26.02.20
Bu gün “Səbail”lə “Qarabağ” arasında keçirilən Premyer Liqanın 15-ci turunun oyunu (0:1) başlamamış diqqətimi bir maraqlı məqam çəkdi.
Əsas heyət üzvləri paltardəyişmə otağında olduğu vaxtda Ağdam klubunun ehtiyatda olan qapıçısı Vaqner de Silva meydanda “Səbail”in bir neçə gənc futbolçusu ilə topla məşq edirdi. Baxmayaraq ki, onlar bir-birinə rəqib idi, hiss olunurdu ki, hər biri kiçik məşqdən məmnun qalıb. Elə ona görə də komandalar meydana daxil olduğu vaxtda bu beş futbolçudan ibarət "mini komanda"nın üzvləri bir-biri ilə mehribanlıqla görüşərək meydanı tərk etdilər. Bu zaman görüşmək estafeti Qurban Qurbanovla futbolumuzun soyuqqanlı davranışına görə ikinci Qurban Qurbanovu sayılacaq Aftandil Hacıyevə çatdı.
Sonra əlbəttə, hər biri texniki zonada öz yerinə getdi və təsəvvür edin, bütün 90 dəqiqə hər ikisi sakitcə, səslərini ucaltmadan, qışqırmadan, hirslənmədən təmkinlə oyunu (komandalarını) seyr etməyə başladılar. Sanki futbola yox, düşündürücü bir filmə baxırdılar və onda mənə bir anlıq elə gəldi ki, Bayıl stadionuna gələn 1000-a yaxın insan arasında matç boyu ən az danışan da məhz o ikisi olub - Qurban Qurbanovla Aftandil Hacıyev...
Əsəblər necə bu qədər sakit ola bilər, heyrət etməyə bilmirsən.
***
PFL-in prezidenti Ramin Musayev isə həmişə kimi şən ab-havada görünürdü. Danışıb-gülür və yəqin şifahi xalq yaradıcılığımızdakı unikal sözlərlə zəngin olan bir iki lətifə də danışırdı. Ramin müəllimin lətifə bazası çox zəngindir, yaxşı maraqlı əhvalatları da az deyil. Düzdür, bəzilərini şişirdir, bəzilərini isə bəzəyib danışır, amma istənilən halda yaxşı danışır. Nə isə... Bunları sözgəlişi dedim.
Bizim futbol idarəçiləri oturduqları “Skybox”da nə danışırlarsa danışsınlar. İstəyirlər, futboldan danışsınlar, lap elə dayanmadan lətifə danışsınlar. Əsas odur ki, bugünkü kimi yerli futbola, stadionlara gəlsinlər. Əks halda futbolumuz özü, ruslar demiş, anektod mövzusuna çevrilir.
Anektod demişkən...
30-cu dəqiqədəki bir kiçik məqam isə artıq həqiqətdə baş verdi, amma Maykl Essyenin vurduğu zərbəyə çoxları güldü. Gülməyə də bilməzdi. Çünki 20-25 metrlik məsafədən endirilən zərbədən sonra top hardasa elə bir o qədər hündürlüyü olan tribunanı da aşaraq, güman ki, stadionun arxasındakı evlərdən birinin həyətindəki toyuq hininin kəlləsinə düşdü. Böyük bir adın, futbolçunun karyerasının sonunun gülüş hədəfinə çevrilməsi, doğrudan da, məyusedici olmaya bilməz. Ona görə də Essyeni bura gətirlənlər bu kədərli həqiqəti artıq onun özünə də deməlidirlər.
Yeri gəlmişkən, irad tutulası futbolçu bir tək Essyen deyil. “Qarabağ”da Maqaye Qeyenin yenidən kökəlməsi diqqət çəkməyə bilməzdi. Yenidən ona görə ki, ötən yay Ağdam klubuna gələndə də onun çəkisi, gərək ki, 90 kilonu adlamışdı və həm buna, həm də az qol vurduğuna görə az tənqid olunmamışdı. Bundan sonra çəkisi azalmışdı və gözləmək olardı ki, bu narazılıqlardan sonra Qeye qış fasiləsində çəkisini bir qədər də aşağı salacaq, lazımi formaya düşəcək.
