10.11.25
AFFA Hakimlər Komitəsinin sədri Xaqani Məmmədov bu gün mətbuata açıqlamasında gülməli bir fikir səsləndirib: “Heç kim hakimliyə qiymət verməsin, biz özümüz analiz edib, qərar çıxarırıq”.
Təkcə Xaqani Məmmədovda deyil, ümumiyyətlə, bizim hakimlərin əksəriyyətində özlərinə vurğunluq, göyün yeddinci qatıyla getmək arzusu çoxdan var. Xaqani Məmmədovdan olsa, özündən və ətrafındakı insanlardan başqa kimsə hakimlik haqda danışmamalıdır. Yoxsa, niyə o boyda komitənin sədri desin ki, hakimliyə qiymət verməyin? Görəsən, bizim futbolda nə vaxtdan diktatura rejimi hökm sürür ki, bir futbol məmuru camaata öz fikrini ifadə etmək yasağı qoymaq istəyir?
Özü də Məmmədov bu fikirləri jurnalistə, azarkeşə yox, klub rəsmisinə xitabən deyir. Demə, Məmmədovun hakimi bir oyunda yüz hoqqadan çıxa bilər, klub rəsmisi isə o qədər ağıldan kasad olmalıdır ki, hakimin ya haqlı olduğunu deməli, ya da onun biabırçı idarəçiliyinə göz yummalıdır.
Məntiq vulkan kimi püskürür.
Belə çıxır ki, keçmiş FİFA referisi və hazırkı futbol məmuru Xaqani Məmmədovun hakimlikdən danışmağa haqqı var, amma deyək ki, başqa bir sabiq FİFA referisi, hazırda “Neftçi”də vitse-prezident işləyən Tahir Süleymanovda bu hüquq yoxdur. Tahir Süleymanovun “Neftçi”nin bir çox uğursuzluğuna görə yersiz yerə hakimləri günahlandırmasını az tənqid etməmişik. Bəzən qərəzli danışıb, bəzən də haqsız. Amma bunlar o demək deyil ki, Süleymanov və ya bir başqası (klub rəsmisi, jurnalist, azarkeş) hakimliyə qiymət verməməlidir. Hər halda, hakimlikdə qüsur varsa, bunu demək və göstərmək futbol adamlarının mənəvi vəzifəsidir. Problemi düzəltmək isə Xaqani Məmmədovun artıq vəzifə borcudur.
Hərçənd görün, bu problemin miqyası nə qədər böyükdür ki, Xaqani Məmmədov vəzifədə olduğu son altı ildə çarəni tapa bilməyib. Amma əlbəttə, o söyləyir ki, “siz işimizə qarışmayın, biz analiz edirik”.
Xaqani Məmmədov analizi yekunlaşdırdıqdan sonra belə, hakimlikdə səhvlər, qüsurlar, indi olduğu kimi, klublardan rüşvət alınması faktı davam edəcək. Amma hakimlər komitəsinin özünə hörmət qoyan heç bir sədri deməməlidir ki, “bizim işimizə qiymət verməyin”. Çünki Hakimlər Komitəsi Xaqani Məmmodovun şəxsi mülkü və ya obyekti deyil, istənilən adam haqlı qiymətini verə bilər. Xaqani Məmmədov, onun hakimləri bu ölkənin neftindən gələn pullar hesabına maaş alır, o pullara görə də ildə iki dəfə xarici ölkələrdə yüksək səviyyəli təlim-məşq toplanışında olur. Amma düzdür, elələri var ki, nə gözü doyur, nə qarnı, ya gizli, ya açıq formada, rüşvət qarşılığında klublara işləyir. Sabah aldığı o rüşvətə görə qərəzli hakimlik edib rəqib komandanın başına oyun açanda, təbii ki, klub da, jurnalist də, azarkeş də birinci elə Xaqani Məmmədovun yaxasından yapışır ki, bu nə hoqqadır baş verir.
Onda isə Xaqani Məmmədov deyir: “İşimizə qiymət verməyin, analiz edəcəyik”.
Yəni danışmaq qadağandır!
Deməli, bizə yalnız analizin nəticəsini gözləmək qalır. Analizin nəticəsini isə artıq həm də hakimlikdə həkim olan Xaqani Məmmədov deyəcək. O isə hələ əməliyyat aparır, altı ildir, davam edən əməliyyat...
Aydın BAĞIROV
Qadın futbolunda ilin ən yaxşı qol müəllifi bəlli oldu
"Mançester Siti"nin hücumçusu mövsümü başa vurdu
İlin rəmzi komandasında hansı futbolçular var?
Dünyada ilin ən yaxşı qadın futbolçusu o oldu
İlin ən yaxşı məşqçisi açıqlandı
Dünyada ilin ən yaxşı futbolçusu rəsmən elan edildi
İlin ən baxımlı qol müəllifi bəlli oldu
PSJ Mbappenin təzminatı barədə açıqlama verdi
"Mançester Yunayted" Fernandeşlə bağlı qərarını verdi
Çempionluq paradında insanları əzən şəxsə ağır cəza verildi
İngiltərə klubunun baş məşqçisi klubla yollarını ayırır
Maaşlar ödənilmədi, futbolçular klubu tərk etdi
"Qarabağ"ın qış hazırlıq planı bəlli oldu
FİFA-nın seçimində dünyada ilin ən yaxşı qapıçısı oldu
Məhkəmə qərar verdi: PSJ Mbappeyə təzminat ödəyəcək
"Xankəndi" 6 qolla qalib gəldi
“Baku Sportinq”in futbolçusuna 3 oyunluq cəza
"Neftçi"nin legioneri milliyə çağırıldı
"Qəbələ"nin futbolçusu cəzalandırıldı
AFFA bu klubları cərimələdi
Volkanı Metin əvəzlədi
"Dörd aydır maaş almırıq, ayıb deyil?"
Brendan Rocersin yeni klubu açıqlandı
"Mançester Siti" onu nişan alıb
Mareska gedir, Xavi gəlir
Rüstəm Əhmədzadənin yubiley oyunu
"Azərbaycanda məşqdən sonra qutab yeməyə gedirik"
Azərbaycan Premyer Liqasında 10-cu ukraynalı baş məşqçi
18 ildən sonra
Jardim istefa verdi
“Qarabağ”a qalib gələn klubun 5 ulduzlu yeni bazası - Video
Belçika millisinin üzvü "Milan"la müqaviləni uzatdı - Rəsmi
Babək Quliyev Konfrans Liqasının oyununda
İspaniya millisinin sabiq üzvü Messinin komanda yoldaşı oldu
Taliska başladı, Asensio bitirdi - Video
“Old Trafford”da 8 qol vuruldu
Turun son qalibi “Roma” oldu
Azərbaycanın 4 boksçusu Avropa çempionatının finalında
“Fənərbaxça” “Konyaspor”u darmadağın etdi
“Sumqayıt” 7 dəqiqədə 2 qol vurdu - Video
Zədəli Çalhanoğlu komandası üçün meydana çıxacaq
Bredli MLS təmsilçisinin baş məşqçisi təyin olundu
"İnter Mayami" "Real"ın sabiq oyunçusu ilə razılaşdı
