29.08.26
Boris Xetaqurov 76 illik ömrünün düz 50 ilini Azərbaycan futboluna sərf edib. Yaşayan əfsanədi. Üst-üstə düz 42 il isə “Neftçi”də çalışıb. 42 il! Amma günün birində dünən futbola gələn Elnur Məmmədov adında bir cavan oğlan (heç 40 yaşı olmaz) Boris Xetaqurova deyir: “Yerinə başqa adam gətirmişik”.
***
Bu gün mənim dəvətimlə Qol.az saytının qonağıydı. Müsahibə verməyə gəlmişdi. Yaxın günlərdə saytda onunla geniş müsahibəni də oxuya bilərsiniz. Uzun söhbətimiz hərlənib-firlanıb indiki “Neftçi”yə gələndə bayaqdan üzünə hopmuş o nurlu sima qəzəbə döndü, hirsindən əlləri əsməyə, üzü qızarmağa başladı. “Bağışla, hirslənəndə belə oluram...”
...Və Boris Xetaqurovun gözündən yaş gəlməyə başladı.
Elnur Məmmədov, Çingiz Abdullayev!
Xetaqurovun gözündən tökülən o yaş həm də bütövlükdə Azərbaycan futbolunun göz yaşı, faciəsidi, bunu qulağınızda sırğa edin!
***
Bu kiçik istefa müraciətini diqqətlə oxuyun. Mətbuatda ilk dəfə dərc olunur.
“Neftçi” PFK-nin icraçı direktoru E.Məmmədova
Sürəti: “Neftçi” PFK-nin Müşahidə Şurasının sədri Ç.Abdullayevə
Hörmətli Elnur müəllim!
“Neftçi” futbol klubunun baş həkimi kimi mənə qarşı qəsdən və qərəzli mövqe nümayiş etdirməklə, məni alçaldan bir şərait yaratmısınız və bu da mənə futbol komandasında işimi davam etdirməyə mənəvi və peşə hüququ vermir.
Yuxarıda qeyd olunanlardan irəli gələrək, məni tutduğum vəzifədən azad etməyinizi xahiş edirəm.
B.Xetaqurov,
Azərbaycanın Əməkdar həkimi
İdman tibbi üzrə ali dərəcəli həkim”
***
İndi gələk bu müraciətin yazılma səbəbinə. Başqa sözlə, Boris Xetaqurovun - bir canlı əfsanənin timsalında Azərbaycan futboluna, onun önəmli simalarından birinə qarşı törədilmiş mənəvi cinayətə.
Təbiətcə sakit adamdı Xetaqurov. Və görünür bu səbəbdəndi ki, ta uzaq 1965-ci ildən başlayaraq, düz 2003-cü ilə qədər (38 il) “Neftçi”də işləyib. 2004-2010-cu illərdə Mübariz Mənsimovun şəxsi dəvəti ilə “Xəzər Lənkəran”da fəaliyyət göstərib. 2011-ci ildə bu dəfə Sadıq Sadıqovun dəvəti ilə “Neftçi”yə qayıdıb və 2015-ci ilə qədər (4 il) orda çalışıb. Sadıq Sadıqov gedəndən sonra isə...
Necə ki, “Neftçi” klubuna fədakarlıqla xidmət etmiş neçə-neçə insan Elnur Məmmədovun gəlişindən sonra klubu tərk etməli oldu, Boris Xetaqurov da axırda bezib eyni addımı atır. Daha doğrusu...
Bunu isə Xetaqurov özü danışır:
“Elnur Məmmədov mənim rəhbərlik etdiyim bütün həkim heyətini otağına çağırdı. Yanındakı cavan oğlanı göstərib dedi ki, bundan sonra “Neftçi”də dərman ləvazimatlarının alınması, siyahısının tərtib olunmasına o baxacaq. Adı yadımda qalmayıb onun. Bilmirəm, indi “Neftçi”də işləyir, ya yox... Bir neçə gün keçəndən sonra isə növbəti dəfə bizi otağına çağırdı. Və bildirdi ki, bu adam (həminki oğlan) “Neftçi”nin baş həkimi təyin olunur! Yəni mənim yerimə. Əvvəldən məni çağırıb, çox yox, beşçə dəqiqə danışıb, hörmət əlaməti olaraq, fikrimi öyrənsəydilər, bu qədər yer eləməzdi mənə. Məni - Azərbaycan futboluna, tibb idmanına 50 il xidmət etmiş bir adamı bax bu şəkildə uzaqlaşdırlar “Neftçi”dən. Yəni ərizə yazıb çıxmağım üçün bütün bütün şəraiti yaratdılar. Elnur Məmmədovla Çingiz Abdullayevin adına yazdım müraciəti. Amma onların heç biri müraciətə şəxsən özləri cavab vermədilər...”
