18.09.25
(Rauf Əliyevin Azərbaycana qayıdışına həsr olunur)
Rəsmi statistikaya görə, 2017-ci ilin yayına kimi, qonşu Gürcüstanın xarici ölkələrdə legioner həyatı yaşayan 70 futbolçusu olub.
Həmin futbolçulardan ən məşhurları – Rusiyada çıxış edən Cano Ananidze “Spartak”da, Solomon Kverkveliya “Lokomotiv”də, Quram Kaşiya “Vitess”də (Hollandiya) yerini möhkəmlədib uğurlar qazananda bizim Portuqaliyada, “Boavişta”da oynayan Kamran Ağayev özünü bir futbolçu kimi Avropada təsdiqləmək əvəzinə, “Azərbaycandan ötrü darıxıram” deyib qayıdıb gəldi Bakıya. Azərbaycan üçün darıxan adam qısa müddət sonra niyə “Mlada Boleslav”la müqavilə bağlayıb yenə həmin Avropaya - Çexiyaya getdi və sonra niyə yenə Azərbaycana qayıtdı, bu artıq gənc alimlərimiz üçün elmi işin mövzusu olmalıdı.
Yaxşısı qayıdaq yenə gürcülərə. Deməli, həmin Ananidze ötən mövsüm Rusiya çempionluğunu, Kverkveliya və Kaşiya isə ölkə kubokunu qazandı. Bizim Ramil Şeydayev isə elə o ərəfədə Slovakiyanın çempionu olmuşdu. Sonra “Jilina”dan ayrılan Ramilin özünəmi, yaxud onun işlərini uğursuzcasına həyata keçirən menecerlərə elə gəldi ki, bu futbolçunu Avropada daim oynayacağı hətta zəif klubdansa, Azərbaycana, çox vaxt ehtiyatda qalacağı “Qarabağ”a gətirmək faydalı olar. AFFA-nın xahiş-minnətindən sonra Qurban Qurbanov Ramili götürdü komandasına. Bəs sonrası necə oldu? Gözlənildiyi kimi, o, karyerasının ən uğurlu dönəmini keçirən Cənubi Afrika millisinin hücumçusu Dino Ndlovuya rəqabətdə uduzdu. Amma belə getsə, ən pisi hələ qabaqdadı. “Qarabağ”da qaldığı günə qədər olub-qalan potensialı da məhv olacaq Ramilin. Ağdam klubu onun yeri deyil. Ramilə daim sabit oynayacağı komanda lazımdı. Məsələn, ən pis halda elə “Jilina” səviyyəsində. 13 oyuna 5 qol vurmuşdu orda, “Qarabağ”da gərək ki, 5 oyuna çıxıb, 1 qolu belə yoxdu.
Deməli, onu ya istəyərəkdən, ya da pul qazanmaq xatirinə “Qarabağ”a calayan “agent çetesi” oturub Ramilin qara zolağa düşməsi haqda yaxşı-yaxşı fikirləşsə, pis olmazdı.
Ramil bu gün Albaniyadan, “Kukesi”dən ayrıldığı açıqlanan Rauf Əliyev kimi, xaricdə çox qalmağa səbri və iradəsi çatmayan biri olmamalıdı. Rus futbol məktəbini keçib, başqa bir mühitdə, aləmdə böyüyüb. Ramilin də, elə rus futbol məktəbinin başqa bir yetirməsi, indi “Neftçi”də oynayan Emin Mahmudovun da yeri Azərbaycan deyil. AFFA onları bura necə gətiribsə, tezliklə də göndərməlidi Avropaya. Heç olmasa ortabab futbol ölkələrdən birinə. Yoxsa, Ramil Şeydayev bu gedişlə olacaq artıq futbolda harda olduğu bilinməyən ikinci Vaqif Cavadov.
Kamil Məmmədovun, Riyad Rəfiyevin və AFFA-yla yaxın işbirliyində olan digər menecerlərin işi təkcə böyük pullar qazanmaq xatirinə bu ölkəyə futbol opilkalarını gətirmək olmamalıdı. Uğurlu menecer öz istedadlı futbolçusunun xaricdə normal bir kluba keçidini də həll etməyi bacarmalıdı.
Bacarırlarsa, Ramili də, Emini də çıxarsınlar bu ölkənin çempionatından. Çünki onlar xaricdə oturuşmağı bacararlar.
