27.02.26
AFFA dünən belə bir rəsmi məlumat yayıb ki, 2022/23 mövsümündən Şuşa və Ağdamın komandaları da Region Liqasında yarışacaq. Yəni hələ bir il sonra.
44 günlük Vətən müharibəsinə görə cəmiyyətimizdə Qarabağla bağlı kövrəklik, həssaslıq daha da çoxalıb. Ona görə də bu gün ölkədə Qarabağa, şəhidlərə və qazilərə yüksək insani duyğulardan irəli gələrək təmənnasız diqqət ayıranlarla yanaşı, onlara “qayğı” göstərib əslində mənfi reputasiyalarını düzəltməyə can atanlar da az deyil.
Belə bir dönəmdə AFFA azad olunan iki şəhərimizin komandasını növbəti mövsümdən Region Liqasına buraxacağını elan edir. Mən hələlik bunun Şuşa və Ağdamın adı ilə manipulyasiya cəhdi olduğunu iddia etməkdən uzağam. Sadəcə, hər şeyi zamanın öhdəsinə buraxıb özlüyümdə bu suallara cavab tapmağa çalışıram: adı şərti olaraq “Şuşa” və “Ağdam” adlanacaq komandalar ev oyunlarını harada keçirəcəklər? Şuşada heç vaxt komanda olmadığından stadion da olmayıb. Bir il ərzində orada stadion tikəcəklər? Ağdam şəhərinin indiki durumu da hamıya məlumdur. Elə isə həvəskar statuslu “Şuşa” ev oyunlarını Bakıda keçirəcək? Yoxsa Region Liqasını da paytaxt çempionatına döndərəcəklər?
Bəs, “Ağdam”?
Bakıda oynamaqla Ağdamı təmsil edən “Qarabağ” adlı komanda onsuz da var. Amma əlbəttə, həvəskar səviyyəli komandanın Quzanlı qəsəbəsində oynaması mümkündür. Orada zamanında Olimpiya stadionu da tikilib, Premyer Liqa oyunları da keçirilib. O stadion ki, indi meydançasına ayağı qırılmasın, zədələnməsin deyə nəinki futbolçu, heç mal-qara da yaxın durmaz. Ona görə də AFFA niyyətində belə səmimidirsə, yaxın aylarda xərc çəkib meydançanın durumuna bir balaca əl gəzdirsin...
Yoxsa Elxan Məmmədovun vəd verib, yerinə yetirməməklə ixtisaslaşmış usta persona olduğu artıq kimsəyə sirr deyil.
Buyurun, bu da futbol adına yüzlərlə faktdan biri.
İllərdir federasiya rəsmiləri Premyer Liqaya əlavə 2 bölgə komandasını buraxacağını deyir. Zamanı yetişəndə isə bu vəd olur heç nə, çürük qoz. Çünki bölgə futbolu üçün bu günə qədər AFFA-nın dəstəyi yalnız kosmetik mahiyyət daşıyıb. Yoxsa ortada sırf Zaur Axundovla dostluq münasibətlərinə görə “Keşlə” kimi mənasız, uğursuz proyektlərə ildə xərclənən 5-6 milyon manatla Premyer Liqada “Kəpəz”, “Turan Tovuz”, “Zaqatala” kimi 3 bölgə klubu saxmaq mümkün və lazım idi.
Elə isə qəfil nə baş verdi ki, bölgələrdə olmayan futbol AFFA-nın yadına düşdü, Elxan Məmmədov o rayon qalmadı ki, ora səfər etməsin?
Məlum, hər şey Fərid Qayıbovun gənclər və idman naziri təyin olunmasından və onun AFFA-dakı görüşündən sonra başlayıb. Eləcə də ölkə Prezidentinin nazirlə görüşdə bəzi idman federasiyaları ilə bağlı tənqidi fikirlərinin burada ciddi rol oynadığı şübhə doğurmur. AFFA-nın əl-ayağa düşməsi, bölgə futboluna qəfil “sevgisi”nin yaranmasının altında da dövlətin hələlik yumşaq formada olsa belə, federasiyaya irad bildirməsidir...
