10.11.25
Sərlövhəyə çıxardığım bu fikri bu günlərdə yumoristik bir verilişdə eşitdim. Sözün düzünü zarafatla da deyərlər.
Odur ki, cənab Barış Şimşək, hansı ki, AFFA-nın Hakimlər Komitəsinin sədridir, gərək cavab verə ki, o, tutduğu bu vacib vəzifədə həqiqətən peşəkar fiqurdumu, yoxsa sadəcə riyakar qüvvələrin əlində oyuncağa çevrilmiş marionetmi?
Dünən "Neftçi" - "Sumqayıt" matçında baş verən hakim hoqqabazlığını izləyəndə heyrətə gəlməyə bilmirdin. Bizdə VAR sistemi nəyə, kimə xidmət edir? Ümumiyyətlə, xidmət edirmi?
Düzdür, o "Neftçi" üçün ayrı dərddir ki, niyə komanda əzəli rəqibi "Qarabağ"dan düz 28 xal (!) geridədir, o ayrı problemdir ki, niyə klubun idarəetməsi illərdir düzəlmək bilmir, o ayrı bəladır ki, niyə transferlərin çoxusu zay çıxır. Niyə, niyə və yenə də niyə?
Amma indi, əlbəttə, mövzu bu deyil.
89-cu dəqiqədə komanda qol vurur, baş hakim Elçin Məsiyev qolu hesaba almır. Bəlkə də haqlıdır. Bəlkə də. Yüz faiz demirəm.
90+6-cı dəqiqədə "Sumqayıt"ın futbolçusu cərimə meydançasında "Neftçi"nin mümkün qolu vurmağa yaxın olan oyunçusuna qarşı açıq kobudluq edir. Bütün Avropada belə epizoda penalti verərlər. Hətta qonşu Gürcüstanda da. Sonra da gileylənirik ki, niyə Gürcüstanda futbola maraq çoxdur, bizdə isə tribunalar bom-boş olur.
Amma bəli, bizdə hakim qayda pozulduğu epizoda penalti vermir, pozulmayana verir. Sırf hakimlərin həm də belə səhvlərini düzəlmək üçün bura gətirilən və bir ətək pul alan Barış bəy niyə o səhvləri düzəltmir? Bir deyil, iki deyil, beş deyil, on deyil... Hansını deyəsən? Belə sədrlik, idarəçilik olarmı, əfəndim?
Hə, həmin epizoda baxıram. "Hakim də insandır, səhv edə bilər" deyib üzərindən keçmək istəyirsən, amma qəfil yadıma düşür ki, bizdə axı, VAR da var. Guya var da. Guya. O VAR-a da "Neftçi" - "Sumqayıt" oyununda Rəşad Əhmədov adında hakim olan şəxs "baxır". Və nə hikmətdirsə, heç ondan da səs çıxmır. Hakimlər hesab edirlər ki, həmin epizodda penalti yoxdur.
Görünür, hakimlər ayrı, biz isə ayrı-ayrı oyunlara baxırıq. Və bütün bunların nəticəsi nə olur?
Bir komandanın, yəni "Neftçi"nin haqqı tapdanır ki, klubun işində qeyd etdiyim o nöqsanlar dünənki matçda həmin komandanın haqqının yeyildiyi həqiqətini dəyişdirmir.
Və...
Samir Abasov "Sumqayıt"da yaxşı iş görür, dünən "Neftçi" ilə matçda da komanda baxımlı, keyfiyyətli oyun göstərdi. Mənə görə, bu komanda Avropaya getməyə layiqdir. Amma "Sumqayıt"ın son 2 oyununda hakimlər Abasovun gördüyü yaxşı işi arxa plana keçirən şübhəli qərarlar verirlər.
Belə olmaz...
Və o da vurğulanmalıdır ki, həm meydan, həm də VAR hakimlərinin nöqsanları tək "Sumqayıt"ın yox, bir çox komandanın oyununda qeydə alınır. Bu, bəzilərinin oyununda isə daha çox olur. Kimisinin lehinə, kimisinin əleyhinə. Bunu təsadüf adlandırmağa adamın dili gəlmir.
Deməli, artıq dilə gəlmək, daha doğrusu, yeni qərar, yeni qərarlar verməyin zamanı çatıb. AFFA-nın rəhbərliyi dəyişib. Bundan sonra onun içi dəyişməlidir.
Həm də VAR dəyişməlidir. Yəni belə VAR. Və həm də VAR-ı yox edənlər.
Aydın Bağırov
Ötən il əfsanəvi futbolçulardan kimlər karyerasını bitirdi?
Yığma qalib gəlsə, böyük məbləğdə pul mükafatı alacaqlar
"Barselona" misirli futbolçunu transfer edir?
"Mançester Yunayted" Matetaya göz dikdi
"Onlar güclü rəqiblərə qarşı matçlarda büdrəyirlər"
"Aston Villa" braziliyalı hücumçunu transfer etdi
Zədələndiyi üçün transfer siyahısından çıxarıldı
Mareskanın yerinə əsas namizəd odur
"Borrusiya"dan "Braytona" keçir
"Qalatasaray"ın müraciəti rədd edildi
Obameyanq qovuldu, yığmanın məşqçiləri istefaya göndərildi
Slot: "Frimponqu sürətinə görə aldıq"
"Çelsi" Mareskanı göndərdi - Rəsmi
"Real" Vinisiusla danışıqları bərpa edir
Dünyanın ən bahalı yarımmüdafiəçiləri
Modriç: "Ofisiant olmaq istərdim"
“Şaxta Babaya inanırdım” - Yuri Vernidub
Tanınmış məşqçidə xərçəng aşkarlandı
Misli Premyer Liqası: İlk yarının təhlili
FIDE 2026-cı ilin ilk reytinqini açıqladı
"Real" onunla müqaviləni uzadacaq
"Zirə"nin legioneri bu dəfə ehtiyatda qaldı
"Mən səni çox sevirəm"
Neymarla yeni müqavilə imzalandı
“Çelsi” bu gün Mareska ilə yolları ayıra bilər
Afrika Millətlər Kubokunda 1/8 finalın bütün cütlükləri
Mbappenin durumu müəyyənləşdi
FİFA “The Best”i ləğv edir - Yeni mükafat yaradılır
Roberto Karlos ürəyindən əməliyyat olundu
“Fənərbaxça”da yeni prezident seçkisi
40 yaşlı futbolçu "uzunömürlülük" sirrini açıqladı
"Yuventus"un futblçusunun "Cenoa" arzusu baş tutmadı
Ştegen yalnız bu şərtlə "Barselona"dan ayrılmağa hazırdır
"Roma" yarımmüdafiə xəttini onunla gücləndirməyi hədəfləyir
Sabiq futbolçuya ərəblərdən təklif gəldi
Kurtua ayın ən yaxşısı seçildi
"Şamaxı"nın legioneri oynadı, komandası pley-offa yüksəldi
“Suallarımız cavabsız qalanda məyusluq oldu” - Video
Mbappe ÇL-in ən yaxşısıdır
Ronaldo 16 il sonra ilk dəfə...
"Mançester Yunayted" xal itrdi - Video
A seriyasında yeni qərar
"Arsenal"ın 4 qollu qələbəsi - Video
