ən böyük zərbəsi idman mətbuatına dəyib. İctimai-siyasi saytlar bugünlərdə mövzu və xəbər sarıdan korluq çəkmirlər. Amma bütün dünyada yarışların dayandırılması, əsasən də futbolun olmaması saytlarının fəaliyyətinə (digər ölkələrdə də), reytinqinə mənfi təsirini artırmaqdadır. Elektron KİV və TV də daxil olmaqla idman mediası xəbər böhranı mərhələsinə qədəm qoyub. Saytlar oxucularını, TV-lər tamaşaçılarını sürətlə itirirlər. Məsələn, Azərbaycanın ən reytinqli idman saytı olan Qol.az-da son 20 gündə gündə itki 7-8 min İP-ə (ziyarətçi) çatıb. Bunun yaxın gələcəkdə klub reklamlarından asılı olmayan saytın kommersiya reklamlarının azalmasına gətirib çıxaracağı qaçılmazdır. Bütün bunların baş verməsi isə təəccüblü deyil. Çünki futbol (idman) olmayandan sonra oxucu, tamaşaçı marağının aşağı düşəcəyi də təbii idi.
Amma, necə deyərlər, peşəkar media (idman mətbuatı da daxil) bu cür qəfil və gözlənilməz durumlara hazır olmalı, hər durumda ayaqda qalmağı bacarmalıdır. Bunun üçün birinci növbədə həvəsdən düşməmək ən önəmli məqamdır. Təəssüf ki, anlaşılan səbəblərdən indi bir çox idman saytı, jurnalistlər depressiv vəziyyətdədir. Lakin hamı kimi, bizim üçün də ən ağır dövr, imtahan indidir ki, öz gücümüz, iradəmiz və inamımızla bu "qara zolaq"dan çıxacağıq. Yetər ki, dayanmadan, yorulmadan işləyək, yaxşı bir geridönüş edək.
Və futbol...
Pandemiya dövrünün ən böyük iqtisadi zərbələrindən biri bu sektora dəyib. Daha doğrusu, bu, zərbə də deyil, atom bombası kimi bir şeydir. Söhbət ümumən milyardlarla dollardan gedir. Bir fakt. Artıq gəliri əsasən teleyayım, reklamlar və digər kommersiya fəaliyyətindən olan İngiltərə Premyer Liqası bəyan edib ki, yarış bərpa edilməsə, itki 1,137 milyard funt təşkil edəcək. Ağlasığmaz faktdır. Gedişat göstərir ki, futbolçuların maaşları kəskin azalacaq, bütün ölkələrdə oyunçuların qiyməti aşağı düşəcək. Kasıb bir dövr başlayacaq.
Gələk, bizim Premyer Liqaya.
Səkkiz komandadan dördü - “Neftçi, “Keşlə”, “Sumqayıt”, “Səbail” tam, biri - “Sabah” isə qismən SOCAR-dan maliyyələşir. Pandemiyaya görə dünya bazarında neftin qiymətinin son 18 ildə kəskin səviyyədə aşağı düşməsi, şübhəsiz, apreldən başlayaraq bu şirkətin gəlirlərinin daha da azalması ilə nəticələnəcək. Bu da təbii ki, zəncirin bir halqası olan futbolumuza da önəmli zərbə vuracaq. Ona görə də yeni mövsümdən bütün klubların büdcəsinin az olmayan həcmdə azaldılacağını ehtimal etmək çətin deyil.
O cümlədən digər böyük şirkətlərin sponsorluq etdiyi “Qarabağ”, “Qəbələ” və “Zirə”nin maliyyəsi azalacaq. Yalnız ola bilər ki, qida sektorundan “Azərsun”un sponsoru olduğu “Qarabağ” da büdcə çox ixtisar edilməsin. Amma indiki narahatlıq təkcə klubların büdcəsi ilə bağlı deyil. Bilindiyi kimi, koronavirusa qədərki dövrdə Premyer Liqamızda 2 bölgə klubu cəlb edilməklə 10 komandanın iştirak edəcəyi gözlənilirdi. Məlum məsələlərdən bu proses bir il təxirə salına bilər. Daha da önəmlisi odur ki, yeni mövsümdə indiki 8 komandanın hamısını saxlamaq mümkün olacaqmı?