Amma görünür, Antalyadakı təlim-məşq toplanışı zamanı 29 yaşlı bu seneqallı gizli də olsa dadlı türk tatlılarından o qədər çox yeyib ki, çəkisi az qala yenidən 90-a çatıb. Yəqin həm də bunun nəticəsidir ki, “Səbail”lə oyunda 4-5 metrdən topu boş qapıya göndərə bilmədi. Ümid edək ki, bu intizamsızlığına və məsuliyyətsizliyinə görə onun barəsində Qurban Qurbanov artıq lazimı tədbiri görərək daxili cəza tətbiq edib.
***
Amma Qeye, əlbəttə, “Qarabağ”dakı ümumi havaya təsir edə bilməz. Komanda barədə onu söyləmək olar ki, qış fasiləsindən sonra yavaş-yavaş yaxşı formaya düşür, futbolçuların ümumi durumu qənaətbəxş sayıla bilər. Rəşad Sadıqov, Maksim, Qara, İsmayıl, Xayme, Zubir və s. yaxşı təsir bağışladılar. Hərçənd unutmayaq ki, rəqib də xeyli zəifləmiş autsayder “Səbail” idi. İstənilən halda bugünkü qələbəsi “Qarabağ”la ən yaxın rəqibləri olan “Neftçi” və “Keşlə” arasında xal fərqini yenidən 8-ə qaldırdı. Amma bu o demək deyil ki, hələ çempionatda intriqa ölüb.
Növbəti tur “Qarabağ” əzəli rəqibi “Neftçi”ni qəbul edir. Və böyük ölçüdə məhz fevralın 8-si intriqanın öləcəyi, yaxud yenidən diriləcəyinə aydınlıq gələcək.
Aydın BAĞIROV
_22.01.19.jpg)
"Beşiktaş"dan qələbə
Avroliqada sonuncu 1/8 finalçı müəyyənləşdi
"El Klassiko"da oynayacaq
Mourinyodan Keyn və Son barədə sevindirici xəbər
Millimizin üzvü 90 dəqiqə oynadı
"Traktor" səfərdən xalsız qayıdır
Millimiz “Keşlə”yə qalib gəlib, “Neftçi”yə uduzdu
"İdman Azərbaycan" kanalına yeni rəhbər təyin olundu
"Mançester Siti" Laportu yenə itirdi
"Sabah"dan darmadağın - Birinci divizion
Avroliqada 1/8 finalın püşkü atıldı
ÇL-də həftənin oyunçusu açıqlandı
“Qarabağ” və "Neftçi"dən Türkiyəyə başsağlığı mesajı
Niyə Rəşad Sadıqov?
"Kəpəz" - "Turan Tovuz" oyununda 3 qol - Video
"Mançester Yunayted" 7 il sonra
Sadio Tounkara Nurlan Novruzovun komandasında
UEFA-nın yeni reytinqi
Cüzeppe Rossi karyerasını bərpa etdi
"Arsenal"dan gözlənilməz məğlubiyyət - Video
“Bavariya”nın 5 futbolçusu ÇL-in rəmzi komandasında
Ailton "Qarabağ"dan gedir?
"Mançester Yunayted"dən 5 qol - Video
"Başakşəhər 1/8 finalda, "Arsenal" mübarizəni dayandırdı
"Roma"ya sərf edən nəticə - Video
"Başakşəhər"dən möhtəşəm geridönüş - Video
"Espanyol" - "Vulverhempton" oyununda 5 qol - Video
"Bayer" "Portu"nu mübarizədən kənarlaşdırdı - Video
"Futbol bir din olsaydı, Messi Tanrı olardı"
FİFA-dan transfer qaydaları ilə bağlı - Yeni qərarlar
De Brüyne kumiri haqda - "Həmişə nömrə birim olub"
Avroliqa oyunu fırtınaya görə sabaha qaldı - Yenilənib
Aydın Raufla Moskvada qarşılaşdı - Çempion oldu
İranlı futzalçı koronavirusdan öldü
Çempionlar Liqasında 100 oyun
Qvardiolanın yeni rekordu
“Messi mənim etdiklərimi bacarmazdı” - Maradona
Qərb derbisini "Turan Tovuz" qazandı
"Sabah" rəhbərliyində istefa
Peşəkar futbolçuda koronavirus aşkarlandı
Federasiya prezidenti həbs edildi – Rüşvətə görə