***
Amma “Neftçi” tarixi adına ləkə bununla da bitmir. Demə, Xetaqurovun istefasından 10-15 gün sonra onun 75 illik yubileyi imiş. Amma klub rəsmi, qeyri-rəsmi, heç olmasa saytı vasitəsilə olsa belə, onu bir cümlə ilə təbrik etməyi, özünə rəva bilmir...
Elə bil heç bu adda adam “Neftçi”nin tarixində heç olmayıb.
***
42 il “Neftçi”yə xidmət edən və uzun müddətdə heç kimlə problemi olmayan bir insanı Sadıq Sadıqovun klub prezidenti vəzifəsindən gedişindən bir neçə ay sonra bax belə hörmətsiz şəkildə çıxarıblar “Nefçi”dən...
Amma bu gün bu adam diktofonu qoşub ilk sualı verməmiş özü söhbətə “Neftçi”, onu tarixi, dəyərini yada salmaqla başladı: “Mən “Neftçi” klubundan xahiş edirəm ki, Banişevskinin geyindiyi 9 nömrə klubda əbədiləşdirilsin və heç kim bu forma altında oynamasın. Bu təcrübə Avropada çox klubda var. Elə “Neftçi”də də olmalıdı. Çünki Banişevski bizim tariximizdi”.
Elə siz də tarixsiz, hörmətli Boris Xetaqurov, canlı tarix... Elə bu böyüklüyünüz də Banişevskinin timsalında futbol tariximizə verdiyiniz qiymətdən irəli gəlir.
...Sizi “Neftçi”dən uzaqlaşdıranlara gəlincə, qoy, onların haqda nə deyəcəklərsə, bu yazını oxuyanlar desin.
Aydın BAĞIROV
[email protected]
La Liqada ayın futbolçusu kim oldu?
Burkina-Faso millisinin futbolçusu Azərbaycan klubuna keçdi
İsmail Kartal “Fənərbaxça”da qaldı - Rəsmi
Mahirin komandasından Polşa çempionatında ilk qələbə
Ayxan Abbasov Polşaya getdi
Akrobatik zərbə, möhtəşəm qol - Video
Vernidub: “Belə oynamağa haqqımız yoxdur”
“Çelsi” onunla müqaviləsini uzatdı
"Neftçi" "İmişli"yə qalib gəldi
Kuadradonun yeni klubu açıqlandı
"Barselona"dan Həmzə ilə yeni müqavilə
Yakiroviç Premyer Liqada bütün məşqçiləri qabaqladı
Əfsanəvi futbolçu Dambrauskasdan müsahibə aldı - Video
"İmişli" - "Neftçi": Heyətlər
İngiltərə millisinin üzvü ilə davam
AFFA-da klublar üçün seminar keçirildi
Xames Rodrigesin transferi açıqlandı
Hamidu Keyta bu kluba keçdi
Arda Turan PSV ilə oyundan danışdı
“Akademiyamızda çox istedadlı uşaqlar var” - Nadir Nəbiyev
Patrik Dorqu: “Sabah”ın ustalığı görünür”
Çempionlar Liqasında həftənin oyunçusu adına 4 namizəd
Pokatilov ÇL-də ən çox qurtarış edən qapıçılar arasında
"Bazel" Lixtştayneri istefaya göndərdi
“Mən onun böyüyüyəm, “davam edəcəksən” dedimsə, bitdi!”
“Bavariya”dan Çempionlar Liqasında inanılmaz seriya
"Mançester Yunayted" - "Sabah" matçının - Videoicmalı
Maykl Kerrik “Sabah”ı təriflədi
"Bu oyundan dərs çıxaracağıq" - Valdas Dambrauskas
"Mançester Yunayted" - "Sabah" oyununun ən yaxşısı açıqlandı
"Sabah"dan ağır məğlubiyyət - Çempionlar Liqası
İsmayıl Kartal “Fənərbaxça”dan istefa verdi
“İmişli”yə qayıtdı
“Fənərbaxça” və “Şaxtyor”dan heç-heçə
Məşhur futbolçuya qarşı şok ittiham
"Mançester Yunayted" - "Sabah": Heyətlər
"Zirə" - "Qarabağ" oyununun hakimi müəyyənləşdi
1-ci liqada 3 oyun keçirildi
Hakim Ziyeş rəsmən “Botafoqo”da
“Turan Tovuz” Aleksa Yankoviçi transfer etdi