Görürsünüz, qonşu gürcülərin 70 nəfərədək legioneri var xaricdə. Mən hələ erməniləri demirəm. Rusiyada əməlli-başlı futbol lobbisi də yaradıblar. Amma bizimkilər Avropaya və xaricə ayaq basandan sonra burdakı dostları, çayxanalar və qəlyanxanalar üçün darıxmağa başlayırlar. Dil bilməmək də əcnəbi komanda yoldaşları ilə ünsiyyət yaratmağa, dostluq münasibəti qurmağa, birgə istirahət etməyə problem yaradır. Ona görə də darıxırlar və bir mövsümü başa vurmamış qayıdıb gəlirlər vətənə. Heyətdə möhkəmlənə bilməmək ikinci-üçüncü dərəcəli məsələdi. Bizim futbolçunun xarakteri, mental bağlılığı onların xaricə adaptasiya olmasına əngəl yaradır. Amma problemin kökü həm də başqadı.
Azərbaycan futbolçusu “biz yaxınlarımız üçün darıxırıq” düşüncəsi, yaxud bəhanəsiylə geri qayıdanda gürcü futbolçu, hazırda Moskva “Lokomotiv”ində çıxış edən Solomon Kverkveliya belə deyirdi: “Mən “Rubin”də oynayanda aya 2-3 min dollar pul alırdım. Darıxırdım, rus dilini bilmirdim, amma heç vaxt Gürcüstan çempionatına qayıtmaq haqda fikirləşmirdim. Bilirsiniz niyə? Çünki qayıtsaydım, ölkəmdə mənə gülüb deyərdilər ki, sən bacarıqsız futbolçusan, ölkəni təmsil etmək sənə görə deyil...”
İndi aydın olur, Gürcüstanın həm də nəyə görə xaricdə 70 futbolçusu var?
Aydın BAĞIROV
[email protected]
Azərbaycan klubları ÇL-in növbəti mərhələsinə yüksəldilər
Millimizin və "Sumqayıt"ın futbolçusu əməliyyat olundu
Ramil Şeydayev yenidən "Qarabağ"da - Rəsmi
"Səbail" və "Bakı Sportinq"dən qələbə, "Şəfa"dan darmadağın
Millimizdən Moldovada ardıcıl ikinci qələbə
Mourinyo rəsmən “Benfika”da
“Barselona” düşərgəsindən milliyə narazılıq
U-15 millimiz Monteneqro yığmasına qalib gəldi
Luis Enrike birinci hissəni niyə tribunadan izləyib?
Yılmaz Vural bu klubun baş məşqçisi oldu
"Çelsi"də yeni müqavilə
"Benfika" Mourinyo təyinatını nə vaxt açıqlayacaq?
"Bavariya"dan Çempionlar Liqasında uğurlu göstərici
“Qurban Qurbanov Azərbaycan futbolunda inqilab edib”
İtaliya Superkubokunun məkanı açıqlandı
"İnter Mayami"dən Messi qərarı
"Qarabağ"ın o 6 futbolçusu...
"Neftçi", "Şamaxı" və "Sumqayıt" cərimələndi
"İmişli" klubuna texniki məğlubiyyət verildi
Noyerdən "Bavariya" tarixinin rekordu
Azərbaycan millisi FİFA reytinqində gerilədi
Salahdan Çempionlar Liqasında unikal göstərici
Nihat Kahveci: "İnsan "Qarabağ"a həsəd aparır" - Video
ÇL-in oyunlarını yayımlayacaq kanallar
"Liverpul" - "Atletiko" oyunundakı 5 qol - Video
Bu gün hansı güləşçilərimiz yarışacaq?
"Liverpul"dan dramatik qələbə, PSJ-dən darmadağın
“Fənərbaxça”dan xal itkisi - Video
"Real"ın şikayəti rədd edildi
"Mingəçevir" "Cəbrayıl"a belə qalib gəldi - Video
“Qarabağ” UEFA reytinqində irəlilədi
4 qol vuruldu, "Mingəçevir" qalib gəldi
"Benfika" Mourinyo ilə danışıqlarda irəlilədi
“Mançester Siti" mənim yeganə seçimim idi”
2-ci liqada oyunların vaxtı açıqlandı
"Qalatasaray"da ciddi itki
AFFA-dan "Neftçi"yə rədd cavabı
Elxan Səmədovdan "Qarabağ"a təbrik
Azərbaycan kubokunun püşkü atıldı
Azərbaycan kubokunun finalı bu stadionda
Aleksander-Arnoldun durumu açıqlandı
