Gənclər və idman naziri Fərid Qayıbov Xankəndi Şəhər Stadionunda gələcəkdə Azərbaycan milli komandasının oyunlarının keçirilməsinin mümkünlüyündən danışıb.
QOL.az “Qafqazinfo”ya istinadən xəbər verir ki, nazir bu barədə “Xankəndi” - “Karvan-Yevlax” matçının fasiləsində jurnalistlərə açıqlamasında bildirib:
"Xatırlayırsınızsa, Xankəndi azad olunduqdan sonra, 2023-cü il dekabrın 21-də burada ilk oyun keçirildi. “Qarabağ” MOİK-lə qarşılaşdı. Ondan sonra ölkə başçısının tapşırıqlarına əsasən, stadion yenidən quruldu. Bu yaxınlarda dövlət başçısının iştirakı ilə arenanın açılışı oldu. İndi isə “Xankəndi” ilk ev oyununu keçirir.
Təbii ki, bu, çox sevindirici haldır. Çox sayda azarkeş var. Uzun müddətdir gözlədiyimiz gün idi. MOİK də burada oynamaq qərarına gəlib. Gələn ildən onlar da oyunlarını burada keçirəcəklər. Stadion UEFA kateqoriyası almaq üçün hazırdır. Beynəlxalq standartlara uyğun bütün şərait yaradılıb. Bu, AFFA-dan da asılıdır. Yaxın gələcəkdə çalışacağıq ki, milli komandamız da ev oyunlarından birini burada keçirsin".
Nazir Xankəndidə həyata keçiriləcək növbəti layihələrdən də danışıb:
"Həm bizim nazirliyin, həm də təhsil nazirliyinin uşaq-gənclər idman məktəbləri var. Onların futbol bölmələri də fəaliyyət göstərir. MOİK və digər idman klubları da var. Bu, dövlətin uşaq futboluna dəstəyidir. Bununla yanaşı, bütün futbol klublarının akademiyaları var. Orada da inkişaf gedir, futbolun təbliği yaxşı aparılır. U-15 dünya çempionatı ilk dəfə bizim ölkəmizdə keçirildi. Nəticələrini də görəcəyik".
F.Qayıbov UEFA-nın Xankəndi Şəhər Stadionuna lisenziya verəcəyi ilə bağlı da danışıb:
"Hazırda UEFA-nın stadionla bağlı qərarı barədə məndə məlumat yoxdur. Amma dediyim kimi, arena beynəlxalq standartlara uyğundur. UEFA-dan mütəxəssislərin gəlib stadionun kateqoriyasını müəyyənləşdirməsini gözləyirik. Bundan sonra burada nəinki aşağı yaş qruplarından ibarət yığmalar, hətta A millimiz də oynaya bilər. Hətta avrokubok matçları da keçirilə bilər".
PSJ-dən Markinyos qərarı
Cəzalı olsa da, millinin toplanışını yarımçıq qoymadı
İlin ən yaxşı klubuna namizədlər bilindi
Bellinqemin “Real”dan tələbləri var
Qvardiolanı ABŞ millisinə dəvət etdi
“Qarabağ” Qazaxıstan klubu ilə qarşılaşdı
Premyer Liqada hakimlər 6 səhv qərar verdi
“Arsenal” onların müqaviləsini yeniləyir
“Mançester Yunayted” FİFA-ya şikayət etməyə hazırlaşır
Kompani yenidən iş başında
“Qalatasaray” azarkeşlərə təzminat ödəyə bilər
DÇ-2030-da məcburi su fasilələri olacaq?
2-ci liqada 11 oyunun saatı açıqlandı
Azərbaycan cüdoçularının DÇ-dəki ilk rəqibləri məlum oldu
Azərbaycan millisi FİFA reytinqində 3 pillə irəlilədi
Onana "Aston Villa"da qalacaq
"Real" Arda Gülerlə müqaviləni uzatdı - Rəsmi
Xuan Mata karyerasını başa vurdu
“Qarabağ” və “Zirə”nin futbolçuları qələbədə iştirak etdilər
İsa Sülimanın komandası Hindistana məğlub oldu
"Real"dan gedəcək?
Harri Keyn Millətlər Liqasının bombardiri oldu
“Qarabağ”ın qapıçısı oynadı, komandası qalib gəldi
"Zirə"nin futbolçusu millidə zədələndi
Argentinadan 7:0-lıq qələbə
16 yaşlı futbolçu “Mançester Yunayted”dən ayrıldı