Bu mənada, bir çox ölkədə olduğu kimi Azərbaycanda da Region Liqasında komandaların sayının artması müsbət faktdır. Amma bu liqa həvəskar statusludur, yalnız əyalətlərdə futbolun populyarlaşmasına kömək göstərə bilər və peşəkar futbolun inkişafına ciddi təkan verə bilməz. Futbolun geniş inkişafı baxımından isə bölgə komandalarının Premyer Liqaya buraxılması, başqa sözlə, çempionatda komanda sayının artırılması qaçılmazdır. Yeni mövsümdən birinci diviziondan ən azı iki təmsilçisi Premyer Liqaya buraxılmalıdır. Bunun üçün AFFA-nın maddi imkanı da var. Yetər ki, federasiyadan maliyyələşən komandalar arasında ədalətli və şəffaf bölgü olsun. O zaman Premyer Liqada oynaması üçün yeni komandalara da pul çatar...
Aydın BAĞIROV
"Yuventus" baş məşqçi ilə bağlı qərarını verdi
"Avrokubok üçün əlimizdən gələni edəcəyik" - Rəşad Sadıqov
"Tam özümüzə gəlməmişik" - Qurban Qurbanov
"Qarabağ"ın vacib qələbəsindən - Video
Qavi geri dönür
Qırmızı vərəqələr, ləğv edilən qollar, hərəyə 1 xal
"Sabah" "İmişli"yə, "Qarabağ" "Zirə"yə qalib gəldi
"Fənərbaxça" futbolçuları təhdid edilir
"Qalatasaray"lı Osimhen "Real"a gedir?
"İnter" qələbəni son anda əldən verdi
"Tottenhem"də ciddi itkilər var
Futbolçular meydandan təxliyə olundu
"Onlar öz güclü tərəflərini bizə göstəriblər"
"Sabah"ın böyükhesablı qələbəsindən - Video
“Araz-Naxçıvan” da ev oyunlarını Sumqayıtda keçirəcək
"Bizi dəstəkləmələri çox vacibdir" - "Sabah"ın futbolçusu
"Zirə" - "Qarabağ": Heyətlər
"Səhvlərimizdən maksimum yararlandılar" - Jorj Kaşkilya
Ronaldonun oğlu baş məşqçiyə əsəbləşdi - Video
Ülviyyə Fətəliyeva beynəlxalq turnirin qalibi oldu
Neymar: "Aman Tanrım, özüm olmaq necə də çətindir"
Azərbaycanda federasiyalar birləşdirildi
"FİFA DÇ-2026-ya ev sahibliyini ABŞ-dan almalıdır"
"İmişli" - "Sabah": Heyətlər
Azərbaycanın millisi Çempionlar Kubokunun yarımfinalında
Arbeloa: "Tənqidlər məni narahat etmir"
"Liverpul" "Real"ın iki futbolçusunu transfer edə bilər
"Atletiko"da itki
"Sona qədər avrokuboklar uğrunda mübarizə aparacağıq"
Ayxan Abbasov klub rəhbərlərini belə tənqid etdi - Video
“İndiki boksçuları heç kim tanımır” - Mayk Tayson
Messi, yoxsa Ronaldo? - Hazard seçdi
“Qarabağ”dan ayrılan Krisdən açıqlama
Nəriman yeni klubunun stadionunu ziyarət etdi - Video
Renat oynadı, komandası qalib gəldi
“Fənərbaxça”nın mövsümdəki ilk məğlubiyyəti - Video
Ruzanna Məmmədova Avropa ikincisi oldu
“Qələbə qazana bilməməyimizin səbəbini bilmirəm” - Saşa İliç
"Şamaxı" "Sumqayıt"a belə qalib gəldi - Video
“Bir çox klub rəhbəri artıq getməlidir” - Ayxan Abbasov
"Fənərbaxça"dan şok məğlubiyyət
"Neftçi" - "Qarabağ" matçının vaxtı açıqlandı
"Araz-Naxçıvan"ın qələbəsi - Video
"Getdikdə daha yaxşı oynayırıq" - Andrey Demçenko