“Qəbələ” və “Səbail”də durum pandemiyaya qədər də yaxşı deyildi. Bəs, sabah necə olacaq? Ciddi zərər görən sponsorlar onlara pul ayıracaq? Məsələ burasındadır ki, bu sualların cavabını nə biz bilirik, nə klublar, nə də pulu ayıran sponsorlar...
Nəhayət, millli komanda.
Hazırda AFFA yeni baş məşqçi axtarışıdadır. Həmin mütəxəssisin tanınmış əcnəbi məşqçi olacağına dair qeyri-rəsmi məlumatlar var. Amma bu çətin durumda bahalı müqavilə bağlamaq ən riskli addım, göz görə-görə böyük maliyyə itkisinə getmək olar. Deməli, indiki halda çox maaş almayacaq bir yerli məşqçi seçmək maddi olaraq da, mənəvi tərəfdən də ən uğurlu variant olar.
Allah köməyimiz olsun!
Aydın BAĞIROV
[email protected]
DÇ tarixində ən gənc çempionlar kimlər olub?
"Qalatasaray" 2 futbolçusu ilə sağollaşdı
"Liverpul"un ən məhsuldar oyunçusu sıradan çıxdı
"Əl-Əhli" heyətini braziliyalı futbolçu ilə gücləndirdi
"Real"dan darmadağınlı qələbə
"Karlos güclü oyunçudur, onunla sağollaşmağı düşünmürük"
İngiltərədə 14 matç təxirə salındı
"Levante" uzun illərin məğlubiyyət seriyasına son qoydu
Superliqa klubu baş məşqçisi ilə yollarını ayırdı
Mahir Emreli qayıtdı, klubundan təbrik aldı - Şəkillər
Karvahal yaşıl meydanlara geri döndü
A seriyasında gərgin anlar: 3 qırmızı vərəqə, 2 qol
Messi "Liverpul"a keçir?
"Qalatasaray"ın Uqarte xəyalları suya düşdü
“Sumqayıt” futbolçusu ilə yollarını ayırdı - Rəsmi
1-ci liqada ötən ayın ən baxımlı 5 qolu - Video
"Çelsi" azarkeşləri etiraz aksiyasına hazırlaşır
252 gün sonra gələn qələbə
"Barselona"dan Avropa rekordu
"Fənərbaxça" iki tanınmış futbolçu üçün danışıq aparır
Mareska niyə 14 milyon funtluq kompensasiyadan imtina edib?
5-ci dəfə Superkuboku qazandılar
"Araz-Naxçıvan"ın yeni baş məşqçisi açıqlandı - Rəsmi
"Borussiya" Kurasao millisinin üzvünü satdı
"Barselona"nın derbi qələbəsi - Video
“Qarabağ”ın rəqibi daha bir hücumçu aldı
"Yuventus" öz meydanında xal itirdi - Video
"Qəbələ"nin rəqibləri bəlli oldu
"Fənərbaxça" Musabanı transfer etdi - Rəsmi
Haalanddan geri qalmır, rekordları alt-üst edir
“Qarabağ”ın rəqibləri müəyyənləşdi
9 ildən sonra klubdan gedir
İngiltərə klubu misirli futbolçu üçün hərəkətə keçdi
"Bavariya" yeni hücumçu transfer etdi
"Çelsi"nin baş məşqçi namizədi açıqlama verdi
Premyer Liqada ən çox qol epizodu ona məxsusdur
Mehmet Aurelio baş məşqçi təyin edildi
“Qarabağ” qış hazırlıqlarına start verdi - Şəkillər
Makqinn dubl etdi, "Aston Villa" inamlı qələbə qazandı
Ötən əsrin ən yaxşı məşqçisi vəfat etdi
"Mançester Yunayted"in ən fərqli oyunçusu seçildi
"Fənərbaxça" Lukman üçün hərəkətə keçdi